TARA JAHPRANG 16:1 - Jinghpaw Common Language Bible 2009

¹ Shalai Wa Ai Poi hpe Abi shata hta galaw let, dai Madu nanhte a Karai Kasang hpe shagrau sha-a nga mu;

Jinghpaw Hanson Version Bible

¹ Abi shata hpe matsing nna, na a Karai Kasang Yehowa a shalai dat ai poi hkan galaw u: kaning rai nme law, na a Karai Kasang Yehowa gaw Abi shata hta nang hpe Egutu mung na shana e shapraw la nit dai.

TARA JAHPRANG 16:1 ပူးပေါင်းရင်းမြစ်များ

PRU MAT 12:51

Dai shani hta nan, dai Madu gaw Israela amyu bawsang ni hpe Egutu mung kaw na woi shapraw wa wu ai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

PRU MAT 13:4

Nanhte gaw Abi shata ngu ai shawng na shata, ndai shani hta nan Egutu mung kaw nna pru wa nga myit dai.

PRU MAT 23:14

“Ngai hpe shagrau sha-a na matu laning mi hta poi kaba masum galaw na rai myit dai.

PRU MAT 23:15

Nanhte gaw Egutu mung na pru wa ai Abi shata hta, ngai nang hpe hkang da sai lam hte maren, Matsi n rawng ai Muk Sha Poi galaw lu na rai myit dai. Sanit ya laman galaw ai dai poi hta matsi hte galaw ai muk hpa hpe mung sha lu na myit dai n rai; nanhte gaw hkungga n lawm ai sha ngai hpe galoi mung nawku lu na myit dai n rai.

PRU MAT 34:18

“Matsi n rawng ai Muk Sha Poi galaw lu na rai myit dai. Nanhte gaw Abi shata hta nan Egutu mung kaw na pru wa myit dai re majaw, ngai nanhte hpe hkang da ni ai hte maren, dai shata hta sanit ya tup matsi n rawng ai muk sha lu na rai myit dai.

JAW JAU 23:5

Dai Madu hpe shagrau sha-a na matu galaw ai Shalai Wa Ai Poi hpe shawng na shata a shi mali ya shani, shana de jan shang wa ai aten hta galaw na rai nga ai.

BU HKAWM 28:16

Dai Madu hpe shagrau sha-a ai Shalai Wa Ai Poi hpe Langai ngu na shata a nhtoi shi mali ya shani e galaw na rai myit dai.

LUKA 2:41

Yesu a kanu yan kawa gaw, Shalai Wa ai Poi du jang, shaning shagu Yerusalem mare de sa ma ai.

YAWHAN 2:13

Yuda masha ni a Shalai wa ai Poi du wa ra ai rai nna, Yesu gaw Yerusalem mare de lung wa ai.

YAWHAN 5:1

Dai hpang Yuda masha ni a nawku htung hte seng ai poi langai mi nga ai rai nna, Yesu gaw Yerusalem mare de lung wa ai.

YAWHAN 6:4

Ya, Yuda masha ni a Shalai wa ai Poi du na ni wa sai.

TARA JAHPRANG 16:2

Dai Madu nanhte a Karai Kasang hpe shagrau sha-a ai Shalai Wa Ai Poi lusha a matu san da ai nawku shara de sa nna sagu dumsu langai ngai sat na rai myit dai.