TARA JAHPRANG 17:20 - Jinghpaw Common Language Bible 2009

²⁰ Dai gaw shi hpe kaga Israela masha ni hta grau mai kaja nga ai hte dai Madu a hkang da ai ga hpe lam lama ma hku nna n hkan kau ai kaw na makawp maga ya na ra ai. Dai hpang shi gaw shaning law law up hkang na ra ai rai nna, shi a amyu matu ni mung Israela hpe prat ban law law up hkang na ra ai.

Jinghpaw Hanson Version Bible

²⁰ shi a mungdan a tingnyang ntsa dung nga lu ai shaloi, Lewi masha hkinjawng ni a lata e nga ai, ndai tara laika hpe shabawn mi ka htawt la nna, dai hpe lang nga let, shi hkrung nga ai prat dingsa hte matsing nga na rai wu ai.

TARA JAHPRANG 17:20 ပူးပေါင်းရင်းမြစ်များ

2 SAMUELA 22:23

Shi a tara ni yawng hpe ngai hkan sa ni ai; shi a hkang da ai ga ni hpe ngai n madat nga nngai n rai.

1 HKAWHKAM 11:34

Rai ti mung, ngai gaw Shawlumon a lata kaw nna mungdan ting hpe la kau na nngai n rai; shi hkrung nga dingsa ngai shi hpe daru magam n-gun hte up hkang shangun na nngai. Ngai lata san da nna nye a tara ni hte hkang da ai ga ni hpe hkan sa madat mara nga ai nye a shangun ma Dawi a jaw e sha, ndai amu hpe ngai galaw na we ai.

1 HKAWHKAM 11:36

rai ti mung ngai hpe nawku na shara ngu nna ngai lata san da sai Yerusalem mare hta nye a shangun ma Dawi a amyu matu kaw na langai tut nawng a up nga nga lu hkra Shawlumon a kasha hpe amyu bawsang langai ngai jaw na we ai.

1 HKAWHKAM 15:3

Shi mung shi a kawa zawn yubak mara shut hpyit nga ai majaw shi a kaji ke Dawi zawn dai Madu hta tsep kawp sadi dung nga ai n rai.

1 HKAWHKAM 15:5

Dawi gaw dai Madu awng sharawng ai amu hpe galaw nu ai rai nna Hiti masha Uria lam hta kaga, shi a hkang da ai ga ni hpe galoi mung madat mara nga ai majaw dai Madu ndai amu hpe galaw nga ai.

1 HKAWHKAM 2:3

dai Madu na a Karai Kasang nang hpe galaw shangun ai amu hpe hkan galaw nga u. Nang hkawm sa ai shara shagu hta nang galaw ai amu magup shagu ngamu ngamai wa lit ga, Mawshe a Tara hta ka da ai hte maren, shi a tara ni hte hkang da ai ga ni yawng hpe madat mara let hkan sa nga u.

2 HKAWHKAM 10:30

Dai Madu gaw Yehu hpe, “Ya nang chyawm gaw ngai nang hpe galaw shangun mayu ai amu magup hte maren Ahab amyu matu ni hpe galaw nit dai. Dai re ai majaw na a amyu matu hta na prat mali du hkra Israela a hkawhkam ni tai nga na mara ai gaw, ngai nang hpe ga sadi jaw nngai,” ngu nna tsun wu ai.

2 HKAWHKAM 14:10

Ya chyawm gaw Amazia e, Edom masha ni hpe nang gasat dang kau nit dai majaw nang gaw gumrawng gumtawng ai myit hte hpring nga ndai. Na a mying dan hkung ai hta myit dik nga u. Nang hte na a amyu masha ni a ntsa ru yak tsin-yam tsindam chyu byin shangun ai jamjau lam hpe hpa majaw shapraw nga n ta?”

2 HKAWHKAM LABAU 25:19

Ya chyawm gaw Amazia e, nang gaw Edom masha ni hpe gasat dang kau nit dai majaw shakawng shakat dagrang nga ndai; rai ti mung nta e mahtang nga nga na matu ngai nang hpe hpaji jaw nngai. Nang hte na a amyu masha ni a ntsa e du wa na ru yak tsin-yam tsindam hpe nang hpa majaw shalut kabrawng nga n ta?”

2 HKAWHKAM LABAU 26:16

Rai ti mung Hkawhkam Uzia gaw n-gun rawng wa jang, myit tsaw myit dap wa ai rai nna dai gaw shi hkrat sum na lam de woi mat wa nga ai. Shi gaw tawn hkungri ntsa e manam pyaw ai baw hpe nat nawng na nga Nawku Htingnu kata de shang nna dai Madu shi a Karai Kasang hpe hkap daw wu ai.

2 HKAWHKAM LABAU 33:12

Shi nni nkri hkrum wu ai majaw shagrit shanem ai myit hte dai Madu shi a Karai Kasang hpang de kayin wa nhtawm hpyi nem wu ai.

2 HKAWHKAM LABAU 33:19

Hkawhkam wa a akyu hpyi ga hte dai hte seng ai Karai Kasang a mahtai, shi myit malai garai n lu yang, n hkru ai amu galaw nna shi shut hpyit kau ai yubak mara ni a lam, tara maigan masha ni nawku ai shara ni, shi tawk galaw ai Ashera karai num a hkrang sumla ni hte shi nawku ai hpara sumla ni yawng a lam hpe Myihtoi ni a Labau Laika hta ka matsing da nga ai.

