TARA JAHPRANG 16:3 - Jinghpaw Common Language Bible 2009

³ Nanhte dai lusha sha myit dai shaloi matsi bang ai muk sha lu na myit dai n rai; nanhte gaw Egutu mung kaw na tin shapun rai pru mat wa myit dai shaloi nanhte galaw manit dai zawn matsi n bang ai muk sanit ya tup sha lu na rai myit dai. Dai muk sha mu; dai hpe nni nkri muk ngu nna shamying na rai myit dai. Nanhte hkrung nga dingsa nni nkri shara ngu ai Egutu mung kaw na nanhte hpe woi shapraw wa ai nhtoi hpe adum nga na rai myit dai.

Jinghpaw Hanson Version Bible

³ Dai poi hta matsi rawng ai muk nang sha lu na ndai n rai: nang hkrung nga prat dingsa, Egutu mung na pru wa ai lam hpe nang dum nga lu hkra, sanit ya tup nni nkri ngu na matsi n rawng ai muk nang sha lu na rai ndai: kaning rai nme law, Egutu mung na nang tin shapun pru wa nit dai.

TARA JAHPRANG 16:3 ပူးပေါင်းရင်းမြစ်များ

1 HKAWHKAM 22:27

Ngai shim lum ai hte bai nhtang wa ai aten du hkra, shi hpe htawng sharen da nna, muk hte hka jaw lu jaw sha na lam shanhte hpe tsun u,” ngu nna hkang dat wu ai.

SHAKAWN KUNGDAWN 102:9

Na a pawt sindawng ai hte masin kahtet ai a majaw, wan dap ni gaw nye a malu masha rai nga ai; nye a luhpa ni mung nye a myi prwi ni hte kayau nga li ai. Nang ngai hpe magra sharawt la nna, tsan tsan de kabai kau nga nit dai.

SHAKAWN KUNGDAWN 111:4

Dai Madu gaw shi a mauhpa magam bungli ni, anhte hpe n malap shangun nga ai; shi gaw matsan dum ai hte n-gaw n wai ai myit rawng ai wa rai nga ai.

SHAKAWN KUNGDAWN 127:2

Jahpawt manap jau jau rawt nna, shana aten lai hkra kan bau makan amu a matu, hki ba let galaw ti mung kaman lila rai nga ai. Hpa majaw nga yang, dai Madu gaw shi tsaw ra ai ni hpe naw yup nga yang pyi, shanhte hta ra nga ai lam ni hpe jaw ya nga ai.

PRU MAT 12:11

Nanhte gaw bu hkawm na matu bu hpun palawng, lagaw hta hkyepdin din, lata hta dawhkrawng lang da nna, dai lusha hpe tin tin sha na rai myit dai; dai gaw Ngai Madu hpe shagrau hkungga ai Shalai Wa Ai Poi rai nga ai.

PRU MAT 12:17

Ngai gaw nanhte a amyu bawsang ni hpe Egutu mung kaw na woi shapraw wa ai shani rai nga ai majaw dai poi hpe adum nga mu. Dai nhtoi hta poi galaw na matu masat da sai hte maren, nanhte gaw du na ra ai ban prat yawng hta dai shani e poi galaw lu na rai myit dai.

PRU MAT 12:39

Shanhte gaw Egutu mung kaw na gawt kau hkrum masai rai nna, shanhte a lusha hpe shajin la na matu mung, matsi rawng ai muk katsing shachyip gun na matu mung, akajawng sha aten n lu ma ai majaw Egutu mung kaw na la pru wa ai muk katsing hpe matsi n rawng ai sha kabaw sha ma ai.

PRU MAT 12:8

Dai shana e, shan hpe wan hta kakang nhtawm, matsi n rawng ai muk hte hka ai tsi ru ni hte hpawn sha lu na myit dai.

PRU MAT 34:18

“Matsi n rawng ai Muk Sha Poi galaw lu na rai myit dai. Nanhte gaw Abi shata hta nan Egutu mung kaw na pru wa myit dai re majaw, ngai nanhte hpe hkang da ni ai hte maren, dai shata hta sanit ya tup matsi n rawng ai muk sha lu na rai myit dai.

ESAIA 52:12

Ndai lang chyawm gaw nanhte tin shapun pru mat wa ra na myit dai n rai; nanhte hprawng shakut ra na myit dai n rai. Dai Madu na a Karai Kasang gaw nanhte hpe lam woi nna kade nde nanhte hpe makawp maga na ra ai.

JAW JAU 23:6

Dai shata a shi manga ya shani e, Matsi N Rawng ai Muk Sha Poi galaw hpang nhtawm sanit ya tup matsi hte galaw ai muk hpa hpe mung sha lu na myit dai n rai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

BU HKAWM 28:17

Dai shata a shi manga ya shani hta galaw hpang nna nhtoi sanit ya tup na ai nawku htung hte seng ai poi hta hkyen lajang da ai matsi n rawng ai muk hpe chyu sha sha lu na rai myit dai.

BU HKAWM 9:11

galaw ngut sai dai shata a malai hpang na shata lahkawng ngu na nhtoi shi mali ya shana de galaw lu na rai myit dai. Dai poi hpe matsi n rawng ai muk, hka ai tsi ru hte poi galaw na rai myit dai.

LUKA 22:19

Shaloi shi muk tawng la nna shakawn ngut jang, dai hpe ahkyep alep nna shanhte hpe jaw let, “Ndai gaw nanhte a matu ya kau ai, nye a hkum rai li ai, ngai hpe adum nga na matu, ndai galaw mu,” ngu mu ai.

1 KORINHTU 5:8

Dai rai nna yubak mara hte n hkru n shawp ai arawn alai ngu ai matsi dingsa lawm ai muk tawng hte n re ai sha, san seng ai myit masin hte teng man ai ngu ai matsi n rawng ai muk tawng hte Shalai wa ai Poi galaw sha ga.

TARA JAHPRANG 16:2

Dai Madu nanhte a Karai Kasang hpe shagrau sha-a ai Shalai Wa Ai Poi lusha a matu san da ai nawku shara de sa nna sagu dumsu langai ngai sat na rai myit dai.

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

1 HTESALONI 1:6

Nanhte gaw anhte a kasi ningli hte Madu a kasi ningli hpe len la hkan sa nga myit dai. Nanhte gaw nni nkri ru yak jam jau law law hkrum hkra myit ti mung, dai Kabu Gara Shiga hpe Chyoi Pra ai Wenyi kaw na lu la ai kabu gara sharawng awng ai myit hte hkap la myit dai.

YAWSHU 4:7

nanhte gaw shanhte hpe dai Madu a Ga Shaka Sumpu hka rap sa wa yang, dai Yawdan hka mahtang lwi nga ai kaw na hkring mat ai rai nga ai, ngu nna tsun dan na rai myit dai. Dai nlung ni gaw ndai shara e Israela amyu masha ni hpa byin lai wa sai lam hpe myit dum shangun na matu rai nga ai,” ngu nna tsun na rai myit dai.