TARA JAHPRANG 17:17 - Jinghpaw Common Language Bible 2009

¹⁷ Dai hkawhkam wa gaw num law law la tawn lu na n rai; dai gaw shi hpe dai Madu kaw na myi man kayin kau shangun na rai wu ai; aja gumhpraw hte shi hkum hpe sut su shangun lu na n rai.

Jinghpaw Hanson Version Bible

¹⁷ Shi a myit masin lam n dam lu ga, num law law mung la tawn lu na n rai; aja gumhpraw mung law wa mahkawng da lu na n rai.

TARA JAHPRANG 17:17 ပူးပေါင်းရင်းမြစ်များ

NINGPAWT NINGHPANG 2:24

Dai re ai majaw, lasha gaw shi a kanu yan kawa hpe kau da nhtawm shi a madu jan hte manoi nga na rai nna, shan lahkawng gaw hkum shan langai sha tai lu na mara ai.

2 SAMUELA 12:11

Ngai gaw na a dinghku kaw na masha langai mi nang hpe ru yak tsin-yam tsindam tam jaw na lam shapraw dat na we ai gaw nang hpe dagam shaka nga nngai. Na a lata kaw nna na a madu jan ni hpe ngai la kau ya nhtawm kaga masha wa a lata de jaw kau na hpe mung nang mu lu na rin dai; shi gaw shani chyingtung e nan pyi na a madu jan ni hte nga sha dan na ra ai.

2 SAMUELA 5:13

Hebron mare kaw nna Yerusalem mare de htawt ai hpang, lashi num ni hte madu jan ni hpe grau la jat wu ai rai nna shayi shadang sha ni grau law jat nga wu ai.

1 HKAWHKAM 10:21

Shawlumon a ntsin du lu ai gawm ni yawng hpe aja hte galaw da nga ai; Lebanon Nam Maling a htingnu hta lang ai wan ni yawng ja jet hkrai rai nga ai, gumhpraw hpe n lang da nga ai; Shawlumon a prat e gumhpraw gaw hpa manu n dan ai zawn nawn da mu ai.

1 HKAWHKAM 10:27

Shi hkaw dung ai aten hta Yerusalem mare e gumhpraw hpe nlung zawn lang nna, arit hpun gaw Yuda mung bum lagaw hkan e tu ai maihkawng hpun ni zawn law htam nga ai.

1 HKAWHKAM LABAU 14:3

Dawi gaw Yerusalem mare e nga yang, madu jan ni hpe hkungran la jat wu ai rai nna shayi shadang sha ni law jat wa nga wu ai.

2 HKAWHKAM LABAU 1:15

Shi hkaw dung ai aten hta aja gumhpraw gaw Yerusalem mare e nlung zawn, arit hpun gaw Yuda mung bum lagaw hkan e tu ai maihkawng hpun ni zawn law htam nga ai.

2 HKAWHKAM LABAU 11:21

Rehoboam hta madu jan ni yawng shi matsat hte lashi num kru shi lu nga ai. Shi gaw shadang sha hkun matsat, shayi sha kru shi a kawa tai nga ai. Shi a madu jan ni hte lashi num ni yawng hta Mahka hpe mahtang kaja htum ai hku shi tsaw ra wu ai rai nna,

NEHEMIA 13:26

Ngai gaw, “Hkawhkam Shawlumon hpe yubak galaw shangun ai mung maigan num ni a majaw rai nga ai. Shi gaw kaga masha amyu baw ni a hkawhkam ni hta grau nna galu kaba ai wa rai nga ai. Karai Kasang gaw shi hpe tsaw ra ai hte Israela amyu yawng a matu shi hpe hkawhkam shatai nu ai; ti mung shi gaw yubak kata de lup shang mat wa nu ai.

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

GA SHAGAWP 31:3

Na a shinggyim n-gun yawng hpe shinggyim maka ngang gayut ai amu hta n-gun maku hkum shadaw kau et. Nang jai lang ai na a gumhpraw yawng hpe numsha ni hta hkum jai shama kau nga et. Shanhte gaw hkawhkam ni hpe alau jahten kau yu masai.

MALAHKI 2:15

Karai Kasang gaw nang hpe shi hte hkum shan wenyi langai sha di hpan da sai n rai ni? Ndai lam hta shi a yaw shada ai gaw hpa rai nga a ta? Dai gaw jet ai Karai Kasang a amyu masha ni rai nga ai kashu kasha ni hpe nang shangai nga ndai. Dai re ai majaw nanhte kadai mung tinang madu jan hpe jaw da ai tinang a ga sadi hpe teng teng run lu na n rai.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

MAHTE 19:5

‘De a majaw lasha gaw shi a kanu yan kawa hpe kau da nhtawm madu jan hte kanawn nna, shan lahkawng gaw hkum shan langai sha tai lu na mara ai,’ nga nna Karai Kasang tsun ai hpe Chyum Laika hta n hti yu myit ni?

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

1 TIMOHTI 6:9

Rai ti mung sut su mayu ai ni gaw, agung alau hkrum ma ai hte angawk angak hte tsin yam shabyin shangun lu ai marin marit ai lam ni law law a mahkam dawnggawng hta lup mat ma ai; dai gaw shanhte hpe hten byak ai hte sum hkrum ai hta dun bang kau manu ai.