TARA JAHPRANG 14:8 - Jinghpaw Common Language Bible 2009

⁸ Wa shan hkum sha myit, dai gaw n san n seng ai baw rai nga ai ngu nna myit la lu na rai myit dai; dai gaw lahkru ga ti mung shat lai n lai nga ai. Dai dusat baw a shan hkum sha myit; de a si mang ni hpe pyi hkum sa hkra nga myit.

Jinghpaw Hanson Version Bible

⁸ Wa gaw lahkru ga timung shat lai n lai ai majaw nanhte hta n san n seng rai nga ai: de a shan mung hkum sha myit, si mang mung hkum hkra myit.

TARA JAHPRANG 14:8 ပူးပေါင်းရင်းမြစ်များ

ESAIA 65:4

Shanhte gaw shana e si mat sai masha ni a tsu minla ni hte ga shaga na matu lungpu hku ni hte lupwa ni de sa ma ai. Shanhte gaw wa shan sha nna, tara maigan shagu hkungga nawng jau ai hta na shan shapyaw si mai ntsin ni hpe lu ma ai.

ESAIA 66:17

Dai Madu gaw, “Tara maigan sumla nawku na matu shanhte hkum ni hpe jasan jaseng ai ni, chyoi pra ai sun ni de hkawm sa ai ni, wa shan, yu shan hte kaga matsat shabat re ai malu masha ni hpe lu sha nga ai ni a jahtum aten gaw ni wa ra ai.

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

JAW JAU 11:3

Ga ntsa na ashu ashan ni hta lahkru ga nna shat lai lai ai ni hpe nanhte sha mai nga myit dai;

JAW JAU 5:2

Masha langai ngai gaw htung hte maren n san n seng ai yam nga si mang zawn re ai hpe n dum shami sa hkra kau ai hte shi hpa galaw kau hkrup sai lam hpe shaloi jang shi chye ai rai yang, dai wa gaw n san n seng ai hte mara lu nga ai.

TARA JAHPRANG 14:7

Rai ti mung lahkru n ga, shat lai n lai ai shan amyu hpe chyawm gaw sha mai na myit dai n rai. Dai rai nna gawla-uk, prangtai hte lunghkrung shahpan ni hpe nanhte sha mai na myit dai n rai; dai ni gaw lahkru ga ti mung, shat lai n lai nga ai majaw n san n seng ai baw rai nga ai ngu myit la lu na rai myit dai.

TARA JAHPRANG 14:9

“Singgung hte asep tu ai nga amyu baw hpe nanhte sha mai nga ti mung,

2 PETRU 2:22

“Gwi gaw tinang a nhpat hpe nhtang sha ai,” bai “Wa gaw kashin ya ngut ai hpang hkum pup hta bai galwi nga ai,” nga ai ga shagawp gaw shanhte a matu teng nga ai.