TARA JAHPRANG 18:18 - Jinghpaw Common Language Bible 2009

¹⁸ Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.

Jinghpaw Hanson Version Bible

¹⁸ Shanhte a kahpu kanau ni hta na nang zawn re ai myihtoi langai mi, shanhte a matu ngai paw pru shangun na we ai rai nna, dai wa a n-gup hta nye a ga ngai hti bang na hte, ngai hkang da mada hte maren shi shanhte hpe htawn tsun na ra ai.

TARA JAHPRANG 18:18 ပူးပေါင်းရင်းမြစ်များ

SHAKAWN KUNGDAWN 110:4

“Nang gaw Melhkizedek a hkringhtawng lam hta na htani htana hte seng ai hkinjawng tai na rin dai,” nga nna Madu dagam da ai ga sadi rai nhtawm, dai ga sadi hpe bai nhtang dawm la kau na n rai.

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

PRU MAT 4:12

Ya chyawm gaw sa wa su! Nang shaga lu na matu ngai karum na de ai; kaning ngu nna nang tsun shaga na mung ngai tsun dan na de ai,” ngu nna tsun wu ai.

PRU MAT 4:15

Nang gaw shi hte rau ga shaga lu na rai nna, kaning ngu tsun na ga shi hpe tsun dan u. Ngai gaw nan lahkawng tsun shaga na ga hpe karum ya na nngai; ngai gaw nan hpa galaw na lam hpe mung tsun dan na made ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

ESAIA 51:16

Ngai gaw sumsing lamu ni hpe hpyan da ai hte ginding aga a npawt nhpang ni hpe jahkrat tawn nngai. Ngai gaw Yerusalem hpe, ‘Nang gaw nye a amyu masha rai nga ndai! Ngai gaw nang hpe nye a sharin shaga ga jaw ni ai, ngai gaw nang hpe nye a lata hte makawp maga nngai,’” ngu nna tsun wu ai.

ESAIA 51:4

“Nye a amyu masha ni e, nye a ga madat mara mu, ngai tsun ai ga hpe madat mu: Ngai gaw masha amyu baw ni hpe nye a sharin shaga ga jaw nngai; nye a tara ni gaw shanhte a matu nhtoi tai na ra ai.

YEREMIA 1:9

Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

HOSEA 12:14

Israela amyu masha ni mahtang dai Madu hpe aja awa pawt bu shangun ma ai; shanhte shut kau ai ru hka amu ni a majaw si ari hkam la ging nga ma ai. Shanhte shi hpe kaya kahpa shabyin ma ai majaw, dai Madu shanhte hpe ari jaw na ra ai.

AMO LAIKA (AMOS) 2:11

Nanhte a kasha nkau mi kaw na myihtoi ni, nanhte a shabrang ni hta na nkau mi hpe Nazari masha ni hku ngai lata da ni ai. Israela amyu masha ni e, ndai lam teng nga ai, n rai ni? Dai Madu ngai nan tsun ni ai.

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

BU HKAWM 12:13

Dai rai nna Mawshe gaw dai Madu hpe, “Karai Kasang e, shi hpe shamai ya u!,” ngu nna jahtau tsun wu ai.

BU HKAWM 23:16

Dai Madu mung Balam hte hkrum nhtawm, shi kaning ngu tsun na lam tsun matsun ngut ai hpang dai ga wa hti dan na nga, Balak hpang de bai nhtang wa shangun wu ai.

BU HKAWM 23:5

Dai Madu mung Balam hpe kaning ngu tsun na lam tsun matsun nhtawm, dai ga Balak hpe bai wa hti dan na matu shi hpe bai nhtang wa shangun dat wu ai.

LUKA 24:19

Shi gaw, “Hpa lam ni rai ta?,” ngu nna bai san mu yang, shan gaw, “Nazaret mare na Yesu a lam rai nga ai; Ndai wa gaw myihtoi langai mi rai nna, Karai Kasang a man e mung, masha yawng a man e mung shi tsun ai hte galaw ai lam shagu hta n gun atsam rawng ai wa rai nga ai ngu nna myit sawn da hkrum ai wa rai nga ai.

YAWHAN 1:21

Shaloi shanhte gaw, “Dai rai yang gaw nang kadai rai n ta? Nang Elia rai n ni?,” ngu nna bai san mu yang, “N rai nngai,” ngu nna bai htan wu ai. “Dai myihtoi rai n ni?,” ngu nna bai san mu yang “N rai nngai,” ngu nna bai htan wu ai.

