TARA JAHPRANG 18:5 - Jinghpaw Common Language Bible 2009

⁵ Dai Madu gaw na a amyu bawsang ni yawng hta na Lewi amyu bawsang ni htani htana hkinjawng amu gun hpai nhtawm shi hpe daw jau na matu lata san da nu ai.

Jinghpaw Hanson Version Bible

⁵ Kaning rai nme law, shi hte shi a kashu kasha prat dingsa Yehowa a amying hte shi a magam gun hpai na matu, na a Karai Kasang Yehowa, na a nhpu nnau ni nlang hta na shi hpe lata la nu ai.

TARA JAHPRANG 18:5 ပူးပေါင်းရင်းမြစ်များ

PRU MAT 29:9

Shanhte hpe shingkyit kyit ya nna abaw hta gumchyawp chyawp ya na rai ndai. Dai gaw Arun hte shi a shadang sha ni hpe nang kaning rai aya dang ya na lam rai nga ai. Shanhte hte shanhte a amyu matu ni mung htani htana hkinjawng amu gun let ngai hpe daw jau na rai ma ai.

BU HKAWM 16:5

Dai hpang shi gaw Kora hte shi a manang ni hpe, “Shi hte kadai seng nga ai lam mung, hpawt de dai Madu anhte hpe madun dan na ra ai; shi hte seng ai wa hpe shi lata la nhtawm tawn hkungri nga ai de shani la na ra ai.

BU HKAWM 25:13

Shi hte shi a lakung lama ni chyawm gaw htani htana hkinjawng ni tai nga manu ai. Shi gaw ngai hta lai nna shingjawng kashun ai kaning re ai hpara hpe mung n yu sharawng ai hte amyu masha ni a shut hpyit ai mara ni a matu htingrai htingrat ya nu ai.

BU HKAWM 3:10

Arun hte shi a shadang sha ni hpe hkinjawng amu gun hpai na matu nang shanhte hpe matut shatsam na rai ndai; shanhte galaw ai amu hta hkan galaw shakut nang ai wa kadai mung sat kau ai hkrum na rai wu ai,” ngu nna tsun wu ai.

TARA JAHPRANG 10:8

Dai Madu gaw dai bum hta Lewi amyu bawsang hta na lasha ni hpe Ga Shaka Sumpu hpai ai hta woi hpareng na matu mung, hkinjawng hku nna shi hpe daw jau amu gun hpai na matu mung, shi a mying ningsang gang nna shaman ya na matu mung lata san da wu ai. Ndai amu ni yawng gaw shanhte a magam lit ni hkrai rai nga malu ai.

TARA JAHPRANG 17:12

Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.