TARA JAHPRANG 18:13 - Jinghpaw Common Language Bible 2009

¹³ Dai Madu hta tsep kawp sadi dung nga mu.”

Jinghpaw Hanson Version Bible

¹³ Nang gaw na a Karai Kasang Yehowa man e hkum tsup nga na rai ndai.

TARA JAHPRANG 18:13 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 6:9

Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

1 HKAWHKAM 8:61

Dai ni rai nga ai hte maren, shi a tara ni yawng hte hkang da ai lam yawng mayawng hte hpe madat mara hkan sa nhtawm shi a amyu masha ni dai Madu anhte a Karai Kasang hta tut nawng sadi sahka rai nga let hkawm sa nga mu law.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

YOBA 1:8

Dai Madu gaw, “Nye a shangun ma Yoba hpe nang matsing da wu ni? Shi gaw kam sham nna mai kaja ai wa rai nhtawm shi zawn re ai mi ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa mung n galaw nga ai,” ngu nna san wu ai.

SHAKAWN KUNGDAWN 37:37

Mai kaja ai masha wa hpe matsing da u, ding hpring ai masha wa hpe maram masam yu u; ngwi pyaw sim sa ai masha wa gaw aru arat law law lu nga ai;

MAHTE 5:48

Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.

HPILIPI 3:12

Ngai gaw ya pyi dai kumhpa hpe lu la ni ai ngu nna mung, ya e hkum tsup rai nga ni ai ngu nna mung n tsun mayu nngai; rai ti mung dai kumhpa hpe ngai hpe jaw na matu Hkristu Yesu gaw ngai hpe jum magra la kau ni ai hte maren, dai kumhpa hpe ngai nan jum magra la lu hkra shakut shaja dingyang rai nga nngai.

HPILIPI 3:15

Wenyi lam hta myit su kunghpan nga sai anhte ni yawng gaw, ndai myit masa hte maren myit nga ra ga ai. Rai ti mung nanhte nkau mi hta nhtan shai ai myit masa lama nga ai rai yang mung, Karai Kasang gaw dai hpe pyi hpyan dan na marin dai.

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

SHINGRAN 3:2

Dai rai nna su hprang maja nga u, nang hta naw ngam nga nna si magang wa nga ai hte hpe n-gun shajat ya u: hpa majaw nga yang, nang galaw sai amu nye a Karai Kasang a man e garai n hkum tsup nga lit dai hpe ngai mu ya de ai.