TARA JAHPRANG 2:7 - Jinghpaw Common Language Bible 2009

⁷ “Dai Madu nanhte a Karai Kasang gaw nanhte galaw sai lam magup hta kaning rai shaman ya manit dai hpe adum nga mu. Ndai htat ai nam mali kata hkan nanhte hkawm sa nga myit yang, nanhte hpe lanu lahku la manit dai. Shing rai nanhte hta ra kadawn nga ai lam magup lu la hkra, ndai shaning mali shi ning tup nanhte hte rau nga lai wa nu ai.

Jinghpaw Hanson Version Bible

⁷ Kaning rai nme law, na a Karai Kasang Yehowa gaw lam shagu hta nang hpe shaman ya nit dai; ndai nam mali kaba hta e nang hkawm sa wa ai lam hpe shi dum ya nga ai; ndai mali shi ning tup na a Karai Kasang Yehowa gaw nang hte rau nga nga sai rai nna, nang hpa mung n ra hkra rai nit dai,’ ngu nngai.

TARA JAHPRANG 2:7 ပူးပေါင်းရင်းမြစ်များ

NINGPAWT NINGHPANG 12:2

Ngai nang hpe law law mayat maya shangun nna amyu kaba shatai na nngai. Ngai nang hpe shaman ya nna na a mying hpe gumhkawng shangun na nngai; shing rai nang gaw chyeju daju tai na rin dai.

NINGPAWT NINGHPANG 24:35

“Dai Madu gaw nye a madu hpe grai shaman ya nu ai hte sut su shangun nu ai. Dai sha n-ga, sagu, bainam hte dumsu uhpung ni hpe mung, aja gumhpraw ni hte hpawn mayam num mayam la ni, gawla-uk ni hte lawze ni hpe mung shi jaw ya nu ai.

NINGPAWT NINGHPANG 26:12

Dai Madu gaw Isak hpe shaman ya wu ai majaw, dai mung e shi yi galaw wu yang shawoi shi galaw yu sai shaning ni hta dai shaning e htam latsa grau nna shu la wu ai.

NINGPAWT NINGHPANG 30:27

Laban gaw shi hpe, “Ndai lam ngai naw tsun yu n ga; na a majaw dai Madu ngai hpe shaman ya ni ai gaw wenyi a n-gun atsam a jaw e ngai dum chye ni ai.

NINGPAWT NINGHPANG 39:3

Yosep gaw Egutu masha shi a madu a nta hta nga wu ai. Shi galaw ai lam shagu mung shi hpe awng dang shangun ai dai Madu gaw Yosep hte rau nga nga ai hpe mu wu ai.

NINGPAWT NINGHPANG 39:5

Yosep a majaw, dai aten kaw nna dai Madu mung Egutu mung na dai masha wa a nta dinghku hte shi a sun hkauna na shi lu ai arai shagu hte hpe shaman ya wu ai.

NEHEMIA 9:21

Nam mali e shaning mali shi ning tup shanhte ra kadawn ai lam yawng hpe nang jaw ndai; shanhte a hpun palawng galoi mung je mat ai n rai, shanhte a lagaw bum machyi nga malu ai n rai.

YOBA 23:10

Rai tim, ngai hkawm ai lagaw lahkam shagu hpe Karai Kasang chye nga ai; shi ngai hpe chyam dinglik yu ai rai yang, ngai san seng nga nngai hpe shi mu lu na ra ai.

SHAKAWN KUNGDAWN 1:6

Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.

SHAKAWN KUNGDAWN 107:4

Masha nkau mi gaw, lam n nga ai nam mali hkan e, brak hkawm nga ma ai; shanhte shanu nga na mare de hkrang ai lam hpe mung n mu tam lu nga ma ai.

SHAKAWN KUNGDAWN 31:7

Na a dinggrin tsaw ra myit a majaw ngai myit pyaw let kabu gara nga na nngai. Nye a nni nkri hpe nang mu ya nga nna, nye a tsin-yam tsindam hpe nang chye ya nga ndai.

SHAKAWN KUNGDAWN 90:17

Anhte a Madu Karai Kasang e, na a shaman ai chyeju gaw anhte hte rau rai nga u ga. Anhte galaw ai amu shagu hte hta awng dang ai lam anhte hpe jaw ya mi law!

PRU MAT 16:35

Israela masha ni gaw Hkanan mung de wa shang nga ai aten du hkra mali shi ning tup manna muk sha ma ai.

