TARA JAHPRANG 17:12 - Jinghpaw Common Language Bible 2009

¹² Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.

Jinghpaw Hanson Version Bible

¹² Na a Karai Kasang Yehowa man e amu gun hpai ai hkinjawng wa hte tara agyi wa a ga n madat ai, dingsa sa tawt lai ai wa gaw sat kau ai hkrum na rai nna, Israela amyu hta na n shawp ai amu seng kau lu na rai ndai.

TARA JAHPRANG 17:12 ပူးပေါင်းရင်းမြစ်များ

EZRA 10:8

Masum ya laman n du ai wa kadai hpe mung shi a sut gan yawng magawn la ai hkrum nna rau nga ai hpung kaw na shapraw kau hkrum na rai wu ai.

SHAKAWN KUNGDAWN 19:13

Myit shadang ai yubak mara ni kaw na mung, ngai hpe shim hkra bau sin ya e; dai ni gaw ngai hpe n up lu mu ga. Shing rai, ngai gaw hkum tsup wa nna n hkru ai yubak kaw na mung lawt lu na nngai.

GA SHAGAWP 21:11

Rai dum ai wa gaw shi a ari hkrum sha ai shaloi, nyan tang ai masha wa pyi, sharin la lu nga ma ai; hpaji rawng ai wa gaw shi hpe sharin ya sai kaw na hpaji lu la na ra ai.

HOSEA 4:4

Dai Madu gaw, “Kadai mung amyu masha ni hpe mara n shagun mu ga; shanhte hpe n daru mu ga-nye a aput angun ai gaw nanhte hkinjawng ni hpe ninghkap nga nngai.

ZEHKARIA 3:7

Chyahtum Chyalai N-gun Rawng ai dai Madu ning nga tsun nu ai ga tsun dan wu ai: “Ngai nang hpe lit jaw ai amu ni hpe hkan galaw nna nye a tara ni hpe madat mara ndai rai yang, nye a Nawku Htingnu hte de a wang ni hpe matut nna woi hpareng lu na rai ndai. Ngai gaw nye a man e nga nga ai lamu kasa ni a hpyi nem ai ga ni hpe na ya ai zawn, na a hpyi nem ai ga ni hpe mung na ya na nngai.

BU HKAWM 15:30

Rai ti mung Israela amyu masha mi rai rai, dai mung e nga nga ai maigan masha wa mi rai rai, yubak mara dingsa sa galaw ai wa kadai mung dai Madu hpe n gawn n sawn di ai mara lu nga ai majaw sat kau ai hkrum na rai wu ai;

BU HKAWM 15:31

shi gaw dai Madu tsun ai ga hpe n kaw n law di nna, shi a hkang da ai tara hpe dingsa sa jahten kau wu ai majaw shi hkum nan si hkrung si htan hkrum na rai wu ai.

MAHTE 10:14

Nanhte hpe n hkap hkalum la nna nanhte a ga hpe n madat yang gaw, dai nta kaw na, shing n rai, dai mare kaw na pru wa nhtawm, nanhte a lagaw hta kap ai nhpu hpe ahpu da mu.

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

YAWHAN 12:48

Ngai hpe n hkap la ai hte nye a ga n hta la ai wa hpe jeyang na wa kaga mi nga ai; ngai tsun ai mungga e nan hpang jahtum na nhtoi hta dai wa hpe jeyang na ru ai.

YAWHAN 20:23

Nanhte gaw gade a yubak mara ni hpe raw dat kau ya myit yang gaw, shanhte yubak mara raw dat ya ai hkrum na mara ai. Gade a yubak mara ni hpe rai ti mung, nanhte n raw dat kau ya myit yang gaw, shanhte yubak raw dat ai hkrum na mara ai n rai,” ngu nna shanhte hpe tsun mu ai.

1 KORINHTU 5:13

Rai ti mung nanhte gaw hpung dinghku kata na ni hpe jeyang ang myit dai n rai ni? Chyum Laika hta ka da nga ai hte maren, “Nanhte a kata na n hkru n hkra ai wa hpe nanhte kaw na shaden kau mu.”

TARA JAHPRANG 1:43

Dai Madu hkang dat ai hte maren, ngai tsun ni ai; rai ti mung nanhte hpa zawn n nawn kau ya manit dai. Nanhte gaw shi hte nhtan shai gumlau nna nanhte a gumrawng ai myit hte bum ga de lung wa manit dai.

