TARA JAHPRANG 14:1 - Jinghpaw Common Language Bible 2009

¹ “Nanhte gaw dai Madu nanhte a Karai Kasang a amyu masha ni rai nga myit dai. Si ai wa a matu sharung shayawt myit yang, kaga masha ni zawn tinang hkum hpe hkum gadoi jahpye nga myit. Nanhte a kahtan kara hpe mung hkum doi kau myit.

Jinghpaw Hanson Version Bible

¹ Nanhte gaw, nanhte a Karai Kasang Yehowa a kashu kasha ni rai nga myit dai; dai rai nna si ai wa a matu tinang hkum hpe gadoi jahpye lu na n rai, na a lahtan kara mung doi lu na n rai.

TARA JAHPRANG 14:1 ပူးပေါင်းရင်းမြစ်များ

NINGPAWT NINGHPANG 6:2

sumsing shadang sha ni ni gaw dai shayi sha ni tsawm htap nga ma ai hpe mu ma ai rai nna, shanhte yu ra nga ma ai hte maren la ma ai.

NINGPAWT NINGHPANG 6:4

Dai prat e mung, dai prat a hpang e mung, dai shinggyim numsha ni hte Karai Kasang a shadang sha ni a aru arat ni gaw ginding aga ntsa e grai galu kaba ai ni rai ma ai. Shanhte gaw moi prat kaw nna magrau grang ai share ninghkrin ni hte kajai gumhkawng ai masha ni rai ma ai.

1 HKAWHKAM 18:28

Dai rai nna myihtoi ni gaw aja awa jahtau nna shanhte htung nga ai hte maren, tinang hkum hta asai lwi pru wa hkra nhtu nhkyi ni hte gadoi jahpye kau ma ai.

ESAIA 63:16

Nang gaw anhte a kawa rai nga ndai. Anhte a kaji kawa ni rai nga ai Abraham hte Yaku yan gaw anhte hpe n chye mi ai, rai ti mung Madu nang gaw anhte a kawa rai nga ndai, anhte hpe tut nawng hkye mawai la ai wa mung rai nga ndai.

YEREMIA 16:6

Sut su ai ni hte matsan mayan masha ni ndai mungdan hta si na mara ai, rai ti mung, kadai mung shanhte hpe lup makoi na mara ai n rai, shanhte a matu sharung shayawt na ma ai n rai. Kadai mung tinang hkum hpe jahpye lu na n rai, yawn hkyen ai kumla madun na matu shi a baw hpe shangun lu na n rai.

YEREMIA 3:19

Dai Madu gaw, “Israela e, ngai gaw nang hpe nye a kasha zawn hkap la mayu nngai ngai gaw nang hpe mungkan ting hta awng sharawng mai ai hte grau nna tsawm htum ai mungdan hpe jaw nngai. Ngai gaw nang hpe ngai hpe wa ngu shaga shangun mayu ai hte ngai kaw na galoi mung bai n kayin mat wa shangun mayu nngai.

YEREMIA 31:9

Nye a amyu masha ni gaw hkrap ai hte nhtang wa na mara ai; akyu hpyi ai ni hpe ngai bai woi wa na nngai. Ngai gaw hka kau lam hku ahtu kataw shara n nga hkra tsawm htap manu ai lam hte shanhte hpe woi lakawn wa na nngai. Ngai gaw Israela a kawa rai nga nngai; Ehprim gaw nye a kasha alat rai nga ai,” ngu nna tsun ai.

YEREMIA 41:5

Shehkem, Shilo hte Samari mare kaw na marai matsat shi du sa ma ai. Shanhte gaw shanhte a nhka mun ni hpe shangun kau nhtawm shanhte a bu hpun palawng ni hpe gang je kau let, shanhte a hkum ni hpe kahtam jahpye kau ma ai. Shanhte gaw Nawku Htingnu kata hta nawng jau na matu lusha hkungga hte manam pyaw ai baw lang sa wa ma ai.

YEREMIA 47:5

Yawn hkyen kaba gaw Gaza mare masha ni hpang de du nga sai, Ashkelon a mare masha ni atsin sha nga nga ma ai. Ngam nga ai Hpilisti masha ni galoi aten du hkra yawn madai nga na mu ni?

