TARA JAHPRANG 16:2 - Jinghpaw Common Language Bible 2009

² Dai Madu nanhte a Karai Kasang hpe shagrau sha-a ai Shalai Wa Ai Poi lusha a matu san da ai nawku shara de sa nna sagu dumsu langai ngai sat na rai myit dai.

Jinghpaw Hanson Version Bible

² Yehowa shi a amying ningsang tawn da na matu lata la ai shara e, sagu dumsu ngu na shalai dat ai poi hkungga, na a Karai Kasang Yehowa hpe nawng jau na rai ndai.

TARA JAHPRANG 16:2 ပူးပေါင်းရင်းမြစ်များ

2 HKAWHKAM 23:21

Hkawhkam Yoshia gaw ga shaka laika hta ka da ai hte maren, dai Madu shanhte a Karai Kasang hpe shagrau sha-a na matu Shalai Wa ai Poi hpe galaw na lam, amyu masha ni hpe hkang da wu ai.

2 HKAWHKAM LABAU 35:7

Hkawhkam Yoshia gaw Shalai Wa Ai Poi hta amyu masha ni lang na matu shi a sagu hpung hte yam nga hpung hta na sagu, sagu kasha hte bainam kasha mun masum hte usu hkying masum jaw wu ai.

BU HKAWM 9:2

Shi gaw, “Dai shata a shi mali ya shana de jan shang wa mahka e, Shalai Wa Ai Poi a htung tara hte hkan sa na matsun lam ni hte maren, Israela amyu masha ni dai poi hpe galaw lu na rai ma ai,” ngu nna tsun wu ai.

MAHTE 26:17

Ya dai matsi n lawm ai muk sha ai poi a shawng shani e, sape ni gaw, Yesu hpang de sit sa nna, “Dai Shalai wa ai Poi hpe sha na gara shara hta e na a matu anhte shachyip da na, nang ra nga n ta?,” ngu mu ai.

MAHTE 26:2

“Lahkawng ya lai jang, dai Shalai wa ai Poi du na ra ai, nanhte chye nga myit dai rai nna, Masha Kasha hpe wudang hta e jen da na matu ap kau ai hkrum na ra ai,” ngu mu ai.

MARKU 14:12

Ya Shalai Wa Ai Sagu Kasha hkungga ni sat nna Matsi n rawng ai Muk sha ai Azuma poi a nnan shani e, Yesu a sape ni gaw, “Dai Shalai wa ai Poi sha na, gara shara hta e na a matu anhte hpe sa shachyip shangun mayu nga n ta?,” ngu nna shi hpe san mu ai.

LUKA 22:15

Madu gaw, “Ngai nni nkri garai n hkrum yang, nanhte hte rau, Shalai Wa ai Poi sha na ngai grai sharawng da we ai.

LUKA 22:8

Yesu gaw, Petru yan Yawhan hpe, “Anhte sha na matu Shalai wa ai Poi hpe sa shachyip lajang magang mu,” ngu nna shangun dat mu ai.

1 KORINHTU 5:7

Nanhte tsep kawp san seng ai ni tai na matu matsi dingsa ngu ai yubak mara hpe ran kabai kau mu. Dai shaloi e nanhte gaw, matsi n rawng ai muk tawng ningnan zawn, tai na marin dai. Dai zawn nanhte kaja wa tai lu nga myit dai hpe ngai hkrak chye nngai. Hpa majaw nga yang, Hkristu ngu ai anhte a shalai wa ai hkungga gaw sat kau hkrum nu ai rai nna, anhte a Shalai wa ai Poi galaw na jin jin rai nga sai.

TARA JAHPRANG 12:11

Dai Madu gaw shi hpe nawku na shara langai hpe sha lata san da na rai wu ai; shing rai dai yang e, ngai hkang da mada hte maren wan nat na matu shagu hkungga ni hte kaga hkungga ni, dai Madu a matu nanhte ga sadi jaw ai laksan kumhpa ni hpe la sa lu na rai myit dai.

TARA JAHPRANG 12:14

Nanhte a amyu bawsang langai ngai a lamu ga ngu na, dai Madu lata san da ai shara langai hta chyu sha nanhte nawng jau lu na rai myit dai. Dai yang e, ngai nanhte hpe hkang da manit dai hte maren wan nat na nanhte a shagu hkungga ni hpe chyu sha nawng jau nna kaga amu ni yawng hpe mung galaw lu na rai myit dai.

TARA JAHPRANG 12:18

Nanhte hte nanhte a kashu kasha ni mung, nanhte a shangun ma ni hte mung, nanhte a mare ni hta hkan nga ai Lewi masha ni hte mung, dai Madu nanhte a Karai Kasang lata san da ai nawku shara hta dai Madu nanhte a Karai Kasang a man e chyu sha dai hkungga ni hte rau sha lu na rai myit dai; shing rai nanhte galaw ai lam magup hta nanhte kabu gara lu na rai myit dai.

TARA JAHPRANG 12:26

Nanhte a hkungga ni mung, dai Madu hpe ga sadi jaw da sai kumhpa ni hpe mung, nawku na matu san da ai shara de la sa na rai myit dai.

TARA JAHPRANG 12:5

Dai Madu gaw nanhte amyu bawsang ni yawng a lamu ga hta na shara langai mi hpe lata la na rai wu ai. Amyu masha ni mung shi a man e sa du nhtawm shi hpe nawku na mara ai.

TARA JAHPRANG 15:20

Nawku na matu san da ai shara ngu na dai Madu a man e, nang hte na a dinghku masha ni shaning shagu dai ni hpe jawm sha lu na rai myit dai.

TARA JAHPRANG 16:1

Shalai Wa Ai Poi hpe Abi shata hta galaw let, dai Madu nanhte a Karai Kasang hpe shagrau sha-a nga mu;

TARA JAHPRANG 16:3

Nanhte dai lusha sha myit dai shaloi matsi bang ai muk sha lu na myit dai n rai; nanhte gaw Egutu mung kaw na tin shapun rai pru mat wa myit dai shaloi nanhte galaw manit dai zawn matsi n bang ai muk sanit ya tup sha lu na rai myit dai. Dai muk sha mu; dai hpe nni nkri muk ngu nna shamying na rai myit dai. Nanhte hkrung nga dingsa nni nkri shara ngu ai Egutu mung kaw na nanhte hpe woi shapraw wa ai nhtoi hpe adum nga na rai myit dai.