TARA JAHPRANG 15:10 - Jinghpaw Common Language Bible 2009

¹⁰ Shi hpe shawang myit kaba hte myit kraw asan sha hte n dut n dang jaw ya mu. Shing rai nanhte galaw ai lam magup hta dai Madu nanhte hpe shaman ya na ra ai.

Jinghpaw Hanson Version Bible

¹⁰ Gaja wa teng teng nang shi hpe jaw lu na rai ndai; jaw n yang mung lahpawt ai myit hte jaw lu na n rai: kaning rai nme law, dai chyeju a majaw na a Karai Kasang Yehowa gaw nang galaw ai lam shagu, na a lata shachyen ai lam magup hta shaman ya na ra ai.

TARA JAHPRANG 15:10 ပူးပေါင်းရင်းမြစ်များ

GA SHAGAWP 22:9

Ndaw nhta jaw ya u; Na a lusha matsan mayan wa hpe garan ya u, shaloi dai amu a majaw shaman ai chyeju nang hkam la na rin dai.

HPAJI NINGLI 11:1

Na a gumhpraw hpe maigan hpaga ga ai amu hta arang bang u, nhtoi langai ngai hta nang amyat lu la na rin dai.

ESAIA 32:8

Rai ti mung shagrau ging ai wa chyawm gaw myit malang ai hku amu galaw nna ding man ai amu a matu ngang ngang tsap nga ai.

ESAIA 58:10

kawsi kyet ai ni hpe nang lusha jaw nhtawm, ra kadawn ai ni hpe nang myit shadik ya ndai rai yang, nang hpe shinggrup da ai nsin gaw shani chyingtung na nhtoi tai na ra ai.

MAHTE 25:40

Dai rai nna Hkawhkam wa gaw, ‘Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,’ ngu nna shanhte hpe htan na mu ai.

KASA 20:35

Lam shagu hta nanhte hpe madun dan sai nye a len ningli hte maren nanhte mung amu galaw shaja nna hkam sha ai hta jaw ya ai mahtang grau a lu nga ai, nga nna Madu Yesu tsun ai ga ni hpe dum nga let, ra kadawn gawng kya nga ai ni hpe anhte karum madi shadaw lu na rai nga ai,” ngu na tsun mu ai.

ROMA 12:8

shadum shahprang n-gun jaw chye ai chyeju kumhpa rai yang gaw shadum shahprang n-gun jaw ga. Masha hpe karan kachyan alu jaw chye ai atsam rai yang gaw n daw n hta jaw u ga, up hkang na ahkang aya chyeju kumhpa lu ai wa gaw shakut shaja let kasang kalang up hkang nga u ga, matsam dum chye ai wa gaw kabu gara ai myit hte galaw u ga.

TARA JAHPRANG 14:19

“Singkaw tu ai shingtai ni yawng mung n san n seng nga ai majaw dai baw hpe sha lu na myit dai n rai.

TARA JAHPRANG 14:29

Dai malu masha gaw sut gan sali wunli n lu ai Lewi masha ni a matu mung, nanhte a mare ni hta nga ai maigan masha ni, jahkrai nmai hte gaida gaina ni a matu rai nga ai. Dai rai nna shanhte hta ra ai made sa la na rai ma ai. Shing rai jang, nanhte galaw ai lam magup hta dai Madu nanhte a Karai Kasang gaw nanhte galaw ai lam magup hpe shaman ya na ra ai.

TARA JAHPRANG 15:18

Na a mayam wa hpe shabawn dat ai rai yang, myit nchyi nmu hkum rai et. Shi gaw na a matu kru ning tup daw jau ya nit dai rai nna nchyang langai a jahpu ka-ang hkup hte maren galaw nu ai. Ndai ga matsun hte maren galaw u, shaloi dai Madu nanhte a Karai Kasang nanhte galaw ai lam magup hte hpe shaman ya na ra ai.

TARA JAHPRANG 15:4

Dai Madu nanhte a Karai Kasang gaw nang hpe jaw ya nga ai mungdan hta shaman ya na ra ai.

TARA JAHPRANG 23:20

Maigan masha wa hpe hkoi ya ai rai yang chyawm gaw shi kaw na amyat hpyi la na rai ndai; rai ti mung Israela hpu nau wa hta na hpyi la lu na n rai. Dai tara hpe madat mara hkan sa nga u. Shaloi nang madu la na mungdan hta dai Madu nanhte a Karai Kasang gaw nanhte galaw ai lam magup hpe shaman ya na ra ai.

TARA JAHPRANG 24:19

“Na a nai mam nsi naisi ni hpe shu la ai shaloi, nang dan da sai hkauling nkau mi n hta la hkrup kau ai rai yang, dai hpe bai hkan hta la lu na n rai; dai gaw maigan masha, jahkrai nmai hte gaida gaina ni a matu ngam da lu na rai ndai; dai Madu na a Karai Kasang mung nang galaw ai lam magup shaman ya na ra ai.

TARA JAHPRANG 28:8

“Dai Madu nanhte a Karai Kasang gaw nanhte galaw ai magam amu hpe shaman chyeju jaw ya nhtawm nanhte a mam dum ni hta nai mam nsi naisi hte hpring nga na ra ai. Shi nanhte hpe jaw ai mung hta nanhte hpe shaman chyeju jaw ya na ra ai.

HEBRE 13:16

Mai kaja ai amu galaw na nanhte shada da karum shingtau hkat na lam hpe hkum malap kau myit, hpa majaw nga yang, shing re ai hkungga ni gaw Karai Kasang hpe sharawng awng shangun nga ai.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.