HOSEA 1:10

Israela amyu masha ni mung n dang hti, n dang shadawn lu hkra re ai panglai zaibru zawn tai wa na mara ai. Ya chyawm gaw Karai Kasang shanhte hpe, “Nanhte gaw nye a amyu masha ni n rai nga myit dai,” ngu nna tsun ai. Rai ti mung, dai nhtoi du du wa ai shaloi shi gaw shanhte hpe, “Nanhte gaw ahkrung nga ai Karai Kasang a kashu kasha ni rai nga myit dai!,” ngu nna tsun na ra ai.

JAW JAU 21:5

“Hkinjawng kadai mung tinang a baw shangun lu na n rai; tinang a nhka mun ahkut shara lu na n rai. Tinang a sharung shayawt lam madun dan na matu tinang hkum hpe gadoi jahpye lu na wu ai n rai.

YAWHAN 1:12

Rai ti mung nkau mi shi hpe hkap la kam sham ma ai rai nna, shi gaw shanhte hpe Karai Kasang a kasha ni tai lu ai ahkang jaw mu ai.

YAWHAN 11:52

Shing rai si hkam ai lam gaw dai amyu a matu sha n rai, shara shagu hkan bra nga ai Karai Kasang a amyu masha ni hpe langai sha di nna, shinggyin jahpawng da na matu si hkam lu na re ai, ngu nna mung myihtoi ga hte tsun ai, rai nga ai.

ROMA 8:16

Anhte Karai Kasang a kashu kasha ni rai nga ga ai lam Karai Kasang a Wenyi nan anhte a Wenyi hte rau sakse hkam tsun shana shabra ya mi ai.

ROMA 9:26

Bai ‘Nanhte nye a amyu masha ni n rai nga myit dai,’ nga nna shanhte tsun kau hkrum ai shara dai yang e pyi, hkrung nga ai Karai Kasang a kasha ni ngu na marin dai,” nga ai.

ROMA 9:4

Shanhte gaw Karai Kasang e lata la ai amyu rai nga ma ai; Karai Kasang gaw shanhte hpe kasha yin la nna, shi a hpung shingkang shadan dan mu ai hte shanhte hte ga shaka tawn da nna jep ai Tara jaw mu ai. Shanhte gaw teng man ai nawku daw jau ai lam hte Karai Kasang a ndat ga ni hpe mung hkam la lu ma ai.

ROMA 9:8

Ndai gaw lachyum ndai hku rai nga ai. Shawoi na hku shinggyim hkum shan e shangai ai kashu kasha ni gaw Karai Kasang a kashu kasha ni majing n rai ma ai! Karai Kasang a ga ndat tawn da ai hte maren shangai wa ai kashu kasha ni chyu sha matu mara majing ni re ngu nawn da mu ai.

2 KORINHTU 6:18

Nanhte a Kawa ngai tai na nngai, rai nna nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun atsam rawng ai Madu gaw atsun nga ai.”

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

TARA JAHPRANG 32:6

Angawk angak hte myit n su ai amyu masha ni e, nanhte gaw dai Madu hpe dai zawn galaw ai gaw lam jaw nga a ni? Shi gaw nanhte a kawa, nanhte hpe hpan da ai wa rai nga ai, shi gaw nanhte hpe amyu baw shatai nu ai.

1 HTESALONI 4:13

Anhte a hpu nau ni e, myit mada shara n nga ai kaga masha ni zawn nanhte yawn hkyen n hkrum myit ga, anhte gaw si mat ai ni hte seng nna dai teng man ai lam nanhte hpe chye shangun mayu ga ai.

HEBRE 2:10

Yawng mayawng hpe hpan da nna bau sin yu lanu lahku nga ai Karai Kasang gaw, kasha ni law law hpe hpung shingkang hkam la shangun lu na matu nni nkri hkam ai hku nna Yesu hpe jahkum shatsup ya wu ai. Ning rai Karai Kasang galaw ai lam gaw mai ang ai lam sha rai nga ai, hpa majaw nga yang, shanhte hkye hkrang la hkrum na matu woi wa ai wa gaw Yesu nan rai nga ai.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.

1 YAWHAN 5:2

Anhte gaw Karai Kasang hpe tsaw ra nna, shi a hkang da ai ga ni hpe hkan galaw ga yang gaw, Karai Kasang a kashu kasha ni hpe mung tsaw ra nga ga ai lam anhte chye ga ai.