TARA JAHPRANG 16:16 - Jinghpaw Common Language Bible 2009

¹⁶ “Laning mi hta masum lang ngu na san da ai nawku shara langai hta Shalai Wa Ai Poi, Nmut Shang Poi hte Sum Poi ni hpe galaw myit dai shaloi nanhte a amyu bawsang hta na lasha ni yawng dai Madu hpe nawku na matu sa lu na rai ma ai.

Jinghpaw Hanson Version Bible

¹⁶ Laning mi hta masum lang ngu na, azuma poi, bat sanit poi, sum poi re ai aten ni hta, nanhte hta na lasha ni nlang hte gaw, na a Karai Kasang Yehowa san da ai shara, shi a man e myi man madun lu na rai myit dai: dai shaloi e kadai mung Yehowa man de kaman dawng pru lu na n rai:

TARA JAHPRANG 16:16 ပူးပေါင်းရင်းမြစ်များ

1 HKAWHKAM 9:25

Shawlumon gaw dai Madu a matu gaw tawn da nu ai tawn hkungri ntsa hta wan nat hkungga hte mahku hkungga ni hpe laning mi hta masum lang hkungga sak nawng ya wu ai. Shi gaw dai Madu hpe manam pyaw ai baw mung nat nawng ya wu ai. Shing rai shi gaw Nawku Htingnu gaw gap ai amu hpe shangut nu ai.

2 HKAWHKAM LABAU 8:13

Mawshe a Tara hta tsun da sai hte maren, Bansa Nhtoi hkungga, Shata praw hkungga, shaning shagu galaw nga ai poi ngu ai matsi n rawng ai muk poi, Nmut shang poi hte Sum Poi ni hpe dai Chyoi Pra ai shani shagu a matu wan nat hkungga ni hpe shi nawng ya wu ai.

EZRA 3:1

Israela amyu masha ni gaw shata sanit hta shanhte a kahtawng ni hkan yawng nga nga ma ai. Dai hpang shanhte yawng Yerusalem hta zup hpawng nga ma ai.

NEHEMIA 8:15

Dai rai nna shanhte gaw ndai sharin shaga lam ni jaw ya let Yerusalem mare hte kaga mare kahtawng ni yawng de shanhte hpe shangun dat ma ai: “Tara laika hta ka da sai sharin achyin ga matsun ni hte maren, sum ni galaw na matu kawng ni de pru sa nhtawm marau, tsanlun, maihting, namhtan hte kaga hpun ni hta na lakung lakying ni hpe la wa mi.”

SHAKAWN KUNGDAWN 122:4

Ndai mare gaw shi a hkang da ai mungga nga ai hte maren, dai Madu hpe chyeju shakawn kungdawn na matu, amyu baw ni, Israela amyu bawsang ni sa zup ai shara rai nga ai.

SHAKAWN KUNGDAWN 84:7

Shanhte hkawm sa mat wa magang n-gun atsam grau nna jat la lu nga ma ai; Ziun Bum ntsa e, karai ni a Karai hpe shanhte wa mu lu na mara ai.

SHAKAWN KUNGDAWN 84:8

Chyahtum Chyalai n-gun rawng ai Madu Karai Kasang e, nye a akyu hpyi ga hpe na ya e; Yaku a Karai Kasang e, madat ya e!

SHAKAWN KUNGDAWN 96:8

Dai Madu a hpung shingkang hte seng ai mying nsang hpe shakawn mu; shagu hkungga lang let, shi a Nawku Htingnu de shang sa wa mu.

PRU MAT 34:20

Rai ti mung shawng hkrat ai lawze shagu hpe chyawm gaw de a malai sagu kasha nawng ya nna bai hkrang la lu nga myit dai. Nanhte gaw dai hpe hkrang la na myit n rawng sai rai yang, de a du hpe gang daw kau ya lu na rai myit dai. Shawng shangai ai shadang sha alat shagu hpe chyawm gaw hkrang la lu na rai nga myit dai. Kadai mung hkungga n lawm ai sha nye a man de dawng pru lu na n rai.

