TARA JAHPRANG 20:2 - Jinghpaw Common Language Bible 2009

² Nanhte hpyen garai n htim hpang yang, hkinjawng wa shawng de sit sa nhtawm,

Jinghpaw Hanson Version Bible

² Hpyen de htim na rai jang, hkinjawng wa gaw sit sa nna masha ni hpe ning ngu na rai wu ai:

TARA JAHPRANG 20:2 ပူးပေါင်းရင်းမြစ်များ

2 HKAWHKAM LABAU 13:12

Karai Kasang shi nan anhte a ningbaw rai nga ai rai nna shi a hkinjawng ni mung pahtau ni hte ndai yang e nga nga ma ai majaw pahtau dum na matu jin jin galaw da nga ai hte nanhte hpe majan gasat na matu anhte hpe shaga nga ma ai. Dai rai nna Israela amyu masha ni e, dai Madu nanhte a kaji kawa ni a Karai Kasang hpe hkum gasat myit! Nanhte dang lu na myit dai n rai!”

BU HKAWM 31:6

Mawshe gaw chyoi pra ai arai ni hte pahtau dum let masat kumla jaw ai hta woi awn ai hkinjawng Eleaza a kasha Hpineha a woi hkang ai npu hta shanhte hpe shangun dat wu ai.

TARA JAHPRANG 20:1

“Gumlau hpyen ni hpe nanhte htim gasat sa wa ai shaloi, gumra hte hpyen leng ni hpe mung, nanhte hta grau law ai hpyen luksuk ni hpe nanhte mu myit dai shaloi, shanhte hpe hkum yu hkrit myit. Nanhte hpe Egutu mung kaw na shaw woi wa ai dai Madu nanhte a Karai Kasang gaw nanhte hte rau rai nga na ra ai.

TARA JAHPRANG 20:3

hpyen luksuk hpe, ‘Israela masha ni e, madat mu! Dai ni, nanhte majan pa de rawt sa wa nga myit dai. Nanhte a gumlau hpyen ni hpe hkum hkrit myit, myit mung hkum yu htum myit; hkum kajawng hkum kahpra nga myit.

1 SAMUELA 14:18

Shawlu gaw hkinjawng Ahiya hpe, “Dai hkinjawng hpa hkai lawng ndai de la wa rit,” ngu nna tsun wu ai. (Dai shani e Ahiya gaw Israela amyu masha ni a shawng e dai hpe hpai da nga ai.)

1 SAMUELA 17:32

Dawi gaw Shawlu hpe, “Daru magam hpung shingkang hte hpring ai madu e, ndai Hpilisti masha wa hpe kadai mung n hkrit ra na ga ai! Ngai shi hpe sa gasat na we ai,” ngu nna tsun wu ai.