TARA JAHPRANG 13:13 - Jinghpaw Common Language Bible 2009

¹³ lachyum n pru ai masha amyu nkau mi mahtang shawng de nanhte kalang mi mung n nawku yu ai karai ni hpe nawku ga nga, shanhte a mare masha ni hpe lam woi shadam kau ai shiga na lu na rai myit dai.

Jinghpaw Hanson Version Bible

¹³ Nanhte hta na n shawp ai masha nkau mi rawt pru nna, “Sa, nanhte n chye ai Hpara shaje nawku saga,” nga nna, shanhte hte rau nga ai mare masha ni hpe woi awn ai lam,

TARA JAHPRANG 13:13 ပူးပေါင်းရင်းမြစ်များ

2 SAMUELA 16:7

Shime gaw shi hpe matsa nhtawm, “Masha sat ai wa e! Ru hka amu galaw shapraw ai wa e! Pru mat wa u! Pru mat wa u!

2 SAMUELA 20:1

Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

2 SAMUELA 23:6

Rai ti mung n kam n sham ai masha ni gaw kabai kau ai ju hpun ni hte bung nga ai rai nna, kadai e mung lata kaman hte dai ni hpe hkra lu ai n rai.

1 HKAWHKAM 21:10

Karai Kasang hpe mung, hkawhkam wa hpe mung matsa kau nga ndai ngu, shi a man e mara shagun na masha gumbyak lahkawng hpe tawn da mu. Dai hpang mare shinggan de woi shapraw mat wa nhtawm nlung hte kabai sat kau na rai myit dai.”

1 HKAWHKAM 21:13

Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.

2 HKAWHKAM 17:21

Dai Madu gaw Israela hpe Yuda kaw nna jahka kau dat ai hpang, Israela masha ni mahtang Nebat a kasha Yeroboam hpe shanhte a hkawhkam shatai da ma ai. Yeroboam gaw shanhte hpe dai Madu hpe kau da shangun nhtawm hkrit hpa yubak lam de lam woi shadam kau wu ai.

2 HKAWHKAM LABAU 13:7

Dai hpang shi gaw akyu n rawng ai masha gumbyak hpung mi hpe shinggyin mahkawng la wu ai rai nna shanhte hpe hkap daw na matu asak nau naw kaji nna mahkrum madup hpa mung garai n nga ai Shawlumon a kasha Rehoboam hpe shanhte myit ra ai hku di kau manu ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

2 KORINHTU 6:15

Hkristu hte Satan kaning rai myit mang hkrum lu ma ta? Kam sham ai wa langai mi gaw n kam n sham ai wa langai mi hte kaning rai shabung nna nga lu na rai ta?

TARA JAHPRANG 13:12

“Dai Madu nanhte a Karai Kasang gaw nanhte hpe jaw ai mare ni hta shanu nga myit dai shaloi,

TARA JAHPRANG 13:14

Nanhte gaw dai zawn re ai ashin na dam yang, dai hpe atsawm sha sawk sagawn mu; dai lam teng ai rai yang dai n hkru ai amu byin nga sai,

TARA JAHPRANG 13:6

“Na a kahpu kanau shayi shadang sha hte tsaw ra ai madu jan, nang hte ni htum ai manang wa du hkra pyi, nanhte hte nanhte a nji nwa ni galoi mung n nawku yu ai karai ni ngu ai kaga karai shaje ni hpe nawku wa lu hkra nga, nanhte hpe lagyim n-gun jaw mai nga ai.

TARA JAHPRANG 17:4

dai zawn re ai ashi shana ai hpe nanhte na ai shaloi dai hpe atsawm sha san jep yu nhtawm Israela amyu hta n hkru ai amu byin hkrum hkra ai lam teng nga sai rai yang,

TARA JAHPRANG 4:19

Nanhte mu lu ai lamu na ajan, shata hte shagan ni hpe nawku daw jau ai agung alau mung n hkrum nga myit ga; dai gaw kaga masha yawng a matu dai Madu nanhte a Karai Kasang san da ya ai ni rai nga ai.

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.

YUDA 1:19

Ndai masha ni gaw hpung kata hta hka bra wa ai lam hpe shabyin ai ni, tinang a hkum shan ra marin ai lam ni hta hkan sa ai lam ni, Wenyi n lu la ai ni rai ma ai.

TARA AGYI 19:22

Shanhte gaw apyaw sha nga nga ma yang, dai mare na n hkru n hkra ngang gayut ai masha nkau mi gaw dai hpe sa wang nhtawm nta chyinghka ni hpe sa adup hpang ma ai. Shanhte gaw dai dingla wa hpe, “Nang hte rau nta de shang wa sai masha wa hpe shapraw ya mi! Anhte shi hte nga sha mayu ga ai!,” ngu nna tsun ma ai.

TARA AGYI 20:13

Ndai zawn n hkru n shawp ai amu Israela hta na tsan kau na matu dai ni hpe anhte sat kau na ga ai majaw, Gibea mare hta dai zawn ngang gayut ai masha ni hpe ya jang anhte a lata de ap ya mi,” ngu nna tsun ma ai. Rai ti mung Benyamin masha ni chyawm gaw kaga Israela masha ni tsun ai ga hpe hpa zawn n nawn ya ma ai.

1 SAMUELA 10:27

Rai ti mung, masha gumbyak nkau mi mahtang, “Ndai masha wa sha mi anhte hpe kaning rai mai kaja lam galaw ya lu na rai nga a ta?,” ngu nna tsun ma ai. Shanhte gaw shi hpe n kaw n law di mu ai hte kumhpa hpa mung n sa sak jaw ma ai.

1 SAMUELA 2:12

Eli a shadang sha yan gaw n shawp n kap nga ma ai rai nna, dai Madu hpe mung,

1 SAMUELA 25:17

Chyeju hte ndai lam hpe myit yu nna kaning rai galaw na lam daw dan hparan ya mi. Ndai amu gaw anhte a madu hte shi a dinghku masha ni yawng a matu tsin-yam tsindam shapraw ya lu nga ai. Shi mahtang grai n hkru ai wa rai nna kadai tsun ai ga hpe mung n kaw madat ya nga ai!,” ngu nna tsun wu ai.

1 SAMUELA 25:25

Chyeju hte Nabala hpe hpa mung hkum sawn la ya e; shi gaw hpa n hkaw ai wa rai nga ai! Shi gaw shi a mying hte shabung nna angawk ai wa she rai nga ai! Madu e, na a shangun ma ni du ai aten hta ngai dai yang e n nga nga nngai.