TARA JAHPRANG 16:10 - Jinghpaw Common Language Bible 2009

¹⁰ dai nhtoi gu jang, dai Madu nanhte a Karai Kasang nanhte hpe shaman ya ai made hta na jaw mayu ai hkungga la sa let shi hpe shagrau sha-a na matu Nmut Shang Poi galaw na rai myit dai.

Jinghpaw Hanson Version Bible

¹⁰ Dai nhtoi gu jang na a Karai Kasang Yehowa a matu bat sanit ngu ai poi mung galaw na rai nna, na a Karai Kasang Yehowa nang hpe shaman ya ai made hta na mayu jaw jau kumhpa la sa na rai ndai:

TARA JAHPRANG 16:10 ပူးပေါင်းရင်းမြစ်များ

1 HKAWHKAM LABAU 29:14

“Rai tim, lam magup gaw nang kaw na kumhpa hkrai rai nga ai majaw nye a amyu masha ni hte ngai mung n lu jaw nga ga ai. Nang jaw ya nit dai hpe chyu sha anhte htang jaw nga ga ai.

2 HKAWHKAM LABAU 31:14

Nawku Htingnu a Sinpraw Chyinghka sin ai du Lewi masha Imna a kasha Kore gaw dai Madu a matu sak jaw ai kumhpa ni hkap la nna bai garan jaw ya ai hpareng wa rai nga ai.

PRU MAT 35:29

Dai Madu Mawshe hpe hkang dat ai amu lam shagu a matu Israela amyu masha ni yawng hta kam jaw ai shawang myit rawng ai ni gaw shanhte a hkungga kumhpa ni la sa shajang nga ma ai.

GA SHAGAWP 10:22

Dai Madu a shaman chyeju gaw nang hpe ngamu ngamai shangun nna, bungli shaja ai gaw na sut gan hpe yawn hkyen lam jat ya nga ai n rai.

YOELA 2:14

Dai Madu nanhte a Karai Kasang gaw shi a myit chye galai ai hte nanhte hpe ndaw nhta re ai nsi naisi ni shaman ya na ra a dawng. Dai hpang, nanhte shi hpe nsi naisi hte sabyi ntsin nawng ya lu na myit dai.

JAW JAU 12:8

Dai numsha mahtang sagu kasha n dang shapraw ai rai yang, ura lahkawng, shing n rai hkrudu lahkawng hpe wan nat hkungga a matu langai, htingrai hkungga a matu langai mi di nna la sa na rai wu ai. Hkinjawng wa gaw shi a n san n seng ai a matu htingrai htingrat ya na rai wu ai; shing rai shi gaw san seng wa lu na rai wu ai.

JAW JAU 23:15

Dai Madu hpe sak jaw na nga, nsi naisi hkauling la sa ai shani ngu na Bansa Nhtoi a hpang shani kaw nna,

JAW JAU 25:26

Dai hpe mari nhtang la karum na kahpu kanau n lu ai wa gaw shi hkum nan ngamu ngamai wa ai shani e dai hpe mari nhtang la mai nga ai.

JAW JAU 5:7

Masha langai ngai gaw sagu shing n rai bainam n lu jaw ai rai yang, shi a yubak raw hkungga shatai na hkrudu lahkawng shing n rai ura lahkawng hpe dai Madu hpang de la sa na rai wu ai; langai mi gaw mara raw hkungga a matu rai nna kaga gaw wan nat hkungga a matu rai na rai nga ai.

BU HKAWM 28:26

Dai Madu hpe nsi naisi nnan hkungga sak jaw ai shaloi Nmut shang Poi a shawng shani hta nawku hpawng na rai myit dai; dai shani e amu bungli galaw lu na n rai.

BU HKAWM 31:28

Hpyenla ni madu la lu ai hta na dai Madu a kang a matu bawng masha, dumsu, lawze, sagu hte bainam, manga tsa hta langai mi hku tawn da na rai myit dai.

1 KORINHTU 16:2

Ngai sa du ai shaloi alu gumhpraw kaga mi n lahkawn ra u ga, Laban shani shagu nanhte langai hte langai gaw tinang a ngamu ngamai ai made hta na alu gumhpraw ni hpe garan mahkawng da nga mala.

2 KORINHTU 8:10

Ndai alu jaw ai lam hte seng nna ngai myit ai hku nga yang, lai wa sai shaning hta nanhte galaw hpang da sai amu hpe ya galaw shakre yang nanhte a matu mai kaja na re. Nanhte gaw shawang myit hte jaw mayu ai myit shawng rawng ai ni sha n rai, alu shawng jaw ya ai ni rai nga myit dai.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.

TARA JAHPRANG 16:11

Tinang a kashu kasha, shangun ma ni hte nanhte a mare hta nga ai Lewi masha ni, maigan masha ni, jahkrai nmai ni hte gaida gaina ni yawng dai Madu a man e rau sha kabu gara nga mu. Ndai amu hpe nawku daw jau ai shara langai hta sha galaw mu.

TARA JAHPRANG 16:9

“Nsi naisi shu hpang ai aten kaw nna bat sanit tup hpe nanhte hti la nhtawm,