PRU MAT 34:24

Masha amyu ni hpe nanhte a man kaw na ngai gawt shapraw kau ngut ai hpang, nanhte a lamu ga hpe maden ya ni ai, laning mi hta masum lang galaw ai poi laman hta, nanhte a mungdan hpe kadai mung ka-up la kau ya na ra ai n rai.

ESAIA 23:18

Shi hpaga ga nna lu tam ai gumhpraw hpe dai Madu hpang de ap nawng ya na ra ai. Shi gaw dai gumhpraw ni hpe n kyem da na nu ai, rai ti mung dai Madu hpe nawku daw jau ai ni gaw shanhte hta ra kadawn nga ai malu masha hte bu hpun palawng ni mari la na matu, shi a gumhpraw jai lang wa na ra ai.

ESAIA 33:20

Anhte a nawku htung hte seng ai poi ni galaw ai Ziun mare hpe yu u. Yerusalem hpe yu u! Dai shara hta shanu nga lu ai gaw kade sha shim nga a hka! Dai gaw galoi mung n htawt, mailak ni galoi mung n baw ra, sumri ni galoi n tsam n di mat ai sum langai hte bung na ra ai.

EZEKELA 36:38

Madat da ai poi aten hta shagu hkungga ni hpe nawng ya na matu lai sai aten hta sagu ni hte hpring nga ai zawn, ya aten e, hten run mat sai mare ni mung amyu masha ni hte hpring nga na mara ai. Dai shaloi, shanhte gaw ngai nan dai Madu rai nga nngai hpe chye lu na mara ai,” ngu nna tsun ai.

HAGI 1:9

“Nanhte gaw law law lu dan la na re ngu, myit mada myit dai, rai ti mung kaji sha mi lu la ma ai. Nanhte gaw dai dan la lu ai hpe la mat wa myit dai shaloi, ngai gaw dai hpe kawut shapoi kau we ai. Nawku Htingnu hten run nga ai majaw nanhte gaw tinang dum nta hkan bungli law nga myit dai.

MAHTE 2:11

Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.

MARKU 12:3

Shanhte mahtang, mayam hpe rim la nna, anu kayat nhtawm, kaman dat dat mu ai.

YAWHAN 7:2

Yuda amyu masha ni a Sum Poi Dai nsi naisi shu la ai mangai Sum Poi galaw ai aten ni wa ra ai.

TARA JAHPRANG 16:15

San da ai nawku shara langai hta sha ndai poi hpe sanit ya tup galaw let, dai Madu nanhte a Karai Kasang hpe shagrau sha-a na rai myit dai. Dai Madu gaw nanhte a nai mam shu la ai hpe mung, nanhte shachyen ai amu magup hpe mung shaman ya nit dai majaw kabu gara nga na rai myit dai.

TARA JAHPRANG 16:17

Dai Madu nanhte a Karai Kasang shaman chyeju jaw ya manit dai hte maren, lasha shagu mung tinang jaw ya lu ai made kumhpaw kumhpa la sa na rai nga ai.

TARA JAHPRANG 31:11

Israela amyu masha ni san da ai nawku shara hta dai Madu nanhte a Karai Kasang hpe sa nawku myit dai shaloi, dai tara laika shanhte hpe hti dan na rai myit dai.

1 SAMUELA 1:3

Elakana gaw Chyahtum Chyalai N-gun rawng ai dai Madu hpe nawku let shagu hkungga nawng ya na nga, Rama mare kaw nna dai Madu a hkinjawng ni rai nga ai Eli a shadang sha lahkawng ngu na Hopni hte Hpineha nga ai Shilo mare de shaning shagu sa sa rai wu ai.

1 SAMUELA 6:3

Shanhte gaw, “Ndai Israela a Karai Kasang a Ga Shaka Sumpu hpe nanhte nhtang ya na rai yang, nanhte a yubak a matu mara kumhpa hte hpawn teng teng shagun dat ya lu na rai myit dai. Dai Ga Shaka Sumpu hpe kumhpa n lawm ai sha dat dat lu na myit dai n rai. Ndai hku nna nanhte shamai shatsai ai hkrum nhtawm hpa majaw shi nanhte hpe ari ahpri sha ajaw kau nga myit dai hpe nanhte mu chye na rai myit dai,” ngu nna htan ma ai.