TARA JAHPRANG 2:37 - Jinghpaw Common Language Bible 2009

³⁷ Rai ti mung dai Madu anhte a Karai Kasang anhte hpe n sa na matu hkang da ai dai Amon masha ni a lamu ga de mung, Yabok hka hkin-gau mayan, bum ga na mare kahtawng ni hte kaga shara ni de anhte n shani sa ga ai.

Jinghpaw Hanson Version Bible

³⁷ rai timung, Amon masha ni a lamu ga, Yabok hka ginwang ting hte bum ga na mare ni yawng ngu ai, anhte a Karai Kasang Yehowa hkum da mada hte chyawm gaw, nang n hkra ndai.

TARA JAHPRANG 2:37 ပူးပေါင်းရင်းမြစ်များ

NINGPAWT NINGHPANG 32:22

Dai shana e, Yaku rawt nna shi a madu jan lahkawng hte shingnan num yan hpe mung, shi a kasha shi langai hpe woi nna Yabok hka hpe rap ma ai.

BU HKAWM 21:24

Rai ti mung Israela amyu masha ni mahtang majan pa e gumlau hpyen law law hte hpe sat kau ma ai majaw Arnon hka a dingdung kaw nna Yabok du hkra madu la kau ma ai. Amon masha ni a lamu ga jarit chyawm gaw grai ngang hkra galaw da ma ai.

TARA JAHPRANG 2:19

Nanhte gaw dai Lawt a matu mara ni ngu na Amon masha ni nga ai mung hte htep sha rai na myit dai. Shanhte hpe hkum sharu shatsang myit; ngai shanhte hpe jaw da sai lamu ga lahpa mi hpe mung nanhte hpe ngai ap ya na n rai nga nngai majaw shanhte hpe majan hkum baw myit,’” ngu nna tsun mi ai.

TARA JAHPRANG 2:5

rai ti mung shanhte a lamu ga lahpa mi pyi nanhte hpe ngai ap ya na n re ai majaw shanhte hte majan hpaw lu na myit dai n rai; Edom mung hpe mung Esaw amyu matu mara ni hpe ngai jaw da se ai.

TARA JAHPRANG 2:9

Dai Madu gaw ngai hpe, ‘Moba mung e nga ai Lawt a amyu matu mara ni hpe hkum sharu shatsang myit; shanhte hte majan hkum baw myit. Ara mare gaw ngai shanhte hpe jaw da mawe ai majaw shanhte a lamu ga lahpa mi hpe mung nanhte hpe ngai jaw na mawe ai n rai,’” ngu nna tsun wu ai.

TARA JAHPRANG 3:16

Gilead mung kaw nna Arnon hka du hkra chyawm gaw Rubin hte Gad amyu bawsang ni hpe ngai ap ya se ai. Dai hka ka-ang hkren gaw dingda maga de na shanhte a lamu ga jarit rai nna dingdung maga de na jarit gaw Amon masha ni a lamu ga jarit rai nga ai Yabok hka htep rai nga ai.

YAWSHU 12:2

Langai wa gaw Heshbon mare e hkaw dung ai Amori Hkawhkam Sihon rai nga ai. Shi a mungdan mung Gilead mung chyen mi, (Arnon Kadit mahka hku rai nga ai.) Aroera mare hte dai Kadit a ka-ang e de da ai mare kaw nna Yabok hka du hkra Amon lamu ga jarit ni lawm nga ai.

TARA AGYI 11:15

ning ngu mahtai jaw dat wu ai: “Moba lamu ga hpe mung, Amon lamu ga hpe mung, Israela ni kashun la ma ai, nga ai ga gaw n teng nga ai.

TARA AGYI 11:22

Shanhte gaw Amori mung ting ngu na dingda maga Arnon hka kaw nna dingdung maga Yabok hka du hkra, sinpraw maga nam mali kaw nna sinna maga Yawdan hka du hkra madu la ma ai.