2 HKAWHKAM LABAU 33:23

Rai ti mung shi a kawa hte n bung ai sha, n shagrit shanem ai hte dai Madu hpang de n kayin wa nga ai. Shi gaw kawa hta pyi grau sawng hkra yubak mara shut hpyit nga ai.

2 HKAWHKAM LABAU 34:27

Yerusalem mare hte dai hta nga ai amyu masha ni hpe ari jaw na matu ngai kaning rai jahkrit shama ai lam hpe nang na ndai shaloi na a hpun palawng ni hpe gang je kau nna hkrap let nye a man e myit malai ai hte nang nan shagrit shanem nga ndai. Na a hpyi nem ai nsen hpe ngai na ni ai majaw,

SHAKAWN KUNGDAWN 119:102

Nang nan nye a sara rai nga ndai majaw, na a ga matsun ni hpe ngai hprai kau we ai n rai.

SHAKAWN KUNGDAWN 19:11

Dai ni gaw na a shangun ma rai nga ai ngai hpe machye machyang hpaji jaw ya e; ngai mung dai lam ni hpe hkan sa madat mara ai majaw, shagrau sha-a ai hkrum nga nngai.

GA SHAGAWP 10:27

Dai Madu a ga hpe madat mara u, shaloi nang asak galu na ra ai; tara n lang ai ni gaw shanhte a aten garai n du yang, si mat na mara ai.

GA SHAGAWP 27:24

Hpa majaw nga yang, sut gan gaw tut e grin nga lu ai n rai, amyu baw ni pyi, htani htana grin nga lu ai n rai.

HPAJI NINGLI 8:13

rai ti mung, dai chyawm gaw tara n lang ai wa a matu ngamu ngamai lam rai na ra ai n rai. Shanhte a asak hkrun lam gaw shingnip zawn rai nga ai; Karai Kasang a ga hpe shanhte n madat nga ma ai majaw asak naw kaji yang shanhte si mat na mara ai.”

ESAIA 2:12

Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

HABAKU 2:4

Ndai gaw mungga rai nga ai: ‘N hkru ai ni gaw hkrung nga lu na ra ai n rai, rai ti mung ding hpring ai ni gaw hkrung nga na ra ai hpa majaw nga yang shanhte gaw Karai Kasang hta sadi dung nga ma ai.’”

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

TARA JAHPRANG 12:25

Ndai hkang da ai ga hpe madat mara hkan sa myit dai rai yang, dai Madu awng sharawng wa nna nanhte hte nanhte a matu mara ni ngamu ngamai wa na rai myit dai.

TARA JAHPRANG 12:28

Ngai nanhte hpe hkang da ai lam magup hpe sadi sahka hte madat mara hkan sa nga mu. Nanhte gaw jaw ai amu galaw nga myit dai hpe dai Madu nanhte a Karai Kasang ra sharawng nga ai majaw nanhte hte nanhte a matu mara ni yawng ngamu ngamai na rai myit dai.

TARA JAHPRANG 12:32

“Ngai nanhte hpe hkang da made ai hte maren, lam magup hte hpe hkan galaw nga mu; dai tara hta kaga hpa mung jat la lu na myit dai n rai; shayawm mung shayawm kau lu na myit dai n rai.

TARA JAHPRANG 17:11

Shing rai shanhte daw dan ai hpe hkap la nhtawm chyip makup tsun matsun ai hku hkan galaw na rai ndai.

TARA JAHPRANG 4:2

Ngai nanhte hpe hkang da ai lam hta hpa mung jat bang lu na n rai; dai hta na hpa mung shaw kau lu na n rai. Ngai nanhte hpe jaw da sai dai Madu nanhte a Karai Kasang a hkang da ai ga matsun ni hpe madat mara na rai myit dai.

TARA JAHPRANG 5:32

“Israela amyu masha ni e, dai Madu nanhte a Karai Kasang nanhte hpe hkang da manit dai hte maren, lam magup hpe hkrak hkrak hkan galaw lu na rai myit dai. Shi a hkang da ai tara hpa hpe mung n madat n mara hkum rai myit.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.

1 SAMUELA 10:25

Samuela gaw hkawhkam wa a ahkaw ahkang hte shi galaw na lit ni a lam amyu masha ni hpe tsun shaleng dan wu ai; Shing rai dai ni hpe laika langai mi hta ka nhtawm chyoi pra ai shara hta shi tawn da wu ai. Dai hpang masha shagu hte hpe nta de wa kau shangun wu ai.

1 SAMUELA 15:23

Shi hpe gumlau ai lam gaw hpyi shung shung ai zawn n kaja nga ai; myit tsaw myit dap rawng ai gaw hpara sumla hpe nawku ai htung lai zawn yubak lu nga ai. Dai Madu a hkang da ai ga hpe nang ningdang kau nit dai majaw shi mung nang hpe hkawhkam aya kaw nna jahkrat kau nu ai,” ngu nna htan wu ai.