TARA JAHPRANG 17:19 - Jinghpaw Common Language Bible 2009

¹⁹ Shi gaw laika buk dai hpe shi a makau e kyem da nhtawm, shi hkrung nga ai prat dingsa dai hpe hti na rai wu ai. Shing rai dai hta hkang da ai lam magup hte hpe sadi sahka let madat mara hkan sa nna dai Madu hpe shagrau sha-a na lam sharin la na rai wu ai.

Jinghpaw Hanson Version Bible

¹⁹ ndai tara matsun maroi nlang shatsup lu hkra sharin na hte, shi a kahpu kanau ni hta gumrawng gumra n re ai sha, hkang da ai lam hta na apai ahkra n yit na matu,

TARA JAHPRANG 17:19 ပူးပေါင်းရင်းမြစ်များ

2 HKAWHKAM 22:10

Dai hpang shi gaw, “Hilkia ngai hpe ap ya ai laika langai nang e ngai lu nga nngai,” ngu nna tsun wu ai. Shi gaw dai laika hpe hkawhkam wa a man e aja awa hti dan wu ai.

SHAKAWN KUNGDAWN 1:2

Shingrai na malai, dai Madu a Tara hpe madat mara nna, dai Tara hpe shani shana sharin la ai ni gaw kabu gara ai hpe mu la nga ma ai.

YAWHAN 5:39

Chyum laika ni hta na nanhte htani htana asak mu tam la lu na re ai, nga nna shadu myit dai majaw, dai laika ni hta nanhte hkan sawk hti yu rai myit dai, dai laika ni nan nye a lam sakse hkam nga ai!

TARA JAHPRANG 11:18

“Ndai hkang da ai ga ni hpe adum nga let, manu shadan nhtawm shagrau nga mu. Nanhte a lata lahpum ni hta dai ni hpe hkawn da nna, kahtan ni hta masat langai zawn sumraw da na rai myit dai.

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

TARA JAHPRANG 5:1

Mawshe gaw Israela masha ni yawng hpe shaga jahpawng nna shanhte hpe, “Israela amyu masha ni e, dai ni, ngai nanhte hpe jaw ya nga ai hkang da ai tara ni hpe madat mu; dai ni hpe sharin la nna nanhte hkan galaw na rai myit dai.

YAWSHU 1:8

Nanhte a nawku hpawng hta ndai tara laika hpe teng teng ahti nga lu na rai nga ai. Dai hpe shani shana hti yu nhtawm dai hta ka da mada yawng hpe nang teng teng madat mara hkan sa lu na rai ndai. Shaloi nanhte ngamu ngamai wa nna awng dang lu na rai myit dai.