TARA JAHPRANG 13:5 - Jinghpaw Common Language Bible 2009

⁵ Rai ti mung, nanhte mayam tai nga ai Egutu mung kaw na hkrang shaw la ai dai Madu hpe gumlau na hku tsun ai myihtoi shing n rai yup mang hkai chye ai wa kadai mung sat kau ai hkrum na rai wu ai. Dai zawn re ai wa gaw n hkru n shawp nga ai rai nna dai Madu nanhte hpe hkang da nu ai hte maren hkrung nga ai asak hkrung lam kaw na nanhte hpe lam woi shadam shakut nga ai. Ndai n hkru n shawp ai amu kaw na seng kau na matu shanhte si lu na rai ma ai.

Jinghpaw Hanson Version Bible

⁵ Nanhte gaw nanhte a Karai Kasang Yehowa a hpang hkan nang nna, shi hpe hkrit hkungga ai hte shi a hkang da ai ga hkan shatsup let, shi a nsen madat mara nga na rai myit dai; nanhte shi hpe chyu sha jaw jau nna shi hta manoi nga na rai myit dai.

TARA JAHPRANG 13:5 ပူးပေါင်းရင်းမြစ်များ

1 HKAWHKAM 13:19

Dai rai nna Yuda mung na myihtoi wa gaw myihtoi dingla wa hte rau nta de wa nhtawm shi hte rau lu rau sha rai nga ai.

1 HKAWHKAM 18:40

Elia gaw, “Bala myihtoi ni hpe rim la mu; shanhte hta na langai mi hpe mung hkum shalawt kau mu!,” ngu nna hkang dat wu ai. Amyu masha ni mung shanhte yawng hpe rim la nna Kishon hka de shanhte hpe woi sa nhtawm sat kau mu ai.

2 HKAWHKAM LABAU 34:31

Shi gaw hkawhkam shadaw makau e tsap nga let shi a myit masin, wenyi mahkra hte shi a ga hpe madat mara nna tara hte hkang da ai ga ni yawng hpe shadik shatup let, laika hta ka da sai ga shaka hte maren hkan galaw lu hkra nga, dai Madu hte ga shaka shagrin da nu ai.

YEREMIA 14:15

Dai Madu ngai gaw ndai mungdan hta majan hte kawsi hpang gara hpa mung hkrum hkra na ra ai n rai nga nna, ngai n shangun ti mung nye a amying gang let tsun ai ndai myihtoi ni hpe ngai galaw sa wa na amu, dai Madu ngai nan nang hpe tsun dan na nngai- Ngai gaw shanhte hpe majan hte kawsi hpang gara hkrum shangun ai hte sat kau na nngai.

YEREMIA 50:6

“Nye a amyu masha ni gaw sagu rem ai ni shanhte a sagu ni hpe bum ga hkan dat shadam kau ai ni zawn rai nga masai. Sagu ni gaw shanhte a sagu lawng ni hpe malap kau nna bum shara mi kaw nna shara mi de kahkrang nga ma ai zawn, shanhte mung kahkrang jawt hkawm nga masai.

YEREMIA 7:23

Rai ti mung, nye a ga madat na matu shanhte hpe ngai hkang da ni ai, ngai gaw shanhte a Karai Kasang tai nna, shanhte gaw nye a amyu masha ni tai na mara ai. Ngai shanhte hpe hkang da sai asak hkrun lam hta hkawm sa na lam ngai tsun ni ai, shaloi, shanhte gaw lam shagu hta ngamu ngamai wa na mara ai.

ZEHKARIA 13:3

Dai hpang, marai langai ngai myihtoi htoi nga ai shaloi, dai Madu a aga hte tsun nga ti mung masu magaw ga tsun nga nu ai majaw, shi si lu na lam shi a kanu yan kawa nan shi hpe tsun dan na rai ma ai. Kaja wa shi myihtoi htoi jang, shi a kanu yan kawa nan shi hpe galun sat kau na rai nu ai.

KASA 13:8

Rai ti mung (Grik ga hku Eluma) mying ai Lakle sara wa gaw munggyi wa Hkristan makam masham hpe n kam n sham n hkap la hkra Pawlu yan Barnaba hpe ninghkap shingdang ma ai.

1 KORINHTU 5:13

Rai ti mung nanhte gaw hpung dinghku kata na ni hpe jeyang ang myit dai n rai ni? Chyum Laika hta ka da nga ai hte maren, “Nanhte a kata na n hkru n hkra ai wa hpe nanhte kaw na shaden kau mu.”

TARA JAHPRANG 13:10

Shi gaw nanhte mayam tai nga ai Egutu mung kaw na hkrang shaw la ai dai Madu nanhte a Karai Kasang kaw na lam woi shadam na hku shakut nga ai majaw shi hpe nlung hte kabai sat kau mu.

TARA JAHPRANG 13:15

dai hpang dai mare hta nga ai mare masha ni yawng hpe mung, shanhte a yam nga hpung ni hpe mung sat kau na rai myit dai. Dai mare hpe tsep kawp jahten kau na rai myit dai.

