TARA JAHPRANG 13:16 - Jinghpaw Common Language Bible 2009

¹⁶ Dai mare e nga ai masha ni a sut rai yawng mayawng hpe magawn la nhtawm mare lam ka-ang hta sumpum da na rai myit dai. Dai hpang dai Madu nanhte a Karai Kasang hpe hkungga nawng ya ai zawn mare hte hpawn sut rai nlang hte hpe nat kau na rai myit dai. Dai mare gaw prat dingsa hten run mat nna galoi mung bai de lu na n rai.

Jinghpaw Hanson Version Bible

¹⁶ dai mare na masha ni hpe nhtu hte teng teng sat kau na rai myit dai; dai mare hpe dai hta rawng marawng hte hpawn yamnga nlang hpe nang atsai awai hpya kau na rai ndai.

TARA JAHPRANG 13:16 ပူးပေါင်းရင်းမြစ်များ

PRU MAT 22:19

“Yamnga hte kanawn ai wa kadai mung sat kau ai hkrum na rai wu ai.

ESAIA 17:1

Dai Madu gaw, “Damasku gaw mare langai hku grin nga lu na ra ai n rai; dai gaw marawng marang ai sumpum sha tai mat na ra ai.

ESAIA 25:2

Nang gaw mare ni hpe jahten sharun kau nit dai, shanhte a ngang ai hpyen dap ni hpe jahten kau nga ndai. anhte a gumlau hpyen ni gap da ai hkawhkam htingnu ni htani htana hkoi mat masai.

YEREMIA 49:2

Rai ti mung, dai Raba mare daju na mare masha ni hpe majan gasat ai nsen ngai na shangun ai aten du wa na ra ai; dai mare gaw hten run taw mat nhtawm de a kahtawng ningchyawng ni hkru sumpum taw nga na mara ai. Dai shaloi Israela masha ni gaw shanhte a lata kaw na tat kau dat ai dai mungdan hpe bai madu la lu na mara ai.

EZEKELA 26:14

Nga hkan ai ni shanhte a sumgawn ni lam jahkraw la ai dai krin ai lungrawk shara hpe chyu sha ngam tawn da na nngai. Dai mare hpe galoi mung bai de da lu na n rai. Tsaw Htum ai dai Madu ngai nan tsun ni ai,” ngu nna tsun wu ai.

MIHKA 1:6

Dai rai nna dai Madu gaw, “Samari mare hpe asan sha jahten sharun sumpum tawn nna sabyi sun galaw ai shara shatai kau na nngai. Dai mare a nlung wut daw chyen ni hpe kadit de sharu kau nhtawm mare a npawt nhpang nlung ni hpe akrin sha shadawng da na nngai.

TARA JAHPRANG 7:25

Shanhte a hpara sumla ni hpe nat kau ya mu; dai ni hta kap ai ja, gumhpraw ni hpe la mayu ai myit hkum rawng myit; dai ni hpe nanhte a matu ngu nna hkum hta la myit. Dai hku nanhte galaw hkrup myit dai rai yang chyawm gaw dai Madu nan hpara sumla naw ai lai hpe n dawng nga ai majaw si ging ai ari hkrum sha na rai myit dai.

TARA JAHPRANG 7:26

Nanhte a dum nta nhku daw dap kata de dai zawn re ai hpara sumla ni hpe hkum la shang wa myit; shing rai yang, arai dai zawn nanhte dagam dala hkrum na marin dai. Dai arai ni chyawm gaw dai Madu e dagam kau ai ni rai nga ai majaw, nanhte dai hpara sumla ni hpe n ju n dawng ai hte matsat kau lu na rai myit dai.

YAWSHU 6:21

Dai mare kata na numsha lasha kaji kaba, sagu dumsu hte lawze nga manga mahkra hpe shanhte a nhtu hte sat kau ma ai.

YAWSHU 6:24

Dai hpang, aja, gumhpraw, magri mang hte hpri ni hte galaw ai arai ni hpe dai Madu a sut dek hta bang da ai hta jan nna dai mare hte dai hta rawng marawng yawng hpe wan n-wu tai mat hkra nat kau ma ai.

YAWSHU 6:26

Dai aten hta sadi jaw ai dagam ga Yawshu tsun shapraw dat wu ai: “Yerihko mare hpe bai gaw gap na matu shakut ai wa kadai mung dai Madu a man e dagam dala hkrum nga u ga. Npawt nhpang gaw ai wa kadai mung shi a shadang sha alat mat mat na ra ai; Mare chyinghka gaw ai wa kadai mung shi a kasha hpungdim mat mat na ra ai.”

YAWSHU 8:28

Yawshu gaw Ai mare hpe nat kau wu ai rai nna dai ni du hkra dai mare hten run taw nga ai.