TARA JAHPRANG 17:8 - Jinghpaw Common Language Bible 2009

⁸ “Sut gan madu la ai ahkaw ahkang hte seng ai amu, masha hkum hpe machyi shangun ai ru hka amu, masha sat amu hte n dum shami masha sat ai bunglat hka amu ni hpe hparan jasat ya na shaloi, buga tara agyi ni a matu nau wa daw dan yak ai amu nkau mi pru wa chye nga ai. Shing re ai lam pru wa jang, dai Madu nanhte a Karai Kasang lata san da sai nawku shara de sa nhtawm,

Jinghpaw Hanson Version Bible

⁸ Na a mare hta ndang kalang hkat amu ngu ai, bunglat amu, ru hka amu, gasat ningjet amu langai ngai pru nna, amu nau kaba ai majaw nang n sat ya lu yang gaw, nang rawt nhtawm, na a Karai Kasang Yehowa san da ai shara de sa nna,

TARA JAHPRANG 17:8 ပူးပေါင်းရင်းမြစ်များ

2 SAMUELA 15:2

Shi gaw jau jau rawt nna mare chyinghka lam e sa tsap tsap rai nga ai. Amu rawng ai masha langai ngai gaw hkawhkam wa hpe tara dara shangun mayu nna dai de sa wa jang, Absalom mahtang dai wa hpe shaga la nhtawm shi kanang na rai nga a ta?, ngu nna hkap san san di wu ai. Shaloi shi gaw wora amyu bawsang na rai nga nngai ngu nna htan jang,

1 HKAWHKAM LABAU 26:29

Izhara a amyu matu hta na Hkenania hte shi a shadang sha ni gaw up hkang dap hte seng ai lit ngu ai labau gawn mazing amu, Israela amyu masha ni hpe tara dara ya ai amu ni hta lit shatsam da ai hkrum ma ai.

PRU MAT 18:15

Mawshe gaw, “Ndai amyu masha ni Karai Kasang a myit marai hpe chye la na matu nga, ngai kaw sa ma ai majaw ndai amu hpe ngai galaw ra nga nngai.

PRU MAT 18:26

Shanhte gaw amyu masha ni a matu dinggrin tara agyi ni zawn daw dan hparan ya na ma ai; yak ai amu ni hpe Mawshe kaw jashawn ma ti mung, kaji ai ndang kalang lam hpe chyawm gaw shanhte nan daw dan ya nga ma ai.

PRU MAT 21:20

“Marai langai ngai gaw shi a mayam num mayam la hpe shingna hte kayat nna, dai shara hta nan mayam wa si mat yang, masha dai wa gaw ari jaw ai hkrum na rai wu ai.

PRU MAT 21:22

“Lasha nkau mi kamu hkat nna, na-um nasin re ai numsha hpe machyi hkra kau ai majaw, shi a ma nbya bya mat hkra rai ti mung, shi hta kaga lam hku nna machyi n hkrum ai rai yang, shi hpe machyi shangun ai wa mahtang dai num a madu wa hpyi ai hpe tara agyi ni daw dan ya ai hte maren, wa lu na rai nga ai.

PRU MAT 21:28

“Dumsu usu langai gaw marai langai ngai hpe si hkra daru sat ai rai yang, dai hpe nlung hte kabai sat lu na rai nga ai; de a ashan sha lu na n rai; rai ti mung dumsu madu chyawm gaw ari jaw hkrum na n rai.

PRU MAT 22:2

Shi hta wa na arai hpa mung n lu ai rai yang, shi galaw hkrup kau sai lagu ai arai hpe wa na matu mayam zawn shi dut kau ai hkrum na rai wu ai. Shi lagu la sai yam nga ni hta dumsu kanu mi rai rai, sagu mi rai rai, shi hta na chyahkrung mu la lu yang gaw htam lahkawng shi wa na rai wu ai. “Lagut gaw shana e nta sa hpya nna rim hkrum ai hte sat kau hkrum ai rai yang, shi hpe sat ai wa gaw dai masha sat ai amu a majaw mara lu na wu ai n rai; rai ti mung shani e byin ai rai yang chyawm gaw dai masha sat ai amu a majaw mara lu nga ai.