TARA JAHPRANG 13:9

Shi hpe sat kau u! Nang shawng shi hpe nlung hte kabai u; dai hpang kaga gale ni mung kabai mu ga.

TARA JAHPRANG 17:5

dai wa hpe mare shinggan de woi shapraw la nna nlung hte si hkra kabai sat kau na rai myit dai.

TARA JAHPRANG 17:7

Sakse hkam ai ni mahtang shawng kabai nna dai hpang ngam ai amyu masha ni dai wa hpe kabai nang na rai ma ai. Ndai hku nna dai n shawp n kap ai amu hpe nanhte yeng seng kau lu na rai myit dai.

TARA JAHPRANG 18:20

Rai ti mung ngai n hkang da ai hku nye a mying ningsang gang let mungga tsun gwi ai myihtoi kadai mung, hpara shaje ni a mying gang nna tsun ai myihtoi kadai mung, shing re ai lam a majaw shi si lu na rai nga ai,’ ngu nna tsun wu ai.

TARA JAHPRANG 19:19

mara shagun ai wa mahtang ari jaw ai hkrum na rai wu ai. Ndai hku nna n hkru n shawp ai dai amu hpe nanhte yawng seng kau na rai myit dai.

TARA JAHPRANG 22:21

numsha dai hpe kawa a nta chyinghka de woi wa nna dai mare na lasha nlang shi hpe nlung hte kabai sat kau na rai ma ai. Shi gaw num garai n wa ai sha, kawa a nta e naw nga ai aten kaw nna anhte a amyu masha ni hte kanawn let, kaya kahpa amu galaw shapraw nu ai. Ndai hku nna dai n shawp n kap ai amu hpe nanhte yeng seng kau lu na rai myit dai.

TARA JAHPRANG 22:24

shan lahkawng hpe mare chyinghka de woi shapraw la nna nlung hte kabai sat kau na rai ma ai. Dai num jan mung mare kata e nga ai shaloi karum hpyi yang na lu ai shara kaw na n jahtau kau wu ai majaw si lu na rai wu ai. Lasha mung mahtan da ai numsha hte shut hpyit kau nu ai majaw si lu na rai wu ai. Ndai hku nna dai n shawp n kap ai amu hpe nanhte yeng seng kau na rai myit dai.

TARA JAHPRANG 24:7

“Israela hpu nau langai ngai hpe rim makoi da nna, shi a mayam shatai la ai, shing n rai mayam hku dut sha kau dat ai wa kadai mung sat kau ai hkrum na rai wu ai. Ndai hku nna dai n shawp n kap ai amu hpe nanhte yeng seng kau na rai myit dai.

TARA JAHPRANG 26:14

Sharung shayawt ai hkrum yang, dai hta tawn jaw ai lusha hpe ngai sha we ai n rai; ngai hta htung hte maren n san n seng nga yang, nye a nta na arai hpa hpe mung ngai la shapraw we ai n rai; si sai masha a tsu hpe hkungga ngai nawng ya we ai n rai. O Madu e, ngai gaw na a ga madat ni ai; htam shi hta na htam mi hte seng ai nang hkang da mada ngai galaw ni ai.

TARA JAHPRANG 4:19

Nanhte mu lu ai lamu na ajan, shata hte shagan ni hpe nawku daw jau ai agung alau mung n hkrum nga myit ga; dai gaw kaga masha yawng a matu dai Madu nanhte a Karai Kasang san da ya ai ni rai nga ai.

TARA JAHPRANG 6:13

Dai Madu nanhte a Karai Kasang hpe shagrau sha-a nna shi hpe chyu sha nawku nhtawm shi a mying ningsang hta sha nanhte a ga sadi ni hpe tawn da lu na rai myit dai.

TARA JAHPRANG 7:4

hpa majaw nga yang, dai Madu kaw na yit mat wa nhtawm kaga hpara shaje ni hpe nawku shangun na nga, nanhte a ma ni hpe shanhte lam shayit kau na mara ai. Dai hku byin wa ai rai yang, dai Madu nanhte hpe masin pawt nna akajawng sha shamyit kau na ra ai.

YAWSHU 23:8

Shing rai galaw na malai, ya du hkra nanhte hkan nga myit dai hte maren, dai Madu hta kam sham nga mu.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

TARA AGYI 20:13

Ndai zawn n hkru n shawp ai amu Israela hta na tsan kau na matu dai ni hpe anhte sat kau na ga ai majaw, Gibea mare hta dai zawn ngang gayut ai masha ni hpe ya jang anhte a lata de ap ya mi,” ngu nna tsun ma ai. Rai ti mung Benyamin masha ni chyawm gaw kaga Israela masha ni tsun ai ga hpe hpa zawn n nawn ya ma ai.

1 SAMUELA 12:14

Nanhte mung nanhte a hkawhkam mung shi a hpang hkan nhtawm dai Madu nanhte a Karai Kasang hpe daw jau let, shi a ga madat nhtawm shi a hkang da ai ga ni hpe madat mara hkan sa nna shi hpe shagrau sha-a myit dai rai yang, nanhte gaw lam shagu hta ngamu ngamai wa na rai myit dai.