TARA JAHPRANG 18:20 - Jinghpaw Common Language Bible 2009

²⁰ Rai ti mung ngai n hkang da ai hku nye a mying ningsang gang let mungga tsun gwi ai myihtoi kadai mung, hpara shaje ni a mying gang nna tsun ai myihtoi kadai mung, shing re ai lam a majaw shi si lu na rai nga ai,’ ngu nna tsun wu ai.

Jinghpaw Hanson Version Bible

²⁰ Rai timung, ngai n hkang da ai, nye a ahkang hpyi hpun nna nden ja ai hte tsun pru ai myihtoi mung, Hpara shaje a amying hte tsun pru ai myihtoi mung, si lu na rai nga ai,” nga nna ngai hpe tsun ai.

TARA JAHPRANG 18:20 ပူးပေါင်းရင်းမြစ်များ

1 HKAWHKAM 13:19

Dai rai nna Yuda mung na myihtoi wa gaw myihtoi dingla wa hte rau nta de wa nhtawm shi hte rau lu rau sha rai nga ai.

1 HKAWHKAM 18:19

Hkarmela Bum e ngai hte hkrum na matu Israela amyu masha ni yawng hpe ya hkang dat u. Bala myihtoi 450 hte hpawn hkawhkam jan Yezebela e karum da ai Ashera karai num a myihtoi 400 hpe mung woi sa wa u,” ngu nna htan wu ai.

1 HKAWHKAM 18:27

Jan pungding madi ai aten hta chyawm gaw Elia mung shanhte hpe mani shakre hpang wa nu ai: “Ja ja jahtau nna hpyi mu le! Shi gaw karai langai mi rai nga ai! Shani e yup mang mang nga a dawng! Shing n rai hkum tsan nga a dawng! Shing n rai bu hkawm dam nga nhten! Shi mi she yup pyaw nga ai kun? Nanhte madaw shi hpe jasu sharawt la ra na myit dai!”

1 HKAWHKAM 18:40

Elia gaw, “Bala myihtoi ni hpe rim la mu; shanhte hta na langai mi hpe mung hkum shalawt kau mu!,” ngu nna hkang dat wu ai. Amyu masha ni mung shanhte yawng hpe rim la nna Kishon hka de shanhte hpe woi sa nhtawm sat kau mu ai.

YEREMIA 2:8

Hkinjawng ni gaw, ‘Dai Madu gaw kanang rai nga a ta?,’ nga nna san ma ai n rai. Nye a hkinjawng majing ni ngai hpe n chye ma ai. Mung du ni ngai hpe gumlau ma ai; myihtoi ni gaw Bala a mying hta ga shaga ai hte akyu n jaw ai hpara sumla ni hpe nawku ma ai.

YEREMIA 23:30

Kaga ni a ga ni hpe hta la nna, nye a mungga zawn shanhte hpe hkaw tsun ai myihtoi ni hpe ngai hkap daw na nngai.

YEREMIA 23:31

Shanhte a n-gup aga hte tsun nna dai ni gaw ngai kaw nna pru wa ai mungga ni re ngu nna hkaw tsun ai myihtoi ni hpe mung ngai hkap daw na nngai.

YEREMIA 26:11

Dai hpang hkinjawng ni hte myihtoi ni gaw ningbaw ni hte amyu masha ni hpe, “Anhte a mare hpe ninghtan shai ai hku shi tsun nu ai majaw ndai wa gaw si ging ai wa rai nga ai. Nanhte gaw shi a lam hpe nanhte a na hte nan shi a nsen hpe na manit dai,” ngu nna tsun ma ai.

YEREMIA 27:15

Shi gaw shanhte hpe shangun dat ai n rai, shanhte gaw nanhte hpe shi a mying hta masu magaw ga tsun nga ma ai nga nna dai Madu shi hkum nan tsun nu ai. Shi gaw nanhte hpe shaden kau nhtawm nanhte hpe ndai masu hkalem ga ni hte tsun nga ai nang hte myihtoi ni gaw sat kau ai hkrum na mara ai,” ngu nna tsun ni ai.

EZEKELA 13:6

Shanhte mu ai myit shingran ni gaw n teng n man nga ai; shanhte a myihtoi ga ni mung masu magaw ga ni sha rai nga ai. Shanhte gaw nye a myihtoi ga ni hpe tsun nga ga ai nga nna tsun nga ma ti mung, shanhte hpe ngai shangun ai n rai. Ti mung, shanhte gaw shanhte htoi ai ga teng teng dik wa na hpe myit mada nga ma ai.

ZEHKARIA 13:2

Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.

ZEHKARIA 13:3

Dai hpang, marai langai ngai myihtoi htoi nga ai shaloi, dai Madu a aga hte tsun nga ti mung masu magaw ga tsun nga nu ai majaw, shi si lu na lam shi a kanu yan kawa nan shi hpe tsun dan na rai ma ai. Kaja wa shi myihtoi htoi jang, shi a kanu yan kawa nan shi hpe galun sat kau na rai nu ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

TARA JAHPRANG 13:6

“Na a kahpu kanau shayi shadang sha hte tsaw ra ai madu jan, nang hte ni htum ai manang wa du hkra pyi, nanhte hte nanhte a nji nwa ni galoi mung n nawku yu ai karai ni ngu ai kaga karai shaje ni hpe nawku wa lu hkra nga, nanhte hpe lagyim n-gun jaw mai nga ai.

TARA JAHPRANG 17:12

Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.

TARA JAHPRANG 18:21

“Dai myihtoi ga gaw dai Madu a mungga n rai nga ai hpe nanhte chye lu myit dai shaloi mau kajawng mat na rai myit dai.

TARA JAHPRANG 18:22

Dai Madu a mying ningsang hte myihtoi wa tsun nga ti mung shi tsun ai ga n teng nga ai rai yang, dai gaw dai Madu a mungga n rai nga ai. Dai myihtoi wa mahtang shi a ahkang aya hte tsun ai rai ti mung shi hpe hkrit lu na myit dai n rai.

2 PETRU 2:12

Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

TARA AGYI 2:15

Shanhte majan pa de rawt ai aten shagu dai Madu gara hku galaw na hpe tsun da nu ai hte maren, shanhte hpe ninghkap wu ai. Shanhte gaw tsin-yam tsindam kaba hkrum sha nga ma ai.