TARA JAHPRANG 20:11 - Jinghpaw Common Language Bible 2009

¹¹ Shanhte asum jaw nna mare chyinghka hpaw dat ya ai shaloi, shanhte yawng gaw nanhte a mayam ni tai mat nna, laja lana re ai amu nanhte a matu gun hpai ya na rai ma ai.

Jinghpaw Hanson Version Bible

¹¹ Dai mare na ni htinglu na hku htan nna, mare chyinghka hpaw ya ma yang gaw, dai mare na masha nlang nang kaw jahkawn bang nna, na a amu gun hpai lu na rai ma ai.

TARA JAHPRANG 20:11 ပူးပေါင်းရင်းမြစ်များ

1 HKAWHKAM 5:1

Turu hkawhkam Hiram gaw Dawi a jinghku tut nawng a rai nga ai. Shi kawa Dawi a magam tingnyang hta Shawlumon hkaw galai dung ai shiga hpe shi na jang, Hiram gaw shi a shangun dat kasa ni hpe Shawlumon hpang de shangun dat wu ai.

2 HKAWHKAM 6:22

Shi chyawm gaw, “N rai law, nanhte gasat nna rim la lu ai hpyenla ni hpe pyi sat kau lu na myit dai n rai; lu na sha na lusha shanhte hpe jaw mu; shing rai shanhte a hkawhkam wa hpang de nhtang wa shangun mu,” ngu nna tsun wu ai.

SHAKAWN KUNGDAWN 120:7

Ngwi pyaw sim sa lam hpe ngai tsun yang, shanhte majan gasat na lam hpe tsun ma ai.

LUKA 19:14

Ya, shi a mung masha ni shi hpe n dawng da mu ai rai nna, shanhte gaw shi a hpang e kasa ni hpe hkan shangun dat nhtawm, ‘Ndai wa anhte a hkawhkam tai na anhte n ra ga ai,’ ngu nna tsun shangun mu ai.

TARA JAHPRANG 20:10

“Mare langai hpe htim gasat myit dai shaloi, dai mare masha ni hpe asum jaw kau na ahkaw ahkang shawng jaw na rai myit dai.

TARA JAHPRANG 20:12

Rai ti mung dai mare masha ni asum n jaw ai sha nanhte hpe hkap gasat mu ai rai yang chyawm gaw nanhte a luksuk hte dai mare hpe wang tawn mu.

YAWSHU 16:10

Rai ti mung, Gezera mare e nga ai Hkanani masha ni hpe shanhte n gawt shapraw kau mu ai rai nna, dai ni du hkra Ehprim kashu kasha ni hta Hkanani masha ni nga nga ma ai; rai ti mung shanhte gaw mayam shatai hkrum nga ma ai.

YAWSHU 9:27

Rai ti mung dai aten hta nan shi shanhte hpe mayam shatai nhtawm Israela amyu masha ni hte dai Madu a tawn hkungri amu ni a matu hpun hta, hka ja na hpajang da wu ai. Dai rai nna dai ni du hkra nawku na matu dai Madu lata san da nu ai shara hta dai amu matut galaw nga ma ai.

YAWSHU 9:8

Shanhte mung Yawshu hpe, “Anhte gaw na a mayam ni rai nga ga ai,” ngu nna tsun mu ai. Yawshu gaw shanhte hpe, “Nanhte kadai ni rai nga myit ni? Nanhte kanang na du sa wa myit ni?,” ngu nna san yu wu ai.

YAWSHU 9:9

Dai hpang shanhte mung ndai maumwi shanhte hpe tsun dan mu ai: “Dai Madu na a Karai Kasang a lam anhte na ga ai majaw mung, Egutu mung hta shi galaw dan sai lam magup a lam hpe anhte na ga ai majaw mung, Yawdan hka a sinpraw hkran na Amori hkawhkam lahkawng rai nga ai Heshbon Hkawhkam Sihon hte Ashtarot e nga ai Bashan Hkawhkam Oga yan hta galaw nu ai lam ni a majaw mung, grai tsan ai sumtsan mung na anhte du sa raga ai.

TARA AGYI 1:28

Israela masha ni n-gun ja wa ai shaloi, shanhte a matu nga nna Hkanani masha ni hpe amu galaw shangun ma ai rai nna, shanhte yawng hpe ya du hkra atsai awai n gawt shapraw kau ma ai.