TARA JAHPRANG 20:1 - Jinghpaw Common Language Bible 2009

¹ “Gumlau hpyen ni hpe nanhte htim gasat sa wa ai shaloi, gumra hte hpyen leng ni hpe mung, nanhte hta grau law ai hpyen luksuk ni hpe nanhte mu myit dai shaloi, shanhte hpe hkum yu hkrit myit. Nanhte hpe Egutu mung kaw na shaw woi wa ai dai Madu nanhte a Karai Kasang gaw nanhte hte rau rai nga na ra ai.

Jinghpaw Hanson Version Bible

¹ Masha hpyen ni hpe nang gasat sa wa ndai shaloi, gumra hte hpyen leng ni hpe mung, nang hta grau law ai masha ni hpe mung nang mu lu yang, nang shanhte hpe hkrit lu na n rai: kaning rai nme law, nang hpe Egutu mung na shaw woi wa ai, na a Karai Kasang Yehowa gaw nang hpang maga rai nga ai.

TARA JAHPRANG 20:1 ပူးပေါင်းရင်းမြစ်များ

NINGPAWT NINGHPANG 26:3

Ndai yang e nga u, ngai nang hte rau nga nga nna nang hpe shaman ya na nngai. Nang hpe mung, na a amyu matu ni hpe mung ndai mung ting ngai jaw na mawe ai; shing rai na nwa Abraham hpe ngai shagrin da sai ga sadi hpe ngai shatup na we ai.

2 HKAWHKAM LABAU 14:10

Asa gaw shi hpe gasat ninghkap na nga pru sa wa wu ai; lahkawng maga na hpyen hpung ni gaw Maresha mare makau na Zehpahta Kadit e shara la shajang nga ma ai.

2 HKAWHKAM LABAU 14:11

Asa gaw dai Madu shi a Karai Kasang hpe, “O Madu e, nang chyawm gaw n-gun ja wa hkra karum ya lu nga ndai. Dai rai nna ya jang anhte hpe karum la mi. O Madu anhte a Karai Kasang e, nang hta anhte shamyet shanat nga ga ai majaw na a mying ningsang hta ndai hpyen hpung kaba hpe gasat ninghkap na matu anhte pru sa wa na ga ai. Madu e, nang gaw anhte a Karai Kasang rai nga ndai, kadai mung nang hpe dang kau lu na matu myit mada lu nga ai n rai,” ngu nna hpyi tsun wu ai.

2 HKAWHKAM LABAU 20:12

Nang gaw anhte a Karai Kasang rai nga ndai, shanhte hpe ari jaw u; anhte hpe gasat nga ai ndai hpyen luksuk kaba a man hta anhte gaw karum la lam n lu ai ni she rai nga saga ai. Kaning rai galaw na mung anhte n chye saga ai, rai ti mung anhte chyawm gaw karum la hkrum na matu nang hpe sha mada yu nga saga ai law,” ngu nna nsen ja ja hte hpyi jahtau wu ai.

2 HKAWHKAM LABAU 20:15

Yahaziela gaw, “Madu hkawhkam hte Yuda, Yerusalem mare masha ni yawng hte e, dai hpyen luksuk kaba hte hkrum na myit hkum daw myit, hkrit mung hkum hkrit nga myit. Dai hpyen gasat ai gaw nanhte a amu n rai; Karai Kasang hte she seng nga ai.

SHAKAWN KUNGDAWN 118:6

Dai Madu ngai hte rau rai nga ai rai nna, ngai hpa hpe mung n hkrit nga nngai; Kadai wa ngai hpe hpa di lu na rai nga a ta?

SHAKAWN KUNGDAWN 20:7

Nkau mi shanhte a majan leng ni hte bai nkau mi shanhte a jawn gumra ni hpe kam hpa nga ma ai; rai ti mung, nanhte gaw anhte a Madu Karai Kasang a daru magam n-gun hpe kam hpa nga ga ai.

SHAKAWN KUNGDAWN 23:4

Sung htum ai nsin hta ngai lai hkawm mat wa ti mung; nang ngai hte rau nga nga ndai majaw, Madu e, ngai hkrit na nngai n rai. Hpa majaw nga yang, na a sagu rem daw hkrawng hte sumdoi gaw ngai hpe makawp maga ya nga ai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 46:7

Dai Chyahtum Chyalai N-gun rawng ai Madu gaw anhte hte rau rai nga ai; Yaku a Karai Kasang gaw anhte a shingbyi shara rai nga ai.

SHAKAWN KUNGDAWN 46:8

Sa marit, dai Madu hpa galaw da sai amu ni hpe yu mu. Ginding aga a ntsa e, shi galaw da sai mauhpa amu ni hpe mada yu mu.

PRU MAT 20:2

“Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

YEREMIA 16:14

Dai Madu gaw, “Egutu mung kaw nna woi shapraw wa ai ahkrung nga ai Karai Kasang ngai hpe Israela amyu masha ni galoi mung n dagam ai aten du wa na ra ai.

