TARA JAHPRANG 15:6 - Jinghpaw Common Language Bible 2009

⁶ Dai Madu gaw shi a ga sadi hte maren, nanhte hpe teng teng shaman ya na ra ai. Shaloi masha amyu baw law law hpe nanhte gumhpraw hkoi ya lu na rai myit dai; rai ti mung nanhte mahtang kadai kaw na mung hkoi shap la ra na myit dai n rai; masha amyu baw law law hpe nanhte up hkang lu na rai myit dai; rai ti mung nanhte hpe masha amyu kadai mung up lu na n rai.

Jinghpaw Hanson Version Bible

⁶ Kaning rai nme law, na a Karai Kasang Yehowa, shi a ga ndat hte maren nang hpe shaman ya na ra ai: shaloi maigan amyu law law hpe nang hkoi shap lu na rin dai rai nna, nang hkoi la ra na n rai; masha amyu law law hpe nang up lu na rin dai rai nna, shanhte gaw nang hpe up lu na n rai.

TARA JAHPRANG 15:6 ပူးပေါင်းရင်းမြစ်များ

1 HKAWHKAM 4:21

Shawlumon a mungdan chyawm gaw Uhprat hka nu kaw nna Hpilisti hte Egutu mung a lamu ga jarit du hkra masha amyu ni yawng nga ai shara ni lawm nga ai. Shanhte gaw Shawlumon a prat htum hkra shi a up hkang ai npu hta taw nna shi hpe ahkun hkanse ni jaw ya nga ma ai.

1 HKAWHKAM 4:24

Shawlumon gaw Uhprat hka nu a sinna maga de na lamu ga yawng, Uhprat hka nu makau nga ai Tipsa mare kaw nna sinna maga Gaza mare du hkra up hkang nga ai. Uhprat hka nu a sinna de na hkawhkam ni yawng shi up hkang ai npu hta taw mat ma ai rai nna, htingbu mungdan ni yawng hte ngwi pyaw sim sa ai hte nga nga wu ai.

1 HKAWHKAM LABAU 17:27

Nye a amyu matu ni na a man e matut nna kabu gara lu mu ga, shanhte hpe shaman ya na matu ngai nang kaw hpyi nga nngai. Madu e, nang gaw shanhte hpe shaman ya nga ndai; na a shaman chyeju gaw shanhte a ntsa e htani htana anga nga nu ga law.

2 HKAWHKAM LABAU 9:26

Shi gaw Uhprat hka nu kaw nna Hpilisti mung hte Egutu mung lamu ga jarit du hkra, dai lapran na mungdan ni hpe up hkang ai hkawhkam ni yawng hta tsaw htum ai wa rai nga ai.

EZRA 4:20

Daru magam n-gun rawng ai hkawhkam ni dai yang e hkaw dung nna Uhprat a Sinna maga a mungdaw ting hpe up hkang let, ahkun hkanse ni lahkawn la yu nga masai.

NEHEMIA 9:27

dai rai nna nang gaw shanhte a gumlau hpyen ni hpe up hkang shangun nga ndai. Shanhte a tsin-yam tsindam a majaw karum la na matu shanhte nang kaw hpyi jahtau ma ai, nang gaw shanhte hpe sumsing lamu kaw na htan ya nga ndai. Na a galu kaba ai matsan dum myit a majaw hpyen ni a lata na hkye mawai la na ningbaw ni hpe nang shangun dat ya ndai.

SHAKAWN KUNGDAWN 112:5

Masha kaga wa hpe ntaw ntsang hkoi ya nna, shi a kan bau bungli hpe ding man ai hku galaw nga ai wa gaw a nga ai.

SHAKAWN KUNGDAWN 37:21

Tara n lang ai masha wa gaw arai shap la ti mung, galoi mung nhtang ya nga ai n rai; rai ti mung, mai kaja ai wa gaw shi a kumhpaw kumhpa ni hpe ndaw nhta jaw ya nga ai.

SHAKAWN KUNGDAWN 37:26

Shi gaw aten shagu, ndut ndang jaw ya ai hte kaga ni hpe hkoi ya nga ai; shi a kashu kasha ni mung chyeju kumhpa tai nga ma ai.

GA SHAGAWP 22:7

Matsan mayan re ai masha ni gaw sut su ai masha ni a mayam ni rai nga ma ai; gumhpraw hkoi la ai rai yang, nang gaw hkoi ya ai wa a mayam rai nga ndai.

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

TARA JAHPRANG 15:5

“Dai ni ngai nanhte hpe hkang da ai lam magup hpe azin ayang hkan sa nna shi a ga madat mara myit dai rai yang, amyu masha ni hta na langai mi mung matsan mayan hkrum na ra ai n rai.

TARA JAHPRANG 28:44

Shanhte mahtang nanhte hpe hkoi ya na gumhpraw lu na ma ai; rai ti mung, nanhte chyawm gaw shanhte hpe hkoi ya lu na myit dai n rai. Hpang jahtum e, shanhte mahtang nanhte hpe up hkang ai du salang ni tai na mara ai.