TARA JAHPRANG 15:2 - Jinghpaw Common Language Bible 2009

² Ndai gaw kaning rai galaw na lam rai nga ai. Israela hpu nau wa hpe gumhpraw hkoi ya ai wa kadai mung dai hka hpe shaprai kau ya na rai nga ai; Dai Madu nan gumhpraw hka shaprai ya na tsun da nu ai majaw hka madu wa gaw dai kap nga ai gumhpraw hka hkan ji la lu na n rai.

Jinghpaw Hanson Version Bible

² Raw dat lam ngu ai gaw ndai rai nga ai: htingbu manang wa hpe arai hkoi ya ai hka madu kadai mung, ahka dai hpe raw dat lu na rai nga ai; Yehowa a raw dat ningdaw rai nga ai majaw htingbu manang kaw na mung, hpunau wa kaw na mung, ji la lu na n rai.

TARA JAHPRANG 15:2 ပူးပေါင်းရင်းမြစ်များ

NEHEMIA 10:31

Maigan masha ni anhte hpe Bansa Nhtoi hte kaga chyoi pra ai shani hta nai mam nsi naisi hte kaga arung arai la sa nna sa dut ya ai rai yang, anhte gaw shanhte kaw na mari la na ga ai n rai. Anhte gaw sanit ning du shagu yi sun n galaw na ga ai, hka kap ai yawng hpe shaprai kau na ga ai.

ESAIA 58:3

Amyu masha ni gaw, “Dai Madu galoi mung n matsing ai mi, anhte hpa majaw lusha gam ang na ga ta? Shi myit n lawm ai mi, anhte hpa majaw lusha n lawm ai sa ang ga ta?,” ngu nna san ma ai. Dai Madu gaw shanhte hpe, “Dai teng man ai gaw dai nanhte lusha gam ai aten hta nan rai nga ai, nanhte gaw nanhte a amyat ni hpe hkan tam nna, nanhte a amu galaw masha ni hpe dip gamyet sha nga myit dai.

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

LUKA 7:42

Dai yan gaw hka wa na n lu ma ai majaw hka madu gaw shan lahkawng hpe shalawt dat wu ai. Shing re ai majaw, dai yan hta kadai wa mahtang shi hpe grau tsaw ra na ma ta?,” ngu wu ai.

TARA JAHPRANG 15:1

“Sanit ning hpring shagu, nanhte hpe wa ra ai ni a gumhpraw hka ni hpe shaprai kau ya na rai myit dai.

TARA JAHPRANG 15:3

Maigan masha wa nanhte hpe jaw ra ai hka hpe chyawm gaw ji la lu na rai myit dai; rai ti mung nanhte a amyu masha ni hta kap ai hka hpe gaw ji la lu na myit dai n rai.

TARA JAHPRANG 31:10

Shi gaw shanhte hpe, “Sanit ning ladu hkrum nna hka shaprai kau ya ai ladaw shagu hta galaw ai Sum Poi hta dai tara laika hpe ja ja hti na rai myit dai.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.