TARA JAHPRANG 15:16 - Jinghpaw Common Language Bible 2009

¹⁶ “Rai ti mung nanhte a mayam wa mahtang nang hte na a dinghku masha ni hpe tsaw ra nna nga nga na matu myit dik ai rai yang, nga na ahkang jaw na rai ndai.

Jinghpaw Hanson Version Bible

¹⁶ Rai timung, mayam wa mahtang nang hte na a nta masha ni hpe tsawra nna, nga pyaw dum ai majaw, “Ngai nang na n pru mayu nngai,” nga nna tsun a yang gaw;

TARA JAHPRANG 15:16 ပူးပေါင်းရင်းမြစ်များ

SHAKAWN KUNGDAWN 40:6

Nang gaw shagu hkungga ni hte wan nat hkungga ni hpe n sharawng nga ndai; tawn hkungri ntsa e, hkum ting nat nawng ai hkungga ni hte, yubak mara raw dat kau na matu nawng jau ai hkungga ni hpe, nang n hpyi nga ndai. Shing rai nawng jau ya na malai, nang tsun ai lam hpe na la na matu, nang gaw ngai hpe na lashing hpaw ya nit dai,

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

TARA JAHPRANG 15:15

Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.

TARA JAHPRANG 15:17

Dai hpang shi hpe na a nta chyinghka lam de woi la nna dai yang e shi a na shajut waw ya na rai ndai. Shi gaw prat tup na a mayam tai nga na rai nga ai. Bai mayam num jan hpe mung dai hte maren galaw na rai ndai.