TARA JAHPRANG 18:12 - Jinghpaw Common Language Bible 2009

¹² Dai zawn re ai matsat shabat amu galaw ai amyu masha ni hpe dai Madu nanhte a Karai Kasang n dawng nga ai; dai majaw nanhte rawt lung wa myit dai shaloi, dai masha amyu ni hpe shi shaden ya nga ai.

Jinghpaw Hanson Version Bible

¹² Kaning rai nme law, ndai lam galaw ai wa kadai mung Yehowa man e matsat shabat rai nga ai: dai matsat shabat lam a majaw, na a Karai Kasang Yehowa dai amyu ni hpe na a man na shachyut kau wu ai.

TARA JAHPRANG 18:12 ပူးပေါင်းရင်းမြစ်များ

2 HKAWHKAM 23:24

Hkinjawng Kaba Hilkia Nawku Htingnu hta mu hkrup ai tara laika hta ka da ai tara ni hpe lang na matu Hkawhkam Yoshia gaw Yerusalem mare hte naw ngam nga ai Yuda mung na nat num ni hte gumhpan hpan ai ni; nta e tawn da ai karai sumla ni hte hpara sumla ni yawng hte hpawn, kaga tara maigan wa a nawku arung arai ni yawng hpe yeng seng kau wu ai.

EZEKELA 31:11

dai majaw ngai gaw dai hpe ningdang kau ni ai, maigan up hkang du wa e dai hpe ka-up la nu ga. Dai wa gaw de a n hkru n shawp ai a matu lu la ging ai hte maren, dai hpun hpe jaw na ra ai.

JAW JAU 18:24

Nanhte a shawng e dai Madu gawt kau nna nanhte shang shanu nga lu ai ndai mung hta shanu nga yu masai tara maigan masha ni gaw shing re ai lam ni a majaw matsat shabat di kau mu ai zawn nanhte a hkum ni hpe matsat shabat re ai arawn alai hte awu asin hkum di kau nga myit.

JAW JAU 18:25

Shanhte a akyang lailen ni mung lamu ga hpe matsat shabat di kau shangun mu ai majaw dai Madu gaw dai lamu ga hpe ari jaw nhtawm dai mung e shanu nga ai masha ni hpe ningdang kau nga ai.

TARA JAHPRANG 14:27

“Nanhte a mare ni hta nga ai Lewi masha ni hpe n dum hkum rai myit; shanhte a matu ngu na sut gan sali wunli hpa mung shanhte hta n lu nga ma ai.

TARA JAHPRANG 22:5

“Numsha gaw lasha a hpun palawng bu hpun lu na n rai; lasha mung numsha hpun palawng bu hpun lu na n rai. Shing rai galaw ai amyu masha ni hpe dai Madu nanhte a Karai Kasang n dawng nga ai.

TARA JAHPRANG 9:4

“Dai Madu nanhte a Karai Kasang gaw nanhte a matu shanhte hpe shaden kau ya ai hpang, nanhte dai hpe lu la ging saga ai majaw sha shi anhte hpe woi shawn nna dai mungdan hpe madu la shangun mani ai, ngu nna nanhte nan n tsun hkrup myit ga. Dai hku n rai law, shanhte nan n hkru n shawp ai ni rai nga ma ai majaw sha, Madu gaw dai masha ni hpe nanhte a matu shaden kau ya na rai nga ai.

TARA JAHPRANG 9:5

Nanhte gaw mai kaja nga nna teng man ai amu hpe galaw nga myit dai majaw dai Madu nanhte hpe shanhte a mungdan hpe madu la shangun myit dai n rai; shanhte nan n hkru n shawp ai a majaw mung, nanhte a nji nwa Abraham, Isak hte Yaku ni hte tawn da ai ga sadi hpe shadik shatup na shatawng shada da ai lam a majaw mung, shi shanhte hpe shaden kau na rai wu ai.