TARA JAHPRANG 10:8

Dai Madu gaw dai bum hta Lewi amyu bawsang hta na lasha ni hpe Ga Shaka Sumpu hpai ai hta woi hpareng na matu mung, hkinjawng hku nna shi hpe daw jau amu gun hpai na matu mung, shi a mying ningsang gang nna shaman ya na matu mung lata san da wu ai. Ndai amu ni yawng gaw shanhte a magam lit ni hkrai rai nga malu ai.

TARA JAHPRANG 13:11

Dai hpang Israela amyu masha ni yawng dai zawn byin ai lam hpe na wa nhtawm hkrit gari ai hte dai zawn re ai n hkru ai amu, htawm hpang de kadai mung bai galaw wam na ma ai n rai.

TARA JAHPRANG 13:5

Rai ti mung, nanhte mayam tai nga ai Egutu mung kaw na hkrang shaw la ai dai Madu hpe gumlau na hku tsun ai myihtoi shing n rai yup mang hkai chye ai wa kadai mung sat kau ai hkrum na rai wu ai. Dai zawn re ai wa gaw n hkru n shawp nga ai rai nna dai Madu nanhte hpe hkang da nu ai hte maren hkrung nga ai asak hkrung lam kaw na nanhte hpe lam woi shadam shakut nga ai. Ndai n hkru n shawp ai amu kaw na seng kau na matu shanhte si lu na rai ma ai.

TARA JAHPRANG 13:6

“Na a kahpu kanau shayi shadang sha hte tsaw ra ai madu jan, nang hte ni htum ai manang wa du hkra pyi, nanhte hte nanhte a nji nwa ni galoi mung n nawku yu ai karai ni ngu ai kaga karai shaje ni hpe nawku wa lu hkra nga, nanhte hpe lagyim n-gun jaw mai nga ai.

TARA JAHPRANG 17:13

Shaloi dai shi na ai masha shagu hkrit gari nhtawm shing re ai amu hpe kadai mung galaw gwi na mara ai n rai.

TARA JAHPRANG 17:7

Sakse hkam ai ni mahtang shawng kabai nna dai hpang ngam ai amyu masha ni dai wa hpe kabai nang na rai ma ai. Ndai hku nna dai n shawp n kap ai amu hpe nanhte yeng seng kau lu na rai myit dai.

TARA JAHPRANG 18:20

Rai ti mung ngai n hkang da ai hku nye a mying ningsang gang let mungga tsun gwi ai myihtoi kadai mung, hpara shaje ni a mying gang nna tsun ai myihtoi kadai mung, shing re ai lam a majaw shi si lu na rai nga ai,’ ngu nna tsun wu ai.

TARA JAHPRANG 18:5

Dai Madu gaw na a amyu bawsang ni yawng hta na Lewi amyu bawsang ni htani htana hkinjawng amu gun hpai nhtawm shi hpe daw jau na matu lata san da nu ai.

TARA JAHPRANG 18:7

dai yang e daw jau nga ai kaga Lewi masha ni hte maren, dai Madu shi a Karai Kasang a hkinjawng wa zawn dai yang daw jau mai nga ai.

1 HTESALONI 4:2

Hpa majaw nga yang, nanhte kaning rai asak hkrung hkawm sa mai na hkang da ai lam ni hpe Madu Yesu a ahkaw ahkang hte nanhte hpe anhte jaw da saga ai gaw nanhte chye nga myit dai.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.

1 TIMOHTI 5:20

Kaga ni hkrit kang mat mu ga, mara galaw ai ni yawng hpe shawa a man e daru sharin kau mu.

YAWSHU 1:18

Na a daru magam ahkang aya hpe san nna na a hkang da ai ga hpe n madat n mara ai wa kadai rai ti mung, sat kau ai hkrum lu na rai nga ai. Dai rai nna myit jahkut daw dan ai hte kam hpa nga u!,” ngu nna tsun wu ai.

TARA AGYI 20:13

Ndai zawn n hkru n shawp ai amu Israela hta na tsan kau na matu dai ni hpe anhte sat kau na ga ai majaw, Gibea mare hta dai zawn ngang gayut ai masha ni hpe ya jang anhte a lata de ap ya mi,” ngu nna tsun ma ai. Rai ti mung Benyamin masha ni chyawm gaw kaga Israela masha ni tsun ai ga hpe hpa zawn n nawn ya ma ai.

1 SAMUELA 3:13

Shi a kasha yan ngai hpe n shawp ai ga tsun kau manu ai; dai zawn galaw ai hpe Eli chye nga ti mung shan hpe n hkum kau ai majaw shi a dinghku masha ni hpe htani htana ari jaw na ngu nna ngai shi hpe tsun se ai.