TARA JAHPRANG 15:18 - Jinghpaw Common Language Bible 2009

¹⁸ Na a mayam wa hpe shabawn dat ai rai yang, myit nchyi nmu hkum rai et. Shi gaw na a matu kru ning tup daw jau ya nit dai rai nna nchyang langai a jahpu ka-ang hkup hte maren galaw nu ai. Ndai ga matsun hte maren galaw u, shaloi dai Madu nanhte a Karai Kasang nanhte galaw ai lam magup hte hpe shaman ya na ra ai.

Jinghpaw Hanson Version Bible

¹⁸ Na a mayam shabawn kau na hpe yak dum lu na n rai: kaning rai nme law, kru ning tup na a amu shi galaw nna, nchyang lahkawng a jahpu shayet ya nit dai: na a Karai Kasang Yehowa mung nang galaw ai lam magup hta nang hpe shaman ya na ra ai.

TARA JAHPRANG 15:18 ပူးပေါင်းရင်းမြစ်များ

ESAIA 16:14

Ya chyawm gaw, dai Madu gaw, “Moba a galu kaba ai sut gan gaw masum ning laman hta teng teng hkoi mat na ra ai. Dai mung na masha law law hta na nkau mi sha asak hkrung nga na mara ai, shanhte gaw n-gun kya mat na mara ai,” ngu nna tsun wu ai.

ESAIA 21:16

Dai hpang Madu gaw ngai hpe, “Kedara amyu bawsang ni a galu kaba ai gaw laning mi tup hta htum mat wa na ra ai.

TARA JAHPRANG 15:10

Shi hpe shawang myit kaba hte myit kraw asan sha hte n dut n dang jaw ya mu. Shing rai nanhte galaw ai lam magup hta dai Madu nanhte hpe shaman ya na ra ai.

TARA JAHPRANG 15:17

Dai hpang shi hpe na a nta chyinghka lam de woi la nna dai yang e shi a na shajut waw ya na rai ndai. Shi gaw prat tup na a mayam tai nga na rai nga ai. Bai mayam num jan hpe mung dai hte maren galaw na rai ndai.

TARA JAHPRANG 15:19

“Shawng hkrat ai nanhte a sagu dumsu ala ni hpe dai Madu nanhte a Karai Kasang a matu jahka san tawn da mu. Ndai shawng hkrat ai dumsu ni hpe bungli shangun lu na n rai; sagu mun ni rep lu na n rai.