TARA JAHPRANG 2:30 - Jinghpaw Common Language Bible 2009

³⁰ “Rai ti mung, Hkawhkam Sihon gaw anhte hpe shi a mung hku ga lai wa na ahkang n jaw mi ai. Dai Madu nanhte a Karai Kasang gaw shi a myit shaja ya nhtawm gumlau shangun mi ai majaw shi hpe anhte dang kau ai hte shi a lamu ga la kau ya nna ya du hkra anhte naw madu da nga ga ai.

Jinghpaw Hanson Version Bible

³⁰ Hesbon hkawhkam Sihon gaw anhte lai wa na ahkang n jaw mi ai: kaning rai nme law, dai ni mu nga ai hte maren, nanhte a Karai Kasang Yehowa gaw, dai hkawhkam wa hpe nanhte a lata hta ap kau na matu, shi a wenyi hpe shaja ya nna, shi a myit hta nhtan jashai ya nu ai.

TARA JAHPRANG 2:30 ပူးပေါင်းရင်းမြစ်များ

1 HKAWHKAM 12:15

Dai gaw Shilo mare na myihtoi Ahiya hku nna Nebat a kasha Yeroboam hpe tsun da sai ga hpe byin shangun na matu dai Madu a myit ra ai lam rai nga ai. Dai re ai majaw hkawhkam wa gaw amyu masha ni a ga hpe hpa zawn n nawn ya mu ai.

2 HKAWHKAM LABAU 10:15

Dai gaw Shilo mare na myihtoi Ahiya hku nna Nebat a kasha Yeroboam hpe tsun da sai ga byin shangun na matu dai Madu a myit ra ai lam rai nga ai. Dai re ai majaw hkawhkam wa gaw amyu masha ni a ga hpe hpa zawn n nawn ya wu ai.

PRU MAT 11:10

Mawshe yan Arun gaw ndai mauhpa lamik kumla ni yawng hkawhkam wa a man e galaw dan ma ai, rai ti mung dai Madu gaw shi hpe masin shaja ya ai rai nna, shi gaw Israela amyu masha ni hpe shi a mung kaw na pru wa shangun wu ai n rai.

PRU MAT 4:21

Dai hpang e mung dai Madu gaw Mawshe hpe, “Ya chyawm gaw Egutu mung de nang nhtang sa wa nga ndai rai nna mauhpa lamik kumla yawng galaw na matu ngai nang hpe jaw da sai daru magam n-gun hte hkawhkam wa a man e galaw shapraw na amu hpe dum nga u. Rai ti mung hkawhkam wa a myit hpe ngai shaja ya na rai nna amyu masha ni hpe wa shangun na wu ai n rai.

PRU MAT 7:14

Dai Madu gaw Mawshe hpe, “Dai hkawhkam wa gaw masin grai ja nga ai rai nna amyu masha ni hpe dat dat ya na matu shi n hkraw nga ai.

ESAIA 48:4

Nang gaw hpri zawn ja nna garai n kapru ai magri mang zawn du ja nga na sakse madun nga ndai gaw ngai chye nngai.

SHARUNG SHAYAWT 3:65

Shanhte hpe dagam kau nna myit daw myit htum ai hte jahpring ya u!

BU HKAWM 21:23

Rai ti mung Sihon mahtang Israela amyu masha ni hpe shi a mung hku ga lai na ahkang n jaw wu ai. Shi chyawm gaw shi a hpyen luksuk hpe shinggyin la nhtawm nam mali na Yahaza mare de pru sa nhtawm Israela amyu masha ni hpe htim gasat wu ai.

BU HKAWM 21:33

Dai hpang Israela masha ni kayin wa nhtawm Bashan mung de hkrang ai lam hku lung wa ai rai nna Bashan Hkawhkam Oga mung shi a hpyen luksuk hte shanhte hpang de pru sa nna Edri shara e hkap gasat wu ai.

BU HKAWM 21:34

Dai Madu gaw Mawshe hpe, “Shi hpe hkum hkrit et; shi hte shi a masha yawng hpe mung, shi a lamu ga hpe mung dang la kau na ahkang nang hpe ngai jaw na de ai. Heshbon mare na Amori Hkawhkam Sihon hpe shamyit kau ai zawn shi hpe mung shamyit kau na rai ndai,” ngu nna tsun wu ai.

TARA JAHPRANG 2:31

“Dai hpang dai Madu gaw ngai hpe, ‘Yu u, ngai gaw Hkawhkam Sihon hte shi a lamu ga hpe na a man e jaw da ya se ai. Dai rai nna shi a lamu ga hpe madu la sanu,’ ngu nna tsun wu ai.

TARA AGYI 11:20

Rai ti mung Sihon mahtang Israela hpe n kam wu ai majaw shi a hpyen luksuk hpe woi nhtawm Yahaza e dap jung let Israela hpe hkap gasat wu ai.