TARA JAHPRANG 16:8 - Jinghpaw Common Language Bible 2009

⁸ Nanhte gaw kru ya tup matsi n bang ai muk sha na rai myit dai. Shing rai sanit ya ngu na shani hta dai Madu nanhte a Karai Kasang hpe nawku na zup hpawng hpawng na rai nna, dai shani e amu bungli galaw lu na myit dai n rai.

Jinghpaw Hanson Version Bible

⁸ Kru ya tup matsi n rawng ai muk sha lu na rai ndai; sanit ya hta na a Karai Kasang Yehowa matu chyoi pra ai zuphpawng hpawng na rai ndai: dai shani e makan amu galaw lu na n rai.

TARA JAHPRANG 16:8 ပူးပေါင်းရင်းမြစ်များ

2 HKAWHKAM LABAU 7:9

Tawn hkungri ap nawng ai hpawng sanit ya galaw ngut jang, poi a matu mung nhtoi sanit ya naw galaw ma ai. Shing rai jahtum shani hta zup hpawng hpungdim ai poi galaw ma ai.

NEHEMIA 8:18

Shanhte gaw poi hpang ai shani kaw nna hpang jahtum shani du hkra, Karai Kasang a Tara daw daw chyen chyen hpe shani shagu hti ma ai. Shanhte gaw sanit ya tup poi galaw ma ai, matsat ya shani gaw Tara nga ai hte maren hpungdim poi galaw ma ai.

YOELA 1:14

Lusha gam na matu hkang dat mu; shawa zup hpawng shaga mu! Ningbaw ni hte Yuda amyu masha ni yawng shinggyin jahpawng nna dai Madu nanhte a Karai Kasang a Nawku Htingnu de shang nna, shi hpe hpyi jahtau mu!

JAW JAU 23:36

Nanhte gaw dai nhtoi sanit ya tup lusha hkungga nawng jau na rai myit dai; matsat ya ngu na shani mung nawku hpawng galaw ai hte lusha hkungga nawng jau na rai myit dai. Dai gaw nawku hpawng galaw ai shani rai nna amu bungli hpa mung nanhte galaw lu na myit dai n rai.

BU HKAWM 28:25

Sanit ya ngu na shani hta mung nawku hpawng galaw na rai myit dai; dai shani e amu bungli galaw lu na n rai.