PRU MAT 22:8

Rai ti mung, lagut hpe n mu tam ai rai yang chyawm gaw dai manu dan ai arung arai ap da hkrum ai wa mahtang nawku shara de sa nna, kaga masha wa a sut rai hpe shi n lagu la ai lam dagam shaka na rai wu ai.

EZEKELA 44:24

Ndang kalang re ai amu pru wa ai shaloi, dai amu ni hpe nye a tara ni hte maren, hkinjawng ni jeyang daw dan na ma ai. Nawku htung hte seng ai poi ni hpe mung, nye a tara masa hte maren, shanhte shatup nna Bansa Nhtoi ni hpe shanhte shachyoi shapra na ma ai.

HAGI 2:11

Shi gaw, “Ndai ga san ni hpe daw dan na matu hkinjawng ni hpe san yu u:

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

BU HKAWM 35:11

masha langai ngai hpe ndum nmi rai sat kau hkrup ai wa hprawng shingbyi lu na mare ni hpe nanhte lata tawn da na rai myit dai.

BU HKAWM 35:16

“Kaning mi rai ti mung masha langai ngai hpe hpri, nlung hte hpung tawng laknak ni hpe lang let sat ai rai yang, dai wa gaw masha sat ai amu shut hpyit nga ai rai nna sat kau ai hkrum na rai wu ai.

TARA JAHPRANG 1:17

Nanhte tara daw dan ai amu ni hta myi man tau ai lam madun lu na myit dai n rai; shi kadai wa mi rai nga ai rai tim, myi man n lata ai sha masha shagu hte hpe maren mara jeyang lu na rai myit dai. Nanhte daw dan ai amu ni gaw Karai Kasang kaw na rai nga ai majaw kadai hpe mung hkrit agam lu na myit dai n rai; nanhte a matu daw dan hparan yak ai amu pru wa ai rai yang, ngai hpang de shashawn myit; dai hpe ngai daw dan ya na de ai,’ ngu nna sharin matsun se ai.

TARA JAHPRANG 12:11

Dai Madu gaw shi hpe nawku na shara langai hpe sha lata san da na rai wu ai; shing rai dai yang e, ngai hkang da mada hte maren wan nat na matu shagu hkungga ni hte kaga hkungga ni, dai Madu a matu nanhte ga sadi jaw ai laksan kumhpa ni hpe la sa lu na rai myit dai.

TARA JAHPRANG 12:14

Nanhte a amyu bawsang langai ngai a lamu ga ngu na, dai Madu lata san da ai shara langai hta chyu sha nanhte nawng jau lu na rai myit dai. Dai yang e, ngai nanhte hpe hkang da manit dai hte maren wan nat na nanhte a shagu hkungga ni hpe chyu sha nawng jau nna kaga amu ni yawng hpe mung galaw lu na rai myit dai.

TARA JAHPRANG 12:5

Dai Madu gaw nanhte amyu bawsang ni yawng a lamu ga hta na shara langai mi hpe lata la na rai wu ai. Amyu masha ni mung shi a man e sa du nhtawm shi hpe nawku na mara ai.

TARA JAHPRANG 19:17

shan lahkawng gaw nawku ai shara langai de sha sa nhtawm rung e nga ai hkinjawng ni hte tara agyi ni a jeyang ai hkam la na rai ma ai.

TARA JAHPRANG 19:4

Shi hte hpyen n tai hkat ti mung, n dum shami marai langai ngai hpe sat kau hkrup ai rai yang, shi a shim lam a matu mare langai ngai de hprawng shingbyi na mai nga ai.

TARA JAHPRANG 21:5

Dai Madu nanhte a Karai Kasang gaw shi hpe daw jau na hte shi a mying ningsang hta shaman ya na matu, Lewi hkinjawng ni hpe lata la nu ai rai nna kashun kashe du daw sai hkaw pru wa ai amu shagu hpe daw dan hparan ya ra nga ai majaw dai shara de shanhte sa na rai ma ai.

TARA JAHPRANG 25:1

“Israela masha lahkawng shada da ga law hkat ai majaw tara rung de amu sa shawk ma ai rai yang, langai mi hpe mara n kap ai wa ngu nna mung, bai kaga wa hpe mara lu ai wa ngu nna mung tsun na rai myit dai.