TARA JAHPRANG 19:6 - Jinghpaw Common Language Bible 2009

⁶ Hprawng shingbyi na mare langai sha nga nna, dai de hprawng sa na matu tsan ai hte nau wa lit li dum ai rai yang, matai htang na lit lu ai jinghku jingyu wa gaw shi hpe hkan shachyut nna masin pawt ai hte mara n lu ai wa hpe sat kau na ra ai.

Jinghpaw Hanson Version Bible

⁶ dai n rai yang gaw, matai htang ai wa pawt bu nga yang, dai wa hpe hkan shachyut nna, hprawng lam tsan ai majaw hkan dep yang sat kau na ra ai: shing mai rai na n rai; kaning rai nme law, shi gaw manang wa hpe n dawng ai myit n rawng ai majaw sat kau hkrum ging ai n rai.

TARA JAHPRANG 19:6 ပူးပေါင်းရင်းမြစ်များ

2 SAMUELA 14:7

Ya rai yang mung, Madu e, nye a amyu makyin jinghku ni ngai hpe nhtang gumlau nhtawm shi a kahpu hpe sat kau ai a majaw shi hpe mung sat lu na matu shanhte a lata de nye a kasha hpe ap ya na hpyi nga ma ai. Dai zawn shanhte galaw ma ai rai yang gaw shadang sha langai mi mung n lu mat ai sha kau da ai hkrum na nngai. Nye a hpang jahtum na myit mada lam hpe jahten sharun kau ya nna nye a madu wa a mying ahkrung nga shangun na matu shi a amyu matu shadang sha hpe jahtum kau ya na mara ai,” ngu nna htan wu ai.

BU HKAWM 35:12

Shi gaw dai yang e si mat sai wa a kahpu kanau wa matai dawk na matu hkan tam hkawm ai hta na lawt lu na rai wu ai. Masha sat ai wa gaw shawa man e tara garai n dara hkrum yang,

TARA JAHPRANG 19:5

Ga shadawn, marai lahkawng nam maling kata de sa nna rau sha hpun kran nga yang, langai wa mi lang ai nwa malawk mat nna kaga wa hpe hkra kau hkrup nna si mat ai rai yang, mare masum hta na shara langai ngai de hprawng shang mat wa nhtawm dai yang e shim lum ai hte shingbyi lu na rai wu ai.

TARA JAHPRANG 19:7

Dai lam a majaw hpyen n rai nga ai wa hpe n dum shami sat kau hkrup ai lam rai nga ai. Shing re ai lam a majaw mare masum san da na lam ngai nanhte hpe hkang da made ai.

TARA JAHPRANG 21:22

“Masha langai ngai si ging ai yubak galaw hkrup ai a majaw sat kau hkrum nhtawm shi a si mang hpe hpun hta noi da ai rai yang,

YAWSHU 20:5

Matai htang mayu ai wa dai yang e shi kaw hkan nang ai rai yang, mare masha ni dai wa a lata de ap ya dat lu na n rai. Dai wa gaw masin pawt ai n re ai sha, ndum shami shi hpe sat kau hkrup nga ai majaw shi hpe makawp maga la lu na rai ma ai.