TARA JAHPRANG 2:25 - Jinghpaw Common Language Bible 2009

²⁵ Dai ni kaw nna na a majaw shara shagu hkan nga ai masha ni hpe ngai hkrit shangun na nngai. Na a mying hpe na ai masha shagu hte mung hkrit gari na mara ai,’ ngu nna tsun ma ai.

Jinghpaw Hanson Version Bible

²⁵ Sumsing lamu a npu e nga ai masha amyu nlang hte hpe, dai ni kaw nna nang hpe hkrit gari ai hte ma shajang shangun na mawe ai; shanhte gaw na a shi na jang, na a majaw shanhte gari kanan nna myit htum shajang na ma ai,’ nga nna tsun dat nngai.

TARA JAHPRANG 2:25 ပူးပေါင်းရင်းမြစ်များ

NINGPAWT NINGHPANG 35:5

Yaku hte shi a shadang sha ni pru wa hkyen nga yang, hkrit hpa kaba gaw grup yin na mare masha ni a ntsa e, du pru wa ai majaw, dai masha ni shanhte hpe n hkan shachyut ma ai.

1 HKAWHKAM LABAU 14:17

Dawi a kajai gumhkawng ai lam gaw mung shagu hta dan hkung wa nna, dai Madu mung amyu baw shagu ni shi hpe hkrit mu ga nga, shabyin dat wu ai.

SHAKAWN KUNGDAWN 105:38

Egutu amyu masha ni mung shanhte hpe hkrit nga ma ai; shanhte pru mat wa ai shaloi, kabu gara nga ma ai.

PRU MAT 23:27

“Nanhte hte nhtan shai ai amyu masha ni, ngai hpe hkrit na mara ai; nanhte gasat ninghkap nga ai masha ni a ka-ang e, kashuk kashak lam ngai shapraw dat nna na a gumlau hpyen ni yawng kayin mat wa ai hte nang kaw na hprawng mat wa shangun na nngai.

YEREMIA 33:9

Yerusalem mare masha ni hte ndai mare a ngamu ngamai na lam a matu, ngai galaw ai mai kaja ai amu ni a lam, shanhte na ma ai shaloi, mungkan ga na amyu baw shagu hte gaw hkrit gari wa na mara ai; Yerusalem gaw nye a matu kabu gara ai, arawng sadang hkam la ai hte gumrawng shara hka hpawk tai na ra ai,” ngu nna tsun ai.

BU HKAWM 22:3

shi hte shi a masha ni yawng hkrit gari nga ma ai.

TARA JAHPRANG 11:25

Dai Madu nanhte a Karai Kasang gaw nanhte du hkawm ai shara shagu hta masha amyu ni hpe hkrit gari shangun na rai wu ai; shi ga sadi tawn da sai hte maren, kadai mung nanhte hpe hkap shingdang lu na ma ai n rai.

TARA JAHPRANG 28:10

Dai hpang Dai Madu gaw nanhte hpe shi a amyu masha majing shatai la na nga, lata la manit dai hpe ga ntsa na masha amyu ni yawng mu lu na mara ai; shaloi shanhte gaw nanhte hpe hkrit kang na mara ai.

YAWSHU 10:2

Gibeon gaw hkawhkam dung ai mare zawn kaba nga ai hte Ai mare hta grau kaba nga ai rai nna dai mare na lasha ni kung ai share shagan masha ni rai nga ma ai majaw, ndai aten hta Yerusalem mare masha ni ja ja hkrit kajawng nga ma ai.

YAWSHU 9:24

Shanhte gaw, “Madu e, nanhte shang wa myit yang, nanhte hpe ndai mungdan ting jaw kau nna, dai mung hta nga ai masha amyu ni hpe sat shamyit kau na nga, dai Madu na a Karai Kasang shi a shangun kasa Mawshe hpe hkang da nu ai gaw teng sha wa teng nga ai hpe anhte chye ga ai majaw dai hku anhte galaw kau saga ai. Dai sha n-ga, anhte a asak a matu hkrit tsang ai hte nanhte hpe hkrit gari nga ga ai majaw dai hku galaw kau saga ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.