TARA JAHPRANG 2:23 - Jinghpaw Common Language Bible 2009

²³ Kreti zunlawng e nga ai masha ni mung, Ka-ang Panglai hkin-gau mayan kaw nna dingda de Gaza mare du hkra dam ai shara hta moi kaw nna nga nga sai Awim masha ni hpe gasat shamyit kau nhtawm shanhte a lamu ga yawng hpe madu la nna dai mung e de nga ma ai.)

Jinghpaw Hanson Version Bible

²³ dai hte maren, Hkaphtora mung na pru ai Hkaphtori masha ni mung Gaza mare du hkra nga ai kahtawng ni hta na Awim masha ni hpe wa shamyit kau nna, shanhte a shara hta galai nga ma ai.)

TARA JAHPRANG 2:23 ပူးပေါင်းရင်းမြစ်များ

NINGPAWT NINGHPANG 10:14

Pahtrusa, Hkasluha hte Hpilisti masha ni pra hkrat wa ai Kreti amyu masha ni rai ma ai.

NINGPAWT NINGHPANG 10:19

Hkanan a lamu ga jarit ni rai nga ai Sidon mare kaw nna dingda maga Gerara hku hprang rai nna Gaza makau du hkra, bai sinpraw maga de Sodom, Gomora, Adma hte Zeboim mare ni hku hkrawn rai nna Lasha mare makau du hkra ran mat wa ma ai.

1 HKAWHKAM 4:24

Shawlumon gaw Uhprat hka nu a sinna maga de na lamu ga yawng, Uhprat hka nu makau nga ai Tipsa mare kaw nna sinna maga Gaza mare du hkra up hkang nga ai. Uhprat hka nu a sinna de na hkawhkam ni yawng shi up hkang ai npu hta taw mat ma ai rai nna, htingbu mungdan ni yawng hte ngwi pyaw sim sa ai hte nga nga wu ai.

2 HKAWHKAM 18:8

Shi gaw Hpilisti masha ni hpe gasat dang kau nhtawm shanhte a nga shara ngu na Gaza hte de a grup yin lamu ga du hkra lawm ai kaji htum ai kahtawng kaw nna kaba htum ai mare ni du hkra hpe shang hpya kau ya wu ai.

1 HKAWHKAM LABAU 1:12

Hpahtru, Hkasluha hte Kreti masha ni rai ma ai. (Hpilisti masha ni gaw Kreti masha ni kaw na yu hkrat wa nga ma ai.)

YEREMIA 47:4

Hpilisti hpe shamyit kau na matu mung, Turu mung hte Sidon mung kaw na naw ngam nga ai karum la lam yawng hpe dan di kau na aten gaw du nga sai. Dai Madu ngai nan Hpilisti masha ni hpe mung, Kreti zunlawng hka kau hkan na du sa ai ni yawng hpe mung, jahten shaza kau na nngai.

AMO LAIKA (AMOS) 9:7

Dai Madu gaw, “Israela amyu masha ni e, ngai gaw nanhte hpe Ehtiopi masha ni zawn myit nawn da we ai. Ngai gaw nanhte hpe Egutu mung kaw nna woi shapraw wa ai zawn Hpilisti masha ni hpe Kreti mung na, Suri masha ni hpe Kira mung kaw na woi shapraw da ni ai.

ZEHPANI 2:4

Gaza mare hta kadai mung ngam nga lu na ra ai n rai; Ashkelon mare gaw katsi katsang shara tai mat wa na ra ai. Ashdod masha ni gaw shani chyingtung e gawt shapraw kau hkrum nna, Ekron gaw shanhte a mare kaw nna gau shapraw kau hkrum na mara ai.

ZEHKARIA 9:5

Ashkelon mare gaw shing re ai hpe mu nna hkrit mat na mara ai. Gaza mare mung dai hpe mu nna, nni nkri kaba hkrum sha na ra ai. Dai rai nna Ekron mare hte shi a myit mada ai lam ni kamawng mat na ra ai. Gaza mare gaw shi a hkawhkam mat mat nhtawm Ashkelon mare gaw katsi katsang kau da ai hkrum na ra ai.

KASA 17:26

Madu gaw shawng nnan masha langai mi hpe hpan da nna dai wa hta nna masha amyu danghta hpe mayat maya hkrat wa shangun nhtawm, mungkan shara shagu hta nga pra shangun ma ai. Shanhte asak hkrung nga pra ai du hkra ladaw ni hte buga jarit ni hpe mung tau hkrau masat da ya mu ai.

YAWSHU 10:41

Yawshu a majan ginra ngu na Kadesha Barnea kaw na dingda maga hkin-gau makau na Gaza du hkra, Goshen mung ting hte dingdung maga Gibeon du hkra gasat la lu wu ai.

YAWSHU 11:22

Anakim masha ni kadai mung Israela mungdan hta ngam nga lu na ma ai n rai; Gaza, Gat hte Ashdod mare ni hta sha loi mi nga nga ma ai.

YAWSHU 13:3

dingda maga de Awim lamu ga yawng ngu na (Egutu lamu ga jarit htep rai nga ai Shihora hka kaw na Hkanani mung hta lawm ai dingdung man de na Ekron mare du hkra nga ai Hpilisti hkawhkam ni nga ai Gaza, Ashdod, Ashkelon, Gat, hte Ekron ni rai nga ai.)

YAWSHU 15:47

Bai Ashdod, Gaza hte de ai kahtawng mare ni, Egutu mung a lamu ga jarit e lwi ai hka, Ka-ang Panglai hkin-gau du hkra rai nga ai.

TARA AGYI 1:18

Dai Madu gaw Yuda masha ni hpe karum la wu ai, shanhte gaw bum ga hpe madu la lu ma ai. Rai ti mung shanhte gaw Gaza hte de a ginwang, Ashkelon hte de a ginwang hte Ekron hte de a ginwang ni hpe lu la ma ai n rai. Dai masha ni gaw panglai hkin-gau mayan hku nga ma ai, shanhte gaw hpri leng ni lu ma ai, dai rai nna Yuda masha ni gaw shanhte hpe n lu gawt shapraw kau lu ma ai.