TARA JAHPRANG 20:10 - Jinghpaw Common Language Bible 2009

¹⁰ “Mare langai hpe htim gasat myit dai shaloi, dai mare masha ni hpe asum jaw kau na ahkaw ahkang shawng jaw na rai myit dai.

Jinghpaw Hanson Version Bible

¹⁰ Mare langai ngai hpe gasat na du sa wa ndai shaloi, htinglu htinglai na lam nang shawng tsun na rai ndai.

TARA JAHPRANG 20:10 ပူးပေါင်းရင်းမြစ်များ

ESAIA 57:19

Ngai gaw ni ai, tsan ai shara hkan nga ai ni yawng hpe ngwi pyaw sim sa lam jaw na nngai! Ngai gaw nye a amyu masha ni hpe shamai shatsai na nngai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

2 KORINHTU 5:18

Dai lam yawng mayawng hpe chyawm gaw Karai Kasang e galaw nu ai, Karai Kasang gaw anhte hpe shi a hpyen ni tai nga ai kaw nna shi a jinghku ni tai wa na matu Hkristu Yesu a marang e galai shai mat shangun mi ai hte, kaga masha ni hpe mung shi a jinghku ni tai wa shangun na matu anhte hpe amu lit ap ya mani ai.

EHPESU 2:17

Shing rai nna Karai Kasang hte tsan gang nga ai nanhte maigan masha ni hpe mung, Karai Kasang hte ni nga ai Yuda masha ni hpe mung, Hkristu du sa nna dai ngwi pyaw ai lam a Kabu Gara Shiga hkaw tsun dan mi ai.

TARA JAHPRANG 2:26

“Dai hpang ngai gaw Kedemot nam mali kaw nna Heshbon Hkawhkam Sihon hpang de lawu de na ngwi pyaw ai ga ni hte hpawn kasa ni hpe shangun dat nngai:

TARA JAHPRANG 20:11

Shanhte asum jaw nna mare chyinghka hpaw dat ya ai shaloi, shanhte yawng gaw nanhte a mayam ni tai mat nna, laja lana re ai amu nanhte a matu gun hpai ya na rai ma ai.

TARA JAHPRANG 20:9

Dai du salang ni hpyen luksuk hpe ga tsun ngut jang, masha hpung shagu hpe woi awn na matu ningbaw ni hpe lata san da na rai ma ai.

TARA AGYI 11:12

Yephta gaw Amon hkawhkam hpang de kasa ni hpe shangun dat nhtawm, “Anhte hte hpa ra rawng nga a ta? Hpa majaw nang nye a mungdan hpe gasat la mayu n ta?,” ngu nna san wu ai.

TARA AGYI 21:13

Dai hpang shawa hpung ting gaw majan gasat ai hpe jahtum kau na matu Rimon lungbra e nga nga ai Benyamin masha ni hpang de shiga shana dat ma ai.