TARA JAHPRANG 16:7 - Jinghpaw Common Language Bible 2009

⁷ Ashan hpe nawku shara langai hta sha shadu nna sha na rai myit dai; shing rai hpang jahpawt e nta de nhtang wa na rai myit dai.

Jinghpaw Hanson Version Bible

⁷ Na a Karai Kasang Yehowa lata la ai shara hta dai hpe kakang nna sha na rai ndai; jahpawt manap e tinang a sum de bai wa na rai ndai.

TARA JAHPRANG 16:7 ပူးပေါင်းရင်းမြစ်များ

2 HKAWHKAM 23:23

Ya chyawm gaw, jahtum e Yoshia hkaw dung ai shi matsat ning hta she dai Shalai Wa ai Poi hpe Yerusalem mare e galaw nga ai.

2 HKAWHKAM LABAU 35:13

Htung lai hte maren, Lewi masha ni gaw Shalai Wa Ai Poi shagu hkungga ni hpe wan hte kakang ai hte chyoi pra ai hkungga ni hpe di bu, di jang hte di pa ni hta shadu nna amyu masha ni hpang de dai shan tin tin sa jaw ma ai.

YAWHAN 11:55

Ya Yuda ni a Shalai wa ai Poi du magang ra ai rai nna, mare kahtawng hkan na masha law law wa, poi garai n du yang, tinang hkum jasan jaseng ai htung lai galaw na matu Yerusalem mare de du lung wa ma ai.

YAWHAN 2:13

Yuda masha ni a Shalai wa ai Poi du wa ra ai rai nna, Yesu gaw Yerusalem mare de lung wa ai.

YAWHAN 2:23

Dai Shalai wa ai Poi nhtoi ni a laman e Yerusalem mare hta shi naw nga nga yang, shi madun ai lamik kumla ni hpe mu lu ma ai majaw masha law law wa shi hpe kam sham wa ma ai.

TARA JAHPRANG 12:5

Dai Madu gaw nanhte amyu bawsang ni yawng a lamu ga hta na shara langai mi hpe lata la na rai wu ai. Amyu masha ni mung shi a man e sa du nhtawm shi hpe nawku na mara ai.

TARA JAHPRANG 16:2

Dai Madu nanhte a Karai Kasang hpe shagrau sha-a ai Shalai Wa Ai Poi lusha a matu san da ai nawku shara de sa nna sagu dumsu langai ngai sat na rai myit dai.