TARA JAHPRANG 2:8 - Jinghpaw Common Language Bible 2009

⁸ “Dai rai nna anhte htawt hkawm nhtawm Elat hte Eziongebera mare kaw na sa wa na lam hku Jum Nawng de hprang, dai kaw na sinpraw dingdung e nga ai Moba mung maga de byawn rai anhte kayin lung wa saga ai.

Jinghpaw Hanson Version Bible

⁸ Shing rai, Seria bum hta nga nga ai anhte a hpunau Esaw a kashu kasha ni a makau hku anhte lai wa nna, Elat hte Ezion-geba mare kaw nna sa wa ai layang lam hku hkan sa wa nhtawm, bai kayin nna Moba nam mali lam hku lung mat wa ga ai.

TARA JAHPRANG 2:8 ပူးပေါင်းရင်းမြစ်များ

NINGPAWT NINGHPANG 25:23

Dai Madu gaw shi hpe, “Na a hkum hta amyu lahkawng nga lit dai; Shada da htinghtawng shingjawng hkat ai amyu lahkawng hpe nang shangai dat na rin dai. Langai wa mi gaw kaga wa hta grau n-gun ja na ra ai; Kaba ai wa mahtang kaji ai wa hpe daw jau na ra ai,” ngu nna tsun wu ai.

1 HKAWHKAM 9:26

Hkawhkam Shawlumon gaw Edom mung Nawng Hkyeng hkin-gau ntsa e nga ai Elat mare makau na Eziongebera hta e sanghpaw li hpung langai mi hpe mung shachyaw wu ai.

2 HKAWHKAM 14:22

Shi a kawa si mat ai hpang, Uzia gaw Elat mare hpe bai madu la nna mare bai de da nga wu ai.

2 HKAWHKAM 16:6

(Dai aten hta nan Edom hkawhkam gaw Elat mare hpe bai lu la nu ai rai nna dai mare e nga ai Yuda masha ni hpe shaden kau wu ai. Dai rai nna dai yang e Edom masha ni gaw dai ni du hkra naw nga nga ma ai.)

BU HKAWM 21:4

Israela masha ni gaw Hora Bum na pru wa nhtawm Edom mung hpe hkawm gawai mat wa na matu, Nawng Hkyeng lam hkan nna hkawm sa wa ma ai. Rai ti mung amyu masha ni mahtang shanhte hkawm sa wa ai hkrun lam hta n hkam sharang lu ma ai majaw Karai Kasang hte Mawshe hpe gumlau ma ai.

TARA JAHPRANG 1:1

Ndai laika hta rawng ai ga ni gaw Israela amyu masha ni Yawdan hka sinpraw maga na nam mali hta nga nga yang, Mawshe shanhte hpe tsun ai lam ni rai nga ai. Shanhte mung Yawdan Kadit makau na Suhpa, dai hte tawtap na Paran, Tohpela, Laban, Hazerot hte Dizahab a lapran hkan nga nga ma ai.

TARA AGYI 11:18

Dai hpang shanhte gaw nam mali hku ga sa wa let Moba mung a sinpraw maga, Arnon hka wora hkran de du hkra Edom hte Moba mung ni hpe gawai let hkawm sa wa ma ai. Dai yang hkan shanhte dap jung ma ai; rai ti mung dai shara gaw Moba a lamu ga jarit rai nga ai majaw Arnon hka hpe n rap ma ai.