TARA JAHPRANG 18:10 - Jinghpaw Common Language Bible 200910 Nanhte a tawn hkungri ntsa na wan hta nanhte a shayi shadang sha ni hpe shagu hkungga nat nawng lu na n rai; nanhte a amyu masha ni hpe shaba wawt ai, lamik kumla myit mada ai, ahkyu hkyu ai amu ni hpe hkum galaw shangun myit; အခန်းကိုကြည့်ပါ။Jinghpaw Hanson Version Bible10 Tinang a shayi shadang sha hpe wan hta nat nawng ai wa, shaba wawt ai wa, myihtoi htoi ai wa, lawng dat chye ai wa, mandan bau chye ai wa, အခန်းကိုကြည့်ပါ။ |
TARA JAHPRANG 18:10
36 ပူးပေါင်းရင်းမြစ်များ
dai Madu shi a Karai Kasang n ra sharawng ai amu hpe galaw nhtawm Israela hkawhkam ni a kasi hkan dagraw nang nga wu ai. Shi gaw hpara sumla ni hpe wan nat hkungga nawng jau na matu shi a kasha hpe pyi nawng jau ya wu ai; Israela masha ni rawt lung wa yang, dai Madu gawt shapraw kau ai masha amyu ni a matsat shabat re ai lam hta hkan dagraw nang nga ma ai.
Shanhte gaw shi a matsun maroi ga ni hpe madat mara na matu ningdang kau nhtawm shi hte shanhte a kaji kawa ni hte tawn da ai ga shaka hpe n hkan shatup ai hte shi a shadum jahprang ai ga ni hpe shanhte n kaw n law di kau ma ai. Shanhte gaw manu n dan ai hpara sumla ni hpe nawku nhtawm tinang hkum hpe manu shagrit kau ma ai; shanhte gaw grup yin masha amyu baw ni a htung lailen ni hta hkan nhtawm shanhte a arawn alai ni hpe len n la na matu dai Madu a hkang da ai ga ni hpe mung n madat nga ma ai.
Shanhte gaw tara maigan karai ni a matu shanhte a shayi shadang sha ni hpe wan nat hkungga shatai nna nawng ya ma ai; shanhte gaw nat num ni hte gumhpan hpan ai ni hpe san yu nhtawm dai Madu hpe pawt sindawng shangun na nga, shi a man e shut hpyit ai amu htum hkra galaw shapraw na matu shanhte hkum nan myit jung nga ma ai.
Hkinjawng Kaba Hilkia Nawku Htingnu hta mu hkrup ai tara laika hta ka da ai tara ni hpe lang na matu Hkawhkam Yoshia gaw Yerusalem mare hte naw ngam nga ai Yuda mung na nat num ni hte gumhpan hpan ai ni; nta e tawn da ai karai sumla ni hte hpara sumla ni yawng hte hpawn, kaga tara maigan wa a nawku arung arai ni yawng hpe yeng seng kau wu ai.
Shi gaw shi a shadang sha ni hpe Hinom Kadit e wan nat hkungga shatai let nawng ya wu ai. Shi gaw shaba wawt ai, mandan lakle amu galaw nna gumhpan hpan ai ni hte san jahkrup ai amu, nat shung ai ni hte kanawn ai amu galaw nga ai. Shi gaw dai Madu hpe yubak kaba galaw shut ai hte pawt sindawng shangun wu ai.
Shanhte gaw shanhte a shayi shadang sha ni hpe Molek hpara a matu shagu hkungga nawng jau na nga, Hinom Kadit hta Bala hpara tawn hkungri ni hpe gap da nga ma ai. Dai amu galaw na matu, ngai shanhte hpe hkang da ni ai n rai; shanhte gaw dai zawn re ai amu galaw na hte Yuda amyu masha ni yubak hkrum na matu ngai n myit nngai,” ngu nna tsun nngai.
Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.
Shawlu gaw shi a hkum hpe bu hpun palawng amyu myu hte bu hpun nna nsam galai kau nhtawm nsin sin ai hpang, dai numsha hpe sa hkrum na nga, shi a masha lahkawng hte pru sa mat wa ma ai. Shi gaw dai numsha hpe, “Nye a matu wenyi ni hpe san yu nna, hpa baw byin wa na lam, ngai hpe tsun dan e; ngai mying gang ai masha wa a wenyi hpe shaga shapraw ya e,” ngu nna tsun wu ai.
ကြော်ငြာတွေ