TARA JAHPRANG 20:3 - Jinghpaw Common Language Bible 2009

³ hpyen luksuk hpe, ‘Israela masha ni e, madat mu! Dai ni, nanhte majan pa de rawt sa wa nga myit dai. Nanhte a gumlau hpyen ni hpe hkum hkrit myit, myit mung hkum yu htum myit; hkum kajawng hkum kahpra nga myit.

Jinghpaw Hanson Version Bible

³ “Israela amyu e, madat u; masha hpyen ni hpe gasat na dai ni nanhte hkyen ngut manit dai: dai rai nna shanhte a majaw, myit hkum htum et; hkum hkrit, hkum gari, hkum kajawng hkum ma myit:

TARA JAHPRANG 20:3 ပူးပေါင်းရင်းမြစ်များ

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

YOBA 23:16

Chyahtum Chyalai N-gun Rawng Ai Karai Kasang gaw nye a nden marai hpe jahten kau ya ni ai. Nsin gaw ngai hpe myi n mu shangun ai hte, ngai hpe hkrit shangun ti mung, dai gaw nsin a majaw n rai, dai gaw Karai Kasang nan rai nga ai.

SHAKAWN KUNGDAWN 3:6

Nye a gumlau hpyen mun sen ni ngai hpe jut man grup wang shinggrup da ti mung, ngai n hkrit nga nngai.

PRU MAT 14:13

Mawshe chyawm gaw, “Hkum hkrit myit! Amu sha nga mu. Dai ni na nhtoi hta, nanhte hpe hkye hkrang la ai amu dai Madu galaw na ra ai hpe nanhte mu lu na marin dai; dai Egutu masha ni hpe galoi mung bai mu lu na manit dai n rai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 7:4

Sadi maja na matu mung, myit asim sha nga na matu mung, hkrit kajawng ai hte sharu shatsang hpa n hkrum hkra ra na matu mung shi hpe tsun dan u. Hkawhkam Rezin hte shi a Suri masha ni hte Hkawhkam Peka ni a masin kahtet ai gaw wan nhtaw lahkawng kaw na wan hkut hta grau hkrit tsang shara nga ai n rai.

BU HKAWM 14:9

Dai Madu hpe hkum gumlau nga myit; dai mung e nga ai masha ni hpe mung hkum hkrit nga myit. Anhte gaw shanhte hpe aloi sha dang kau lu na ga ai. Dai Madu gaw anhte hte rau anga nga ai majaw shanhte hpe makawp maga la na karai ni hpe dang kau na nu ai; dai re ai majaw hkum hkrit nga myit,” ngu nna tsun ma ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 10:28

Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

MAHTE 10:31

Dai re ai majaw hkum hkrit myit; u tsa law law hta nanhte grau hpu nga myit dai!

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

MARKU 16:18

Shanhte gaw lapu ni hpe hta jum ma ti mung shing n rai hpa baw gung lu ma timung, shanhte hta hpa n hkrum na ma ai; machyi makaw hkrum ai ni a ntsa e shanhte lata ni hpe mara ya nna mai tsai wa shangun na mara ai. ngu nna matsun dat mu ai.’

MARKU 16:6

Shi gaw, “Hkum hkrit kajawng myit, wudang hta jen da sai Nazaret wa Yesu hpe nanhte tam nga myit dai hpe ngai chye nga nngai. Shi nang e n nga sai, shi gaw si ai kaw na hkrung rawt wa sai! Yu mu, ndai kaw shanhte shi hpe bang da ma ai.

KASA 27:24

‘Pawlu e, hkum hkrit e! Hkawseng Kehta a man e nang tsap lu na rin dai; Karai Kasang gaw nang hpe matsan dum nga ai rai nna, nang hte rau ndai sanghpaw li hta jawn ai ni yawng a asak sum shangun na ra ai n rai,’ nga nna ngai hpe tsun sai.

TARA JAHPRANG 20:1

“Gumlau hpyen ni hpe nanhte htim gasat sa wa ai shaloi, gumra hte hpyen leng ni hpe mung, nanhte hta grau law ai hpyen luksuk ni hpe nanhte mu myit dai shaloi, shanhte hpe hkum yu hkrit myit. Nanhte hpe Egutu mung kaw na shaw woi wa ai dai Madu nanhte a Karai Kasang gaw nanhte hte rau rai nga na ra ai.

TARA JAHPRANG 20:2

Nanhte hpyen garai n htim hpang yang, hkinjawng wa shawng de sit sa nhtawm,

1 HTESALONI 5:15

Kadai mung shut ai hpe shut ai hku matai n htang ai sha, nanhte shada da hte, masha yawng mayawng a matu mai kaja ai lam galaw na hta nanhte a myit shatawng shada da mu.

1 TIMOHTI 6:12

Makam masham hte seng ai gat shingjawng poi hta atsam htum hkra gat nna htani htana asak ngu ai kumhpa hpe na a matu lu la hkra di u; hpa majaw nga yang, dai asak hkrung lam hta e, nang hpe Karai Kasang shaga la ai shaloi nang gaw sakse law law ni a man e kam sham sai lam ngang ngang kang kang nang yin la nit dai.

HEBRE 13:6

Dai re ai majaw, “Dai Madu gaw ngai hpe karum ai wa rai nga ai, ngai hpa hpe mung hkrit kang na n rai. Kadai wa ngai hpe hpa di lu na rai ta?,” nga nna nden ja ai myit hte anhte tsun nga ga.

YAWSHU 23:10

Dai Madu nanhte a Karai Kasang gaw shi a ga sadi hte maren, nanhte a matu majan gasat ya nga ai majaw nanhte hta na marai langai mi masha hkying mi hpe jahtaw kau lu nga myit dai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

1 SAMUELA 17:32

Dawi gaw Shawlu hpe, “Daru magam hpung shingkang hte hpring ai madu e, ndai Hpilisti masha wa hpe kadai mung n hkrit ra na ga ai! Ngai shi hpe sa gasat na we ai,” ngu nna tsun wu ai.