TARA JAHPRANG 20:16 - Jinghpaw Common Language Bible 2009

¹⁶ “Rai ti mung, dai Madu nanhte a Karai Kasang nanhte hpe jaw ya nga ai mungdan na mare ni hpe madu la myit dai shaloi, masha shagu hpe sat kau na rai myit dai.

Jinghpaw Hanson Version Bible

¹⁶ Na a Karai Kasang Yehowa na a sali wunli matu jaw ai ndai amyu ni nga ai mare ni hta na nsa sa chye ai shinggyim masha langai mi hpe muk jahkrung da lu na n rai.

TARA JAHPRANG 20:16 ပူးပေါင်းရင်းမြစ်များ

BU HKAWM 21:35

Dai rai nna Israela amyu masha ni gaw Oga hte shi a shadang sha ni hpe mung, shi a masha ni yawng hpe mung, langai mi mung n ngam da hkra sat kau ma ai. Dai hpang shi a lamu ga hpe mung shanhte shang gasat la kau ya mu ai.

BU HKAWM 31:17

Lasha shagu hpe mung, la hte kanawn yu sai numsha shagu hpe mung ya jang sat kau mu;

BU HKAWM 33:52

dai mung e nga nga ai masha ni yawng hpe nanhte gawt shapraw kau lu na rai myit dai. Nlung hte tawk nna nhprang arai hte jaw ai shanhte a hpara sumla yawng hte shanhte nawku ai shara ni yawng hpe jahten sharun kau ya na rai myit dai.

TARA JAHPRANG 20:15

Dai gaw nanhte shanu nga na mungdan hte tsan gang ai mare ni hpe shing di na rai myit dai.

TARA JAHPRANG 20:17

Hiti, Amori, Hkanani, Perizi, Hiwi hte Yebusi masha ni yawng hpe dai Madu nanhte hpe hkang da sai hte maren, tsep kawp shamyit kau na rai myit dai.

TARA JAHPRANG 24:4

kaning re ai lam hku mi rai rai, shawng na dai num a madu wa shi hpe bai hkungran la lu na n rai; dai numsha hta awu asin rai sai ngu myit nawn la na rai wu ai; dai n rai, dai numsha hpe shi bai hkungran la ai rai yang, dai gaw dai Madu hpe n sawn n sang di ai rai nga ai. Dai Madu nanhte a Karai Kasang nanhte hpe jaw ai mungdan hta shing re ai hkrit hpa yubak hpe shut hpyit lu na myit dai n rai.

TARA JAHPRANG 31:5

Dai Madu gaw shanhte hpe dang kau na awng padang nanhte hpe jaw ya na rai nna, ngai nanhte hpe tsun da ni ai hte maren, shanhte hpe ten tup gasat dang kau na marin dai.

TARA JAHPRANG 4:21

Nanhte a majaw dai Madu nanhte a Karai Kasang mung ngai hpe masin pawt nna Yawdan hka n rap sa lu na hte nanhte hpe shi jaw ya ai dai ga sau hte hpring nna ningru ningja ai mungdan de n shang lu na lam dagam kau nu ai.

TARA JAHPRANG 7:16

Dai Madu nanhte a Karai Kasang nanhte a lata hta ap ya ai masha, amyu baw shagu hpe shamyit kau lu na rai myit dai. Shanhte hpe matsan yu dum ai myit loi mi mung madun dan lu na myit dai n rai. Shanhte a karai ni hpe hkum nawku myit, dai gaw si ging ai amu rai nga ai.

YAWSHU 10:20

Yawshu hte Israela amyu masha ni chyawm gaw hpyen ni hpe htau sat kau mu ti mung, nkau mi mahtang mare bunghku kata de hprawng shingbyi shara mu tam ai hte sat kau n hkrum nga ma ai.

YAWSHU 10:28

Dai shani jang, Yawshu gaw Makeda mare hte de a hkawhkam hpe gasat la wu ai rai nna mare e nga ai masha shagu hte hpe shi sat kau wu ai majaw, hkrung nga ai masha langai mi mung n ngam nga ai. Shi gaw Yerihko hkawhkam wa hpe shagrawt kau wu ai zawn Makeda hkawhkam wa hpe mung shagrawt kau wu ai.

YAWSHU 10:40

Yawshu gaw mungdan ting ngu na bum ga na hkawhkam ni, sinpraw maga na kadit ni, sinna maga de na layang ni, dingdung maga de na hkun hkraw ai shara mahkra hpe gasat la wu ai. Shi gaw masha kadai hpe mung n ngam da ai sha sat kau wu ai; Ndai gaw dai Madu Israela a Karai Kasang hkang da ai hte maren galaw ai amu rai nga ai.

YAWSHU 11:14

Israela amyu masha ni gaw dai mare hkan na manu dan ai lanep arai ni hte yam nga ni yawng la nna shanhte a matu dai ni hpe kyem da nga ma ai. Rai ti mung, masha shagu hte hpe chyawm gaw sat kau nna kadai mung n hkrung lu nga ma ai.

YAWSHU 6:24

Dai hpang, aja, gumhpraw, magri mang hte hpri ni hte galaw ai arai ni hpe dai Madu a sut dek hta bang da ai hta jan nna dai mare hte dai hta rawng marawng yawng hpe wan n-wu tai mat hkra nat kau ma ai.

YAWSHU 8:25

Dai mare e nga ai masha shagu sat kau hkrum ma ai aten du hkra, Yawshu gaw shi a nri n jahkrat kau ai sha, Ai mare de aladawn da wu ai. Dai shani e sat kau hkrum ai Ai mare na numsha lasha yawng mun mi hkying lahkawng rai nga ai.

YAWSHU 8:8

Dai mare hpe dang la ngut jang, dai Madu hkang da sai hte maren, nat kau na rai myit dai; Dai gaw nanhte hkan sa na tara ni rai nga ai.”

YAWSHU 9:24

Shanhte gaw, “Madu e, nanhte shang wa myit yang, nanhte hpe ndai mungdan ting jaw kau nna, dai mung hta nga ai masha amyu ni hpe sat shamyit kau na nga, dai Madu na a Karai Kasang shi a shangun kasa Mawshe hpe hkang da nu ai gaw teng sha wa teng nga ai hpe anhte chye ga ai majaw dai hku anhte galaw kau saga ai. Dai sha n-ga, anhte a asak a matu hkrit tsang ai hte nanhte hpe hkrit gari nga ga ai majaw dai hku galaw kau saga ai.

YAWSHU 9:27

Rai ti mung dai aten hta nan shi shanhte hpe mayam shatai nhtawm Israela amyu masha ni hte dai Madu a tawn hkungri amu ni a matu hpun hta, hka ja na hpajang da wu ai. Dai rai nna dai ni du hkra nawku na matu dai Madu lata san da nu ai shara hta dai amu matut galaw nga ma ai.

YAWSHU 9:7

Rai ti mung Israela amyu masha ni mahtang, “Nanhte hte anhte hpa lam ni a majaw ga shaka tawn da na rai nga ga ni? Nanhte ndai ani sha hkan nga sam ang nga myit dai,” ngu nna tsun mu ai.

1 SAMUELA 15:3

Amalek masha ni hpe sa gasat nhtawm shanhte lu malu sut gan mahkra hte hpe tsep kawp jahten shaza kau ya mu. Arai hpa mung hkum tawn hkum ngam da myit. Numsha, lasha, ma kaji, ma chyangai, sagu, dumsu, gawla-uk hte lawze ni yawng mayawng hpe sat kau mu,” ngu nna tsun wu ai.