TARA JAHPRANG 2:9 - Jinghpaw Common Language Bible 2009

⁹ Dai Madu gaw ngai hpe, ‘Moba mung e nga ai Lawt a amyu matu mara ni hpe hkum sharu shatsang myit; shanhte hte majan hkum baw myit. Ara mare gaw ngai shanhte hpe jaw da mawe ai majaw shanhte a lamu ga lahpa mi hpe mung nanhte hpe ngai jaw na mawe ai n rai,’” ngu nna tsun wu ai.

Jinghpaw Hanson Version Bible

⁹ Shaloi Yehowa gaw, Moba masha ni hpe hkum shatsang mu; shanhte hte majan hkum galaw myit: Ara mare hpe gaw Lawt a kashu kasha ni hpe ngai ap ya mase ai re ai majaw, shanhte a mung hta na ngai nanhte hpe madu shangun na made ai n rai,’ nga nna ngai hpe tsun ai.

TARA JAHPRANG 2:9 ပူးပေါင်းရင်းမြစ်များ

2 HKAWHKAM LABAU 20:10

“Ya chyawm gaw Amon, Moba hte Edom masha ni anhte hpe gasat mani ai. Anhte a kaji kawa ni Egutu mung kaw nna pru wa ma ai shaloi dai mungdan ni de shang na ahkang nang n jaw ndai majaw anhte kaji kawa ni koi kau da ai hte shanhte hpe n jahten sharun kau da nga ai.

SHAKAWN KUNGDAWN 83:8

Asuri masha ni mung, Lawt a aru arat ni rai nga ai Amon masha ni hte Moba masha ni hpang maga de, jinghku hpyen hpung hta shang lawm nga masai.

ESAIA 15:1

Ndai gaw Moba hte seng ai mungga rai nga ai. Ara hte Kira mare ni gaw lana mi hta sha jahten kau hkrum nga ai, Moba mung hta katsi katsang shara tai nga ai.

BU HKAWM 21:15

Arnon hka hte Moba lamu ga jarit maga, Ara mare du hkra rwi rai hkrat wa ai kadit ni,” nga nna dai Madu a hpyen majan laika hta tsun kajai nga ai.

BU HKAWM 21:28

Lang mi ndai Heshbon mare kaw na Sihon a Hpyen luksuk gaw wan zawn pru hkawm let, Moba mung na Ara mare hpe jahten kau nu ai; Arnon a lahta na kawng ni hpe mayu kau nu ai.

BU HKAWM 22:4

Moba masha ni gaw Midian masha ni a ningbaw ni hpe, “Ndai wunawng wuwa gaw usu langai mi udat shara na tsingdu hpe makret sha nga ai zawn anhte a grup yin na nga manga hte hpe kade n na yang, jahten sharun kau na mara ai,” ngu nna tsun wu ai. Dai rai nna Hkawhkam Balak gaw

TARA JAHPRANG 2:5

rai ti mung shanhte a lamu ga lahpa mi pyi nanhte hpe ngai ap ya na n re ai majaw shanhte hte majan hpaw lu na myit dai n rai; Edom mung hpe mung Esaw amyu matu mara ni hpe ngai jaw da se ai.

TARA AGYI 11:15

ning ngu mahtai jaw dat wu ai: “Moba lamu ga hpe mung, Amon lamu ga hpe mung, Israela ni kashun la ma ai, nga ai ga gaw n teng nga ai.

TARA AGYI 11:17

Dai hpang Edom hkawhkam hpang de shanhte kasa shangun dat nhtawm shi a mungdan hku ga lai wa na ahkang hpyi ma ai. Rai ti mung Edom hkawhkam gaw shanhte hpe ahkang jaw ai n rai; dai zawn Moba hkawhkam hpang de mung ahkang hpyi yu mu yang, shi a mungdan hku ga lai wa na ahkang shanhte hpe n jaw ma ai; dai rai nna Israela masha ni Kadesha mare e nga nga ma ai.

TARA AGYI 11:18

Dai hpang shanhte gaw nam mali hku ga sa wa let Moba mung a sinpraw maga, Arnon hka wora hkran de du hkra Edom hte Moba mung ni hpe gawai let hkawm sa wa ma ai. Dai yang hkan shanhte dap jung ma ai; rai ti mung dai shara gaw Moba a lamu ga jarit rai nga ai majaw Arnon hka hpe n rap ma ai.