TARA JAHPRANG 12:7 - Jinghpaw Common Language Bible 2009

⁷ Dai yang e, dai Madu nanhte a Karai Kasang a hpung shingkang hte nanhte hpe shaman ya manit dai majaw nanhte galaw ai mai kaja lam ni hta nanhte hte nanhte a dinghku masha ni lu sha nna kabu gara nga na rai myit dai.

Jinghpaw Hanson Version Bible

⁷ dai yang e mung nanhte a Karai Kasang Yehowa man e nanhte lu sha nga nna, nanhte a galaw ai lam magup hta nanhte a Karai Kasang Yehowa shaman ya myit dai majaw, nang hkum hte na a nta masha ni nlang kabu gara nga na rai myit dai.

TARA JAHPRANG 12:7 ပူးပေါင်းရင်းမြစ်များ

1 HKAWHKAM LABAU 29:22

Dai rai nna shanhte gaw dai shani Madu a man e lu lu sha sha rai kabu gara nga ma ai. Lahkawng lang ngu na hta, shanhte gaw Shawlumon hpe hkawhkam shatai na tsun ndau nga ma ai. Shing rai dai Madu a mying ningsang hta mung du tai na matu shi hpe namman jaw ya nhtawm Zadok hpe mung hkinjawng aya dang ya ma ai.

NEHEMIA 8:9

Ya amyu masha ni Tara laika ga hpa rai nga ai lam na jang, shanhte grau sit sa nna hkrap ngu hkrap ngoi hpang wa ma ai. Dai rai nna munggyi Nehemia, hkinjawng Ezra ngu ai tara sara ninghkrin hte amyu masha ni yawng hpe Tara a lam tsun shaleng dan ai Lewi masha ni gaw, “Dai ni na nhtoi gaw dai Madu nanhte a Karai Kasang a matu chyoi pra nga ai shani rai nga ai, dai rai nna nanhte gaw yawn hkyen ai hte hkrap ngu hkrap ngoi na myit dai n rai.

HPAJI NINGLI 3:12

Dai rai nna, anhte galaw lu ai yawng mayawng gaw kabu gara nga na hte anhte asak naw hkrung nga yang anhte dang lu ai kaja htum ai amu galaw lu na lam rai nga ai, ngu ngai dum chye nngai.

HPAJI NINGLI 3:13

Anhte yawng gaw anhte galaw da sai amu a majaw kabu gara ai hte lu lu sha sha rai ang nga ga ai. Dai gaw Karai Kasang a chyeju kumhpa rai nga ai.

HPAJI NINGLI 5:18

Yu u, Karai Kasang shi hpe jaw da sai aprat kadun mi laman, shi galaw da sai amu hta, lu let, sha let, kabu gara rai ngamu ngamai hkra galaw lu ai wa kadai mung mai kaja htum ai lam rai nga ai hpe ngai mu tam da se ai. Dai gaw masha a gam maka rai nga ai.

ESAIA 23:18

Shi hpaga ga nna lu tam ai gumhpraw hpe dai Madu hpang de ap nawng ya na ra ai. Shi gaw dai gumhpraw ni hpe n kyem da na nu ai, rai ti mung dai Madu hpe nawku daw jau ai ni gaw shanhte hta ra kadawn nga ai malu masha hte bu hpun palawng ni mari la na matu, shi a gumhpraw jai lang wa na ra ai.

ESAIA 62:9

Rai ti mung nang hkai nna shu la ai nsi naisi a majaw Muk sha lu nna, dai Madu hpe shakawn kungdawn na rai ndai. Nang yu lajang nna shinggyin da sai sabyi si ni a majaw Nye a Nawku Htingnu wang kata hta sabyi ntsin lu lu na ra ai.”

EZEKELA 44:3

Hpa mi rai tim, up hkang du wa gaw nye a man e chyoi pra ai lusha sha na matu dai shara de sa wa lu na ra ai. Shi gaw kata jahtum e nga ai gawk kaba hku lai di ai chyinghka lam hku shang nna dai hku bai pru na ra ai,” ngu nna tsun ai.

YOELA 1:16

Anhte a nsi naisi ni hten za mat sai majaw, karum la lam n nga sai ngu anhte mada yu ga ai. Anhte a Karai Kasang a Nawku Htingnu hta kabu gara ai lam n nga sai.