YAWHAN 1:25

Bai shanhte gaw, “Nang gaw Meshia mung n rai, Elia mung n rai, dai myihtoi wa mung n rai yang gaw, nang hpa rai hkalup jaw n ta?,” ngu nna shi hpe san mu ai.

YAWHAN 1:45

Hpilip gaw Nahtanela hpe mu nna, “Mawshe gaw Tara Laika ni hta, myihtoi ni mung myihtoi laika ni hta, sha-ang nna ka da ai, Yosep a kasha Nazaret mare na Yesu hpe anhte mu sagaw ai,” ngu nna shi hpe tsun dan wu ai.

YAWHAN 12:48

Ngai hpe n hkap la ai hte nye a ga n hta la ai wa hpe jeyang na wa kaga mi nga ai; ngai tsun ai mungga e nan hpang jahtum na nhtoi hta dai wa hpe jeyang na ru ai.

YAWHAN 15:15

Ya kaw nna ngai nanhte hpe mayam n ngu na ni ai; hpa majaw nga yang, mayam gaw madu galaw nga ai amu hpe n chye wu ai; nanhte hpe jinghku she ngai ngu na made ai, hpa majaw nga yang, nye Wa kaw na ngai na la ai hte yawng, ngai nanhte hpe tsun dan ma sade ai.

YAWHAN 17:18

Nang ngai hpe mungkan ga de shangun dat ndai zawn, ngai mung shanhte hpe mungkan ga de shangun dat mawe ai.

YAWHAN 17:8

Nang ngai e jaw dat ai mungga hpe, ngai shanhte hpe jaw mawe ai rai nna shanhte mung dai hpe hkap la masai. Nang kaw na ngai du sa ai gaw teng nga ai hpe shanhte chye ma ai hte nang ngai hpe shangun dat ndai hpe mung, kam sham ma ai.

YAWHAN 4:25

Dai numsha mung, “Hkristu ngu ai Meshia du na ra ai hpe ngai chye nngai, shi du jang gaw, shi anhte hpe lam magup tsun madun na ra ai,” ngu wu ai.

YAWHAN 8:28

Dai majaw Yesu gaw, “Dai Masha Kasha hpe nanhte sharawt da ai shaloi she, ‘Ngai gaw ngai wa rai nga ai,’ hpe mung, ngai gaw nye a myit hte hpa mung n galaw ai sha, nye Wa ngai hpe sharin nngai hte maren sha ngai tsun ai hpe mung, nanhte chye na na marin dai.

KASA 3:22

Hpa majaw nga yang Mawshe gaw, “Dai Madu Karai Kasang ngai hpe shangun dat ai zawn myihtoi langai mi nanhte hpang de shangun dat na ra ai rai nna, shi gaw nanhte a amyu ru sai kaw na rai na ra ai. Nanhte gaw dai wa tsun matsun yawng hte hpe madat mara hkan sa galaw na rai myit dai.

KASA 7:37

“Nan hpu nan nau ni hta na, ngai zawn re ai myihtoi langai mi, nanhte a matu Karai Kasang paw pru shangun na ra ai,” nga nna Israela amyu masha ni hpe tsun da ai wa gaw Mawshe shi nan rai nga ai.

TARA JAHPRANG 18:15

Shing rai na malai, nanhte a amyu masha ni hta na ngai zawn re ai myihtoi langai mi, shi nanhte hpang de shangun dat ya na rai wu ai. Shing rai shi a ga hpe nanhte madat mara hkan sa lu na rai myit dai.

TARA JAHPRANG 33:5

Shanhte a amyu bawsang ni hte ningbaw ni rau hpawng nga ma yang, dai Madu gaw Israela amyu masha ni a hkawhkam tai nga sai.

TARA JAHPRANG 34:10

Dai Madu hte myi man chyaw ga shaga lu ai Mawshe zawn re ai myihtoi Israela amyu masha ni hta galoi mung n nga yu nga ai.

TARA JAHPRANG 5:5

Nanhte gaw dai wan hkrit nna bum de n lung gwi myit dai shaloi dai Madu tsun ai ga nanhte hpe htawn tsun ya na matu shi hte nanhte a lapran e ngai tsap nga nngai. Shaloi dai Madu gaw,

1 TIMOHTI 2:5

Hpa majaw nga yang, Karai Kasang gaw langai sha nga ai rai nna, Karai Kasang hte shinggyim masha hpe htinglu ya ai wa shinggyim masha sa tai ai Hkristu Yesu ngu ai masha mung langai sha rai nga ai.

HEBRE 7:22

Ndai zawn aya hkam ai lam hta shai hkat ai majaw Madu Yesu gaw grau kaja ai ga shaka hpe pahkam hkam ya ai wa tai wa sai.