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

BU HKAWM 10:9

Nanhte a mung hta majan byin nna nanhte hpe sa htim gasat ai gumlau hpyen hpe nanhte nan ninghkap shadaw nhtawm dai pahtau ni hte majan byin kumla hku dum dat ai shaloi Ngai Madu nanhte a Karai Kasang nan nanhte hpe karum la ai hte gumlau hpyen ni a lata kaw nna hkye hkrang la na made ai.

BU HKAWM 23:21

Israela a du na ra ai aten e, shi hta n kaja ai lam hte Ru yak tsin-yam tsindam dingbai dingna hpa mung du shang wa na n rai nga ai hpe ngai tau chye da se ai. Dai Madu shanhte a Karai Kasang gaw shanhte hte rau rai nga ai; Shi gaw shanhte a Karai Kasang rai nga ai nga nna shanhte tsun garu ma ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

TARA JAHPRANG 1:29

“Rai ti mung ngai chyawm gaw, ‘Dai masha ni hpe hkrit kahpra shara n nga ra myit dai.

TARA JAHPRANG 2:7

“Dai Madu nanhte a Karai Kasang gaw nanhte galaw sai lam magup hta kaning rai shaman ya manit dai hpe adum nga mu. Ndai htat ai nam mali kata hkan nanhte hkawm sa nga myit yang, nanhte hpe lanu lahku la manit dai. Shing rai nanhte hta ra kadawn nga ai lam magup lu la hkra, ndai shaning mali shi ning tup nanhte hte rau nga lai wa nu ai.

TARA JAHPRANG 20:2

Nanhte hpyen garai n htim hpang yang, hkinjawng wa shawng de sit sa nhtawm,

TARA JAHPRANG 20:3

hpyen luksuk hpe, ‘Israela masha ni e, madat mu! Dai ni, nanhte majan pa de rawt sa wa nga myit dai. Nanhte a gumlau hpyen ni hpe hkum hkrit myit, myit mung hkum yu htum myit; hkum kajawng hkum kahpra nga myit.

TARA JAHPRANG 31:6

Myit jahkut daw dan ai hte kam hpa nga mu. Shanhte hpe hkum hkrit myit. Dai Madu nanhte a Karai Kasang gaw nanhte hte rau anga nga ai; shi nanhte hpe kabai kau na n rai; nanhte hpe kau da na n rai,” ngu nna tsun wu ai.

TARA JAHPRANG 31:8

Dai Madu shi nan nang hte rau rai nga nna nang hpe woi awn na rai wu ai. Shi nang hpe kabai kau na n rai; nang hpe kau da na n rai; dai rai nna myit nden shaja u, hkum hkrit et,” ngu nna tsun wu ai.

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

TARA JAHPRANG 7:18

Shanhte hpe hkum hkrit myit; dai Madu nanhte a Karai Kasang gaw Egutu hkawhkam wa hte shi a masha ni yawng hpe kaning di kau nu ai hpe adum nga mu.

TARA JAHPRANG 7:21

Dai rai nna ndai masha ni hpe hkum hkrit myit. Dai Madu nanhte a Karai Kasang gaw nanhte hte rau rai nga ai; shi gaw galu kaba ai Karai Kasang rai nga ai hte hkrit kamyin ging ai wa rai nga ai.

TARA JAHPRANG 9:3

Rai ti mung dai Madu nanhte a Karai Kasang gaw grung ai wan zawn nanhte a shawng e sa wa na rai nga ai hpe dai ni, nanhte nan mu lu na marin dai. Shi a ga sadi hte maren nanhte rawt lung wa myit yang, shi shanhte hpe dang kau na rai wu ai rai nna nanhte mung shanhte hpe gawt shapraw kau lu ai hte shanhte hpe alawan shamyit kau lu na rai myit dai.

YAWSHU 1:5

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

YAWSHU 11:9

Dai Madu hkang da nu ai hte maren, Yawshu gaw shanhte hpe shakrip mu ai rai nna shanhte a gumra lahkap dan ya nhtawm leng ni hpe nat kau ya wu ai.

TARA AGYI 6:12

Dai Madu a lamu kasa gaw dai yang e shi kaw dan pru nna, “N-gun ja nna share ai wa e, dai Madu gaw nang hte rau rai nga ai!,” ngu nna tsun wu ai.

TARA AGYI 6:16

Dai Madu mung, “Ngai nang hpe karum la na rai nga nngai majaw nang gaw dai amu hpe galaw lu na rai ndai. Nang gaw shanhte hpe marai mi hpe zawn loi loi hte dai Midian masha ni hpe agrawp kau lu na rai ndai,” ngu nna htan wu ai.

1 SAMUELA 17:32

Dawi gaw Shawlu hpe, “Daru magam hpung shingkang hte hpring ai madu e, ndai Hpilisti masha wa hpe kadai mung n hkrit ra na ga ai! Ngai shi hpe sa gasat na we ai,” ngu nna tsun wu ai.