TARA JAHPRANG 16:18 - Jinghpaw Common Language Bible 2009

¹⁸ “Dai Madu nanhte a Karai Kasang nanhte hpe jaw ai mare shagu hta tara agyi ni hte kaga du salang ni hpe san tawn na rai myit dai. Dai masha ni gaw amyu masha ni hpe myi man n lata ai sha, tara jeyang na rai ma ai.

Jinghpaw Hanson Version Bible

¹⁸ Na a Karai Kasang Yehowa nang hpe jaw ai mare shagu hta, na a amyu e hkan nna, tara agyi hte du agyi tawn da na rai ndai; shanhte gaw amyu masha ni hpe dingman ai hku tara dara ya na rai mu ai.

TARA JAHPRANG 16:18 ပူးပေါင်းရင်းမြစ်များ

1 HKAWHKAM LABAU 23:4

Hkawhkam wa gaw Nawku Htingnu amu galaw ai lam hpe yu hpajang na masha mun lahkawng hkying mali hpe mung, labau gawn nna ka matsing na hte ga li ga law amu ni hpe hparan daw dan ya na masha hkying kru hpe mung,

1 HKAWHKAM LABAU 26:29

Izhara a amyu matu hta na Hkenania hte shi a shadang sha ni gaw up hkang dap hte seng ai lit ngu ai labau gawn mazing amu, Israela amyu masha ni hpe tara dara ya ai amu ni hta lit shatsam da ai hkrum ma ai.

EZRA 7:25

“Ezra e, nang gaw na a Karai Kasang nang hpe jaw ya sai hpaji byeng-ya lang nna, na a Karai kasang a tara hpe hkan ai, Uhprat a Sinna maga de nga ai masha ni yawng hpe up hkang na du ni hte tara agyi ni hpe san tawn u. Shing rai Tara a lam n chye ai ni kadai hpe mung dai lam nang sharin ya lu na rai ndai.

PRU MAT 18:21

Rai ti mung, dai hta kaga, atsam ningja rawng ai masha nkau mi hpe nang lata la nhtawm, amyu masha ni a ningbaw tai ai hta, hkying mi a ningbaw ni, latsa a ningbaw ni, manga shi a ningbaw ni hte shi a ningbaw ni ngu nna san tawn u. Shaloi shanhte gaw Karai Kasang hpe hkrit kamyin ai ni, kam hpa ging ai ni hte mayun kumhpa n la sha ai ni rai lu na ma ai.

PRU MAT 21:22

“Lasha nkau mi kamu hkat nna, na-um nasin re ai numsha hpe machyi hkra kau ai majaw, shi a ma nbya bya mat hkra rai ti mung, shi hta kaga lam hku nna machyi n hkrum ai rai yang, shi hpe machyi shangun ai wa mahtang dai num a madu wa hpyi ai hpe tara agyi ni daw dan ya ai hte maren, wa lu na rai nga ai.

PRU MAT 21:6

shi a madu gaw shi hpe nawku ai shara de woi sa na rai wu ai. Dai yang na chyinghka shing n rai chyinghka shadaw hta shi hpe shatsap da nna, shi a na hpe shajut ya na rai wu ai. Dai hpang shi gaw shi a matu prat tup mayam tai nga na rai wu ai.

GA SHAGAWP 31:23

Shi a madu wa gaw mare hpe woi awn ai du salang, langai mi rai nna, mying dan hkung nga ai.

MAHTE 5:21

‘Masha hkum sat, sat ai wa kadai mung tara agyi wa a man de jeyang hkrum na ra ai,’ nga nna moi shawng na ni hpe tsun ai ga, nanhte na yu manu ai.

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

TARA JAHPRANG 16:17

Dai Madu nanhte a Karai Kasang shaman chyeju jaw ya manit dai hte maren, lasha shagu mung tinang jaw ya lu ai made kumhpaw kumhpa la sa na rai nga ai.

TARA JAHPRANG 16:19

Tara jeyang ai lam hta n teng n man ai hku myi man tau ya ai lam madun lu na myit dai n rai; mayun kumhpa ni la sha lu na ma ai n rai; dai gaw hpaji rawng ai ni hte ding man ai ni a myi hpe shamak kau ya nhtawm shanhte a tara daw dan ai lam hpe shut kau shangun nga ai.

TARA JAHPRANG 17:12

Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.

TARA JAHPRANG 17:9

Lewi hkinjawng ni hte dai aten rung hta tara agyi galaw nga ai wa dai amu hpe daw dan ya u ga, na a amu shawn na rai ndai.

TARA JAHPRANG 21:2

nanhte a ningbaw ni hte tara agyi ni pru sa nhtawm, si mang taw ai shara kaw na grup yin mare shagu hpe shadawn na rai myit dai.

TARA JAHPRANG 25:1

“Israela masha lahkawng shada da ga law hkat ai majaw tara rung de amu sa shawk ma ai rai yang, langai mi hpe mara n kap ai wa ngu nna mung, bai kaga wa hpe mara lu ai wa ngu nna mung tsun na rai myit dai.

1 SAMUELA 8:1

Samuela dingla wa ai shaloi, shi a kasha yan hpe Israela mung hta tara agyi dang da wu ai.