TARA JAHPRANG 20:4 - Jinghpaw Common Language Bible 2009

⁴ Dai Madu nanhte a Karai Kasang gaw nanhte hte rau sa wa nga ai rai nna shi nanhte hpe awng padang jaw ya na ra ai,’ ngu nna tsun na rai wu ai.

Jinghpaw Hanson Version Bible

⁴ Kaning rai nme law, nanhte a Karai Kasang Yehowa gaw, masha hpyen ni hpe manga kau nna, nanhte hpe hkye la na nga, nanhte hte rau sa wa nga ai,” ngu na rai wu ai.

TARA JAHPRANG 20:4 ပူးပေါင်းရင်းမြစ်များ

1 HKAWHKAM LABAU 14:15

Hpun ndung ni hta rawt hkawm wa ai nsen hpe na jang chyawm gaw gasat sanu; hpa majaw nga yang, Hpilisti hpyen luksuk hpe gasat dang kau na matu na a shawng e ngai sa wa na rai nga nngai,” ngu nna htan wu ai.

2 HKAWHKAM LABAU 13:12

Karai Kasang shi nan anhte a ningbaw rai nga ai rai nna shi a hkinjawng ni mung pahtau ni hte ndai yang e nga nga ma ai majaw pahtau dum na matu jin jin galaw da nga ai hte nanhte hpe majan gasat na matu anhte hpe shaga nga ma ai. Dai rai nna Israela amyu masha ni e, dai Madu nanhte a kaji kawa ni a Karai Kasang hpe hkum gasat myit! Nanhte dang lu na myit dai n rai!”

PRU MAT 14:14

Dai Madu gaw nanhte hpa mung n galaw ra hkra, nanhte a matu gasat ya na ra ai,” ngu nna tsun wu ai.

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

TARA JAHPRANG 1:30

Dai Madu nanhte a Karai Kasang gaw nanhte hpe woi awn nna Egutu mung hte nam mali e shi galaw nu ai zawn shi gaw nanhte a matu gasat ya na ra ai.

TARA JAHPRANG 11:25

Dai Madu nanhte a Karai Kasang gaw nanhte du hkawm ai shara shagu hta masha amyu ni hpe hkrit gari shangun na rai wu ai; shi ga sadi tawn da sai hte maren, kadai mung nanhte hpe hkap shingdang lu na ma ai n rai.

TARA JAHPRANG 3:22

Shanhte hpe hkum hkrit et, dai Madu na a Karai Kasang gaw na a matu gasat ya na ra ai.’

TARA JAHPRANG 31:6

Myit jahkut daw dan ai hte kam hpa nga mu. Shanhte hpe hkum hkrit myit. Dai Madu nanhte a Karai Kasang gaw nanhte hte rau anga nga ai; shi nanhte hpe kabai kau na n rai; nanhte hpe kau da na n rai,” ngu nna tsun wu ai.

TARA JAHPRANG 32:30

Marai langai sha masha hkying mi hpe, marai lahkawng e sha mun mi hpe hpa majaw dang kau lu a ta? Dai Madu shanhte a Karai Kasang shanhte hpe kau da nu ai; chyalai n-gun hte hpring ai shanhte a Karai Kasang shanhte hpe ap kau nu ai.

YAWSHU 10:11

Israela hpyen luksuk ni a lata kaw na uhkan hku Amori masha ni ru htaw yu wa nga ma yang, dai Madu gaw lamu de na sin tawng kaba jahkrat bun ai rai nna Azeka mare lam dingyang shanhte adup hkrum ma ai. Israela amyu masha ni sat kau ai hta sin tawng hte adup sat hkrum ai mahtang grau law nga ai.

YAWSHU 10:42

Dai Madu Israela a Karai Kasang gaw Israela a matu gasat ya nga ai majaw, Yawshu gaw dai hkawhkam ni yawng hte shanhte a lamu ga ni hpe kalang dat gasat la lu wu ai.

YAWSHU 23:10

Dai Madu nanhte a Karai Kasang gaw shi a ga sadi hte maren, nanhte a matu majan gasat ya nga ai majaw nanhte hta na marai langai mi masha hkying mi hpe jahtaw kau lu nga myit dai.

1 SAMUELA 14:23

Betawen lai hkra, lam dingyang gasat ma ai. Dai Madu mung Israela hpe dai shani e hkye la wu ai.