YEREMIA 2:2

Yerusalem hta nga ai masha shagu hte hpe ndai mungga tsun na matu tsun wu ai. “Nang ram prat naw rai nga yang, nang kade wa kangka nga ndai hpe mung, anhte shawng nnan hkungran ga ai shaloi, nang ngai hpe kade tsaw ra ai hpe mung, zaibru jang hku mung, hkun hkraw ai lamu ga hku mung nang ngai kaw hkan nang nga ndai hpe ngai dum nga nngai.

HOSEA 13:5

Ngai gaw nanhte hpe hkun hkraw ai nam mali kata e bau maka wa ni ai.

AMO LAIKA (AMOS) 2:10

Ngai gaw nanhte Amori masha ni a lamu ga hpe madu la lu hkra nanhte hpe Egutu mung kaw na woi shapraw wa nhtawm nam mali kata e mali shi ning tup ngai woi lakawn wa ni ai.

BU HKAWM 1:1

Ya Israela amyu masha ni Egutu mung na pru wa ai lahkawng ning e shata lahkawng ngu na langai ya shani hta dai Sina nam mali e nga ai shi a hpung shingkang shanu nga ai Sum hta dai Madu gaw Mawshe hpe ning ngu tsun wu ai. Shi gaw,

BU HKAWM 14:33

Nanhte hta na hpang jahtum ngam ai wa si mat ai aten du hkra sadi sahka n nga ai amu a majaw hkrum sha ai nni nkri hte nanhte a kashu kasha ni mung dai nam mali hta mali shi ning tup brak hkawm na rai myit dai.

BU HKAWM 14:34

Dai mung hpe kin-yu hku hkan yu maram ai nhtoi mali shi ya tup rai nga ai hte maren, lani mi hpe laning mi shatai nhtawm mali shi ning tup nanhte shut hpyit kau ai yubak mara a nni nkri hkam sha na rai myit dai. Shaloi nanhte hpe ngai ninghkap nna kabai kau na a lachyum hpe chye na na rai myit dai!

BU HKAWM 22:12

Karai Kasang gaw Balam hpe, “Dai masha ni hte rau sa wa lu na n rai; Israela amyu masha ni hpe matsa lu na n rai; hpa majaw nga yang, shanhte gaw nye a shaman chyeju lu la ai ni rai nga ma ai,” ngu nna tsun wu ai.

BU HKAWM 32:13

Dai Madu gaw amyu masha ni hpe pawt bu ai rai nna shi hpe ka-un shangun ai ban masha ni yawng si htum mat ai aten du hkra, shanhte hpe nam mali hkan e mali shi ning tup brak hkawm shangun wu ai.

LUKA 22:35

Dai hpang Yesu gaw shi a sape ni hpe tsun mu ai gaw, “Gumhpraw sumbu, nhpye, hkyepdin n gun n lang ai sha, ngai nanhte hpe shangun dat ai shaloi, nanhte hta lama ma ra kadawn ai lam nga malit ni?,” ngu nna san mu yang, “Hpa mung n ra ga ai,” ngu mu ai.

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai.

TARA JAHPRANG 1:19

“Dai Madu anhte a Karai Kasang anhte hpe hkang da mani ai hte maren, anhte galaw saga ai. Dai rai nna Sina Bum kaw na Amori masha ni nga ai bum ga de hprang ai lam hta nga ai hkrit hpa nam mali kaba hku anhte ga lai wa saga ai. Anhte dai Kadesha Barnea de du ai shaloi,

TARA JAHPRANG 1:46

“Shing rai, nanhte gaw Kadesha shara e aten na na nga kau da nna hpang jahtum e,

TARA JAHPRANG 2:14

Dai gaw Kadesha Barnea kaw na anhte pru mat wa ai hpang sumshi matsat ning hta rai nga ai. Shanhte hta byin wa na lam, dai Madu hkang da mu ai hte maren dai ban na hpyen masha ni yawng si htum mat ma ai.

TARA JAHPRANG 2:6

Nanhte chyawm gaw shanhte kaw na lusha hte hka mari lu na mai nga myit dai.’

TARA JAHPRANG 29:4

Rai ti mung dai ni du hkra nanhte hkrum hkra yu manit dai, dai mahkrum madup nanhte hpe chye na hkawn hkrang shangun ai n rai.

TARA JAHPRANG 29:5

Dai Madu nanhte hpe nam mali hku mali shi ning tup woi wa myit dai shaloi, nanhte a hpun palawng hte hkyepdin ni, galoi mung n tsam n htum mat myit dai.