TARA JAHPRANG 14:3 - Jinghpaw Common Language Bible 2009

³ “Dai Madu tsun sai n san n seng ai baw hpe hkum sha myit;

Jinghpaw Hanson Version Bible

³ Matsat ai baw nang sha lu na ndai n rai.

TARA JAHPRANG 14:3 ပူးပေါင်းရင်းမြစ်များ

NINGPAWT NINGHPANG 7:2

Nang hte rau san seng ai dusat yam nga shagu hta na ayi ala sanit nit; n san n seng ai dusat yam nga hta na chyawm gaw gup gup hpe sha nang jashawn na rai ndai.

ESAIA 65:4

Shanhte gaw shana e si mat sai masha ni a tsu minla ni hte ga shaga na matu lungpu hku ni hte lupwa ni de sa ma ai. Shanhte gaw wa shan sha nna, tara maigan shagu hkungga nawng jau ai hta na shan shapyaw si mai ntsin ni hpe lu ma ai.

EZEKELA 4:14

Rai ti mung, ngai gaw, “N rai law, Tsaw Htum ai Madu e, ngai gaw nye hkum nan galoi mung awu asin garai n hkrum yu nngai. Ngai gaw ma prat kaw nna dai ni du hkra shi hkrai si taw nga ai dusat shan hpa hpe rai ti mung, matse labye dusat e kawa sat da ai shan hpe mung, galoi mung n sha yu nngai. Ngai gaw matsat shabat zawn nawn ai lusha hpa hpe rai tim galoi mung n sha yu nngai,” ngu nna bai htan nngai.

JAW JAU 11:2

hkan sa na tara ni Mawshe yan Arun hpe jaw wu ai.

JAW JAU 11:43

Dai zawn re ai ni sha nna tinang hkum hpe n san n seng hkum di nga myit.

JAW JAU 20:25

Dai re ai majaw san seng ai hte n san n seng ai ashu ashan, san seng ai ntsa malen u ni hte n san n seng ai ni hpe chye ginhka lu na rai myit dai. N san n seng ai ashu ashan hte ntsa malen u ni hpe sha lu na myit dai n rai. Dai ni hpe n san n seng ai ngu nna ngai tsun da ni ai majaw dai ni hpe sha ai rai yang, nanhte hpe n san n seng shangun na rai nga ai.

ROMA 14:14

Hpa baw sha hpa rai ti mung, de a npawt nhpang sagawn yu yang, nawku htung lai hku nna awu asin re ai lusha re, ngu nna tsun na lam mi n nga ai ngu ai hpe Madu Yesu hta ngai asak hkrung nga ai majaw hkrak chye lu nngai. Rai ti mung masha langai ngai gaw lusha lama ma hpe awu asin re ai nga nna myit nga yang gaw dai arai gaw shi a matu awu asin rai nga lu ai.

1 KORINHTU 10:28

Rai ti mung, marai langai ngai, “Ndai gaw hpara ni hpe nawng jau ai hkungga shan rai nga ai,” nga nna nanhte hpe tsun dan myit yang gaw, dai wa a matu hte ung ang ai myit a matu tau yu nna dai hpe hkum sha mu.

TITU 1:15

Tinang dai san seng nga sai ni a matu arai yawng mayawng gaw san seng nga ai; rai ti mung tinang dai n san n seng nna, Madu Yesu hpe n kam n sham ai ni a matu chyawm gaw, hpa mung n san n seng nga ai. Hpa majaw nga yang, shanhte a myit mang ai lam hte kraw lawang mahtang n san n seng nga malu ai.