TARA JAHPRANG 15:20 - Jinghpaw Common Language Bible 2009

²⁰ Nawku na matu san da ai shara ngu na dai Madu a man e, nang hte na a dinghku masha ni shaning shagu dai ni hpe jawm sha lu na rai myit dai.

Jinghpaw Hanson Version Bible

²⁰ Yehowa lata da ai shara hta, nang hte na a nta masha ni gaw dai hpe shaning shanang na a Karai Kasang Yehowa man e jawm sha lu na rai ndai.

TARA JAHPRANG 15:20 ပူးပေါင်းရင်းမြစ်များ

JAW JAU 7:15

Dai shani e nawng jau ai hkungga ashan sha kau na rai nga ai; dai hpe hpang jahpawt du hkra ngam da mai na n rai.

TARA JAHPRANG 12:11

Dai Madu gaw shi hpe nawku na shara langai hpe sha lata san da na rai wu ai; shing rai dai yang e, ngai hkang da mada hte maren wan nat na matu shagu hkungga ni hte kaga hkungga ni, dai Madu a matu nanhte ga sadi jaw ai laksan kumhpa ni hpe la sa lu na rai myit dai.

TARA JAHPRANG 12:14

Nanhte a amyu bawsang langai ngai a lamu ga ngu na, dai Madu lata san da ai shara langai hta chyu sha nanhte nawng jau lu na rai myit dai. Dai yang e, ngai nanhte hpe hkang da manit dai hte maren wan nat na nanhte a shagu hkungga ni hpe chyu sha nawng jau nna kaga amu ni yawng hpe mung galaw lu na rai myit dai.

TARA JAHPRANG 12:17

Nanhte a nai mam, sabyi ntsin hte tsanlun namman sau re ai ni kaw na htam shi hta na htam mi, nanhte rem ai sagu dumsu ni hta na shawng hkrat ai kasha alat, dai Madu hpe ga sadi jaw ai kumhpa, nanhte jaw mayu ai hkungga ni hte kaga hkungga ni hpe mung nanhte nga ai shara ni hta sha lu na n rai.

TARA JAHPRANG 14:23

Dai Madu nanhte a Karai Kasang shi hpe nawku na matu san da ya ai shara de sa nhtawm nai mam, sabyi ntsin, tsanlun sau hte sagu dumsu ni hta na shawng hkrat ai yam nga alat re ai htam shi hta na htam mi hpe shi a man e sha lu na rai myit dai. Ndai amu hpe galaw ai a majaw dai Madu nanhte a Karai Kasang hpe tut nawng shagrau sha-a nga na lam sharin la mai na rai myit dai.