TARA JAHPRANG 15:9 - Jinghpaw Common Language Bible 2009

⁹ Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai.

Jinghpaw Hanson Version Bible

⁹ Na a kraw hta n shawp ai myit rawng nna, Sanit ning ngu na raw dat ningdaw du magang ra ai nga, dum let, dai matsan mayan hpunau wa hpe lahpawt ai myit hte hpa n jaw ai nga nna, dai wa Yehowa hpe jahtau shaga yang na ntsa e yubak n du lit ga, sadi nga u.

TARA JAHPRANG 15:9 ပူးပေါင်းရင်းမြစ်များ

YOBA 34:28

Shanhte gaw Karai Kasang hpe jahtau na matu matsan mayan masha ni hpe shadut ma ai; shi gaw karum la na matu shanhte jahtau ai nsen hpe na wu ai.

SHAKAWN KUNGDAWN 101:3

n hkru n hkra ai lam hpe ngai galoi mung, hkam sharang na nngai n rai. Karai Kasang a man kaw nna myi man kayin mat wa ai ni a shamu shamawt ai lam ni hpe ngai n dawng nga nngai; ngai gaw shanhte hte hpa seng na nngai n rai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 9:12

Karai Kasang gaw nni nkri hkrum sha ai ni hpe dum nga nna; shanhte a hpyi jahtau ai nsen hpe shi malap kau nga ai n rai, shi gaw shanhte hpe shut hpyit ai ni hpe, ari jaw nga ai.

PRU MAT 22:22

Gaida jan hte chyahkrai ma hpe n gawn n sawn hkum di myit.

PRU MAT 22:23

Nang shing di ai rai yang, shanhte ngai kaw karum hpyi ai shaloi, Ngai Madu nan shanhte a nsen hpe htan ya nna,

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

GA SHAGAWP 14:21

A lu ai lam hpe nang ra marit yang, matsan mayan wa hpe, matsan dum u; kadai hpe rai tim, n kaw n law re ai lam gaw, yubak rai nga ai.

GA SHAGAWP 21:13

Matsan mayan wa a hpyi jahtau ai nsen hpe nang n madat ai rai yang, nang hpe karum la na matu, na a hpyi jahtau ai nsen hpe, kadai mung na ya na ra ai n rai.

GA SHAGAWP 23:6

Maji ai masha wa a sha ku ntsa na lusha hpe hkum hta sha et; shi daw jau ai dwi sau mu mai ai lusha hpe hkum marin nga et.

GA SHAGAWP 24:9

Angawk ai wa a myit shapraw dat ai maw mawn lam hpa rai tim, yubak hte seng ai lam rai nga ai. Kaga masha ni hpe jahpoi jahpyak chye ai hta jan nna hpa n lu ai wa hpe masha ni n dawng nga ma ai.

GA SHAGAWP 28:22

Myit htingkup ai ni gaw sut su wa na matu, tin tin hkan shachyut nga ma ai majaw, matsan mayan ai lam du wa ai hpe, shanhte n chye nga ma ai.

GA SHAGAWP 4:23

Na a myit mang ai lam gaw na a asak hpe hkrang shapraw ya nga ai majaw, nang myit mang ai lam gara hku rai nga ai hpe sadi sahka nga u.

YEREMIA 17:10

Ngai Madu nan masha a myit mang ai lam ni hpe sawk tam yu nna shinggyim masha ni a myit masin ni hpe chyam dinglik yu nga nngai. Langai hte langai hpe tinang a arawn alai hte tinang galaw ai amu hte maren, ngai shabrai jaw na nngai,” ngu nna tsun ai.

YEREMIA 34:14

Hebre mayam kadai hpe rai tim shanhte a matu kru ning daw jau ngut ai hpang sanit ning ngu na hta dai mayam wa hpe dat dat na matu hkang da ni ai. Rai ti mung, na a nji nwa ni gaw ngai hpe hpa n nawn nga ma ai hte ngai tsun ai ga hpe n madat ma ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

MAHTE 20:15

Ngai madu ai gumhpraw hpe ngai di mayu ai hte maren di lu na ahkang nga ai n rai ni? Ngai myit mai ai majaw nang manawn nga nni?,’” ngu nna htan wu ai.

TARA JAHPRANG 15:1

“Sanit ning hpring shagu, nanhte hpe wa ra ai ni a gumhpraw hka ni hpe shaprai kau ya na rai myit dai.

TARA JAHPRANG 24:15

Jan garai n shang yang, shani shagu na shi a shabrai jaw lu na rai ndai; shi gumhpraw ra nga ai majaw dai lu la ging ai hpe shi myit mada nga wu ai. Nang shi hpe n jaw ai rai yang, dai Madu hpe shi jahtau na ra ai rai nna yubak mara lu na rin dai.

TARA JAHPRANG 31:10

Shi gaw shanhte hpe, “Sanit ning ladu hkrum nna hka shaprai kau ya ai ladaw shagu hta galaw ai Sum Poi hta dai tara laika hpe ja ja hti na rai myit dai.

YAKU 4:17

Dai re majaw dai mai kaja ai amu galaw ra nga ai ngu nna chye ninglen n galaw ai wa gaw mara lu nga ai.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.

YAKU 5:9

Nye a hpu nau ni e nanhte Karai Kasang e daw dan ai n hkrum myit ga, nanhte shada da mara shagun aput angun hkum galaw myit, Tara agyi wa gaw du magang ra ai rai nna dan pru na jin jin rai nga sai.

1 PETRU 4:9

Aput apai n nga ai sha, nanhte shada da manam hkalum ai lam hta ra n rawng hkra galaw daw nga mu.