TARA JAHPRANG 15:7 - Jinghpaw Common Language Bible 2009

⁷ “Dai Madu nanhte a Karai Kasang jaw ya nga ai mungdan na mare langai ngai hta Israela hpu nau wa matsan mayan hkrum nna ra kadawn nga ai rai yang, shawang myit kata rai shi hpe n karum la hkum rai myit.

Jinghpaw Hanson Version Bible

⁷ Na Karai Kasang Yehowa nang hpe jaw ai mungdan na mare langai ngai hta, matsan mayan re a hpunau wa nga dam yang, dai na a hpunau matsan mayan wa hta, na a matsan dum ai myit hpe nang shim da lu na n rai, na a lata latup shangang lu na n rai:

TARA JAHPRANG 15:7 ပူးပေါင်းရင်းမြစ်များ

NEHEMIA 5:1

Ya aten ram ram na ai hpang, numsha lasha amyu masha law law hte gaw shanhte a Yuda hpu nau ni hpe aput hpang wa nga ma ai.

ESHTA 9:19

Dai re ai majaw kahtawng kaji hkan nga ai Yuda masha ni gaw Adara shata shi mali ya shani hpe kabu gara ai bansa shani shatai nhtawm lusha poi galaw nna langai hte langai kumhpa ni karan jaw hkat nga ma ai.

ESHTA 9:22

Dai gaw Yuda masha ni shanhte nan shanhte a gumlau hpyen ni hpe yeng seng kau ai shani rai nga ai majaw myit htum yawn hkyen ai kaw nna kabu gara myit pyaw ai de kayin wa ai shata rai nga ai; shanhte gaw dai shani ni hta lusha poi ni hpe mung, shada hku hkau ka manawt lusha ai lam hpe mung galaw let langai hte langai lusha kumhpa karan nna matsan mayan ni hpe gam jaw gam ya na lam hkan galaw na tsun da hkrum nga ma ai.

PRU MAT 22:25

“Nang gaw matsan mayan rai nga ai nye a amyu masha ni hta na kadai hpe mung gumhpraw hkoi ya ai rai yang, gumhpraw boi sha ai wa zawn hkum di et; shi kaw na amyat hpa mung hkum hpyi et.

GA SHAGAWP 19:17

Matsan mayan wa hpe nang jaw ai gaw dai Madu hpe hkoi ya ai hte bung nga ai rai nna; dai Madu gaw nang hpe bai htang jaw na ra ai.

GA SHAGAWP 21:13

Matsan mayan wa a hpyi jahtau ai nsen hpe nang n madat ai rai yang, nang hpe karum la na matu, na a hpyi jahtau ai nsen hpe, kadai mung na ya na ra ai n rai.

ESAIA 58:10

kawsi kyet ai ni hpe nang lusha jaw nhtawm, ra kadawn ai ni hpe nang myit shadik ya ndai rai yang, nang hpe shinggrup da ai nsin gaw shani chyingtung na nhtoi tai na ra ai.

JAW JAU 25:35

Nang hte ani sha nga ai Israela hpu nau wa shi hkum hpe n lu madi shadaw mat nna, matsan mayan hkrum sha ai rai yang, nang hte ani sha matut nga lu u ga, na a nchyang wa hpe zawn lanu lahku shadaw la lu na rai myit dai.

MAHTE 18:30

Rai ti mung shi n hkraw wu ai hta n ga, hka wa kau ai ten du hkra htawng hta e shi hpe jahkrat da wu ai.

MAHTE 5:42

Marai langai ngai nang kaw lama ma hpyi yang jaw u; marai langai ngai nang kaw lama ma hkoi shap mayu yang hkoi shap ya u.

TARA JAHPRANG 15:11

Dai mung hta matsan mayan hkrum nna ra kadawn nga ai Israela masha nkau mi galoi mung anga nga na ma ai majaw shanhte hpe lahpawt ai myit n rawng ai sha karum ya lu myit ga, nanhte hpe ngai hkang da mawe ai.

TARA JAHPRANG 15:9

Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai.

TARA JAHPRANG 24:14

“Na a mare langai ngai hta nga ai Israela hpu nau shing n rai maigan masha hta rai tim, matsan mayan re ai hte ra kadawn nna nchyang amu galaw sha ai shangun ma hpe masu hkalem sha lu na ndai n rai.