TARA JAHPRANG 2:36 - Jinghpaw Common Language Bible 2009

³⁶ Dai Madu anhte a Karai Kasang gaw Arnon Kadit makau na Aroera hte dai Kadit ka-ang e nga ai mare kaw na Gilead mung lam dingyang hkan nga ai mare ni yawng hpe dang la shangun mi ai. Anhte a matu nau wa ja la ai ngu na bunghku hte kum da ai mare langai mi mung n nga nga ai.

Jinghpaw Hanson Version Bible

³⁶ Shing rai, Arnon hkaraw makau na Aroera hte dai hkaraw kata na mare kaw nna, Gilead ga du hkra anhte n dang lu ai mare langai mi muk n nga ai; anhte a Karai Kasang Yehowa gaw yawng mayawng anhte hpe ap kau ma ni ai:

TARA JAHPRANG 2:36 ပူးပေါင်းရင်းမြစ်များ

2 SAMUELA 24:5

Shanhte gaw Yawdan hka rap nhtawm Gad a lamu ga, kadit ka-ang e de da ai Aroera mare a dingda maga hta dap jung nga ma ai. Dai shara kaw nna mahtang dingdung maga Yazera mare de mung,

2 HKAWHKAM 10:33

Yawdan hka a sinpraw hkran, dingdung maga Arnon hka kau na Aroera mare du hkra ngu na Gad, Rubin hte sinpraw maga de nga ai Manashe amyu bawsang ni nga ai Gilead hte Bashan mung ting lawm hkra gasat madu la wu ai.

SHAKAWN KUNGDAWN 44:3

Na a amyu masha ni gaw dai lamu ga hpe shanhte a nhtu ni hte gasat dang la lu ma ai n rai; shanhte a n-gun atsam hte dai mung hpe lu la ai n rai. Dai gaw na a daru magam atsam hte na a chyalai n-gun shanhte hpe na a tsaw ra myit madun sai ngu ai nang shanhte hte rau shanu nga ai ga sadi ni a majaw rai nga ai.

PRU MAT 23:31

Na a lamu ga jarit hpe Nawng Hkyeng kaw nna Uhprat hka nu du hkra, Ka-ang panglai kaw nna nam mali de du hkra ngai maden ya na we ai. Dai mung hta shanu nga ai masha ni hpe up hkang lu na daru magam n-gun, ngai nanhte hpe jaw na made ai; nanhte rawt lung wa nna shanhte hpe gawt shapraw kau lu na rai myit dai.

ESAIA 17:2

Suri mung na mare ni gaw htani htana katsi katsang shara tai mat na ra ai. Dai mare ni gaw sagu dumsu uhpung ni a udat shara tai mat na ra ai, kadai mung shanhte hpe gawt shapraw kau na n rai.

YEREMIA 48:19

Aroera mare hta shanu ai ni e, nanhte gaw lam makau e la tsap nga nna; hprawng kagat mat wa ai ni hpe san yu nna shanhte hta hpa byin sai lam hpe sawk sagawn mu.

BU HKAWM 32:34

Gad a amyu bawsang ni gaw Dibon, Atarot, Aroera,

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

TARA JAHPRANG 3:12

Anhte dai lamu ga hpe madu la lu ai shaloi, Arnon hka makau na Aroera mare a dingdung maga na lamu ga hte Gilead bum ga chyen mi hta lawm ai mare ni gaw Rubin hte Gad amyu bawsang ni hpe ngai ap ya mase ai.

TARA JAHPRANG 4:48

Dai lamu ga gaw Arnon hka hkin-gau ntsa e de ai Aroera mare kaw nna dingdung maga Hermon ngu ai Sirion bum dingyang maden nga ai.

YAWSHU 1:5

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.

YAWSHU 12:2

Langai wa gaw Heshbon mare e hkaw dung ai Amori Hkawhkam Sihon rai nga ai. Shi a mungdan mung Gilead mung chyen mi, (Arnon Kadit mahka hku rai nga ai.) Aroera mare hte dai Kadit a ka-ang e de da ai mare kaw nna Yabok hka du hkra Amon lamu ga jarit ni lawm nga ai.

YAWSHU 13:16

Shanhte a lamu ga gaw (Arnon Kadit mahka) e de ai Aroera mare hte dai kadit ka-ang e nga ai mare kaw nna Medeba grup grup na bum layang ga yawng lawm nga ai.

YAWSHU 13:9

Shanhte a lamu ga gaw (Arnon Kadit mahka e nga ai) Aroera mare hte dai kadit ka-ang e nga ai mare hte Medeba kaw nna Dibon du hkra bum layang ga ting lawm nga ai.

YAWSHU 21:44

Shanhte a kaji kawa ni hpe ga sadi jaw da sai hte maren, mungdan ting hta ngwi pyaw sim sa nga na lam, dai Madu gaw shanhte hpe jaw nu ai. Dai Madu nan Israela kashu kasha ni shanhte a gumlau hpyen ni yawng hpe dang manga kau lu ai awng padang jaw ya nu ai majaw gumlau hpyen ni kadai mung n rawt tsap lu nga ma ai.

TARA AGYI 11:22

Shanhte gaw Amori mung ting ngu na dingda maga Arnon hka kaw nna dingdung maga Yabok hka du hkra, sinpraw maga nam mali kaw nna sinna maga Yawdan hka du hkra madu la ma ai.

TARA AGYI 11:26

Israela masha ni Heshbon mare hte Aroera mare ni hte de a grup yin na kahtawng ni hte Arnon hka kau dingyang na mare ni hpe masum tsa ning tup madu la nga ai laman hte ting hta, dai ni hpe nanhte hpa majaw bai n up la nga myit ni?