YOELA 2:26

Ya chyawm gaw, nanhte sha na lusha law law lu nna, hkru hkru kat kat sha lu na rai manit dai. Nanhte a matu mauhpa amu galaw ya sai dai Madu nanhte a Karai Kasang hpe shakawn kungdawn mu. Nye a amyu masha ni gaw galoi mung n kaw n law bai di hkrum na masai n rai.

JAW JAU 23:40

Dai shani e, nanhte a hpun hta na kaja htum ai namsi nkau mi hpe mung, namhtan hpun lakung ni, alap kap ai hpun lakung ni hpe la nhtawm dai Madu nanhte a Karai Kasang hpe shagrau sha-a na nawku htung hte seng ai poi hpe galaw hpang na rai myit dai.

MALAHKI 2:13

Ndai gaw nanhte galaw ai kaga amu rai nga ai. Nanhte gaw dai Madu a tawn hkungri hpe myi prwi, hkrap ngu hkrap ngoi hte madai nna ka-up da myit dai, hpa majaw nga yang nanhte shi hpang de la sa ai shagu hkungga ni hpe loi mi mung hkap la ai n rai.

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

TARA JAHPRANG 12:12

Dai yang e, nanhte a kashu kasha ni hte mung, nanhte a shangun ma ni hte mung, lamu ga sali n lu ai majaw nanhte a mare ni hta hkan nga ai Lewi masha ni hte mung, shi a man e rau sha kabu gara lu na rai myit dai. Lewi masha ni lamu ga madu lu na n rai nga ai hpe dum mu.

TARA JAHPRANG 12:18

Nanhte hte nanhte a kashu kasha ni mung, nanhte a shangun ma ni hte mung, nanhte a mare ni hta hkan nga ai Lewi masha ni hte mung, dai Madu nanhte a Karai Kasang lata san da ai nawku shara hta dai Madu nanhte a Karai Kasang a man e chyu sha dai hkungga ni hte rau sha lu na rai myit dai; shing rai nanhte galaw ai lam magup hta nanhte kabu gara lu na rai myit dai.

TARA JAHPRANG 12:8

“Dai aten du jang, nanhte galaw yu manit dai zawn galaw lu na myit dai n rai. Nanhte gaw ya du hkra pyi nanhte ra sharawng ai hku nawku nga myit dai.

TARA JAHPRANG 14:23

Dai Madu nanhte a Karai Kasang shi hpe nawku na matu san da ya ai shara de sa nhtawm nai mam, sabyi ntsin, tsanlun sau hte sagu dumsu ni hta na shawng hkrat ai yam nga alat re ai htam shi hta na htam mi hpe shi a man e sha lu na rai myit dai. Ndai amu hpe galaw ai a majaw dai Madu nanhte a Karai Kasang hpe tut nawng shagrau sha-a nga na lam sharin la mai na rai myit dai.

TARA JAHPRANG 14:26

Dumsu shan, sagu shan, sabyi ntsin hte chyaru re ai ra mara arai ni hpe mari la nhtawm dai Madu nanhte a Karai Kasang a man e nanhte hte nanhte a dinghku masha ni hte rau lu rau sha let kabu gara nga na rai myit dai.

TARA JAHPRANG 15:20

Nawku na matu san da ai shara ngu na dai Madu a man e, nang hte na a dinghku masha ni shaning shagu dai ni hpe jawm sha lu na rai myit dai.

TARA JAHPRANG 26:11

Dai Madu nanhte a Karai Kasang nanhte hpe jaw ya ai mai kaja ai amu a majaw, na a dinghku masha ni hte mung, shing re ai poi hta shang lawm ai nang hta shanu nga ai Lewi masha ni hte maigan masha ni rau chyeju jawm shakawn lu na rai myit dai.

TARA JAHPRANG 27:7

Nanhte gaw dai yang e mahku hkungga ni nawng jau nhtawm lu sha let, dai Madu nanhte a Karai Kasang a man e chyeju shakawn lu na rai myit dai.

TARA JAHPRANG 28:47

Dai Madu gaw nanhte hpe lam magup shaman ya manit dai; rai ti mung nanhte shi hpe kabu gara ai myit hte n daw n